Click it and Unblock the Notifications
ಹೆಡ್ ಟು ಹೆಡ್
ರಾಯಲ್ ಚಾಲೆಂಜರ್ಸ್ ಹಾಗೂ ಸನ್ ರೈಸರ್ಸ್ ಹೈದರಾಬಾದ್ ತಂಡಗಳು ಈವರೆಗೆ ಒಟ್ಟು 13 ಬಾರಿ ಮುಖಾಮುಖಿಯಾಗಿದೆ. ಇದರಲ್ಲಿ ಸನ್ ರೈಸರ್ಸ್ ಹೈದರಾಬಾದ್ ತಂಡ 7 ಪಂದ್ಯಗಳಲ್ಲಿ ಗೆಲುವು ಸಾಧಿಸಿದ್ದರೆ ಆರ್ಸಿಬಿ ತಂಡ 6 ಪಂದ್ಯಗಳಲ್ಲಿ ಗೆದ್ದುಕೊಂಡಿದೆ. ಈ ಮೂಲಕ ಆರ್ಸಿಬಿಗೆ ಸಣ್ಣ ಹಿನ್ನೆಡೆಯನ್ನು ಕಂಡಿದೆ. ಆರ್ಸಿಬಿ ತಂಡ ಐಪಿಎಲ್ ಆರಂಭದ ಆವೃತ್ತಿಯಿಂದಲೂ ಇದ್ದ ಫ್ರಾಂಚೈಸಿಯಾಗಿದ್ದರೆ ಸನ್ ರೈಸರ್ಸ್ ಹೈದರಾಬಾದ್ 2013ರಲ್ಲಿ ಐಪಿಎಲ್ಗೆ ಸೇರ್ಪಡೆಗೊಂಡಿತ್ತು.
ಕಳೆದ ಆವೃತ್ತಿಯಲ್ಲಿ ಮಿಶ್ರ ಫಲಿತಾಂಶ
ಐಪಿಎಲ್ನ ಕಳೆದ ಬಾರಿಯ ಆವೃತ್ತಿಯಲ್ಲಿ ಮುಖಾಮುಖಿಯಾದ ಎರಡೂ ಪಂದ್ಯಗಳಲ್ಲಿ ಆರ್ಸಿಬು ಹಾಗೂ ಎಸ್ಆರ್ಹೆಚ್ ಎರಡೂ ತಂಡಗಳು ಕೂಡ ಸೋಲು ಗೆಲುವಿನ ರುಚಿಯನ್ನು ಕಂಡಿತ್ತು. ಮೊದಲ ಪಂದ್ಯದಲ್ಲಿ ಸನ್ ರೈಸರ್ಸ್ ಹೈದರಾಬಾದ್ ತಂಡ ಆರಂಭಿಕ ಆಟಗಾರರ ದಾಖಲೆಯ ಪ್ರದರ್ಶನದೊಂದೆಗೆ ಅಬ್ಬರದಾಟವನ್ನು ಪ್ರದರ್ಶಿಸಿತ್ತು.ಈ ಪಂದ್ಯದಲ್ಲಿ ಹೈದರಾಬಾದ್ ಭರ್ಜರಿ ಗೆಲುವನ್ನು ದಾಖಲಿಸಿತ್ತು.ಡೇವಿಡ್ ವಾರ್ನರ್ ಹಾಗೂ ಬೈರ್ಸ್ಟೋವ್ ಇಬ್ಬರೂ ಶತಕವನ್ನು ಸಿಡಿಸಿ 231/2 ರನ್ ಗಳಿಸಿತ್ತು. ಇದಕ್ಕೆ ಆರ್ಸಿಬಿ ಬಳಿ ಸೂಕ್ತ ಪ್ರತ್ಯುತ್ತರವೇ ಇಲ್ಲದೆ ಸೋಲು ಕಂಡಿತ್ತು.
ಎರಡನೇ ಮುಖಾಮುಖಿಯಲ್ಲಿ ತಿರುಗೇಟು
ಕಳೆದ ಆವೃತ್ತಿಯ ಎರಡನೇ ಪಂದ್ಯದಲ್ಲಿ ಆರ್ಸಿಬಿ ಸನ್ ರೈಸರ್ಸ್ಗೆ ಸರಿಯಾಘಿಯೇ ತಿರುಗೇಟು ನೀಡುವಲ್ಲಿ ಯಶಸ್ವಿಯಾಗಿತ್ತು. ಕೇನ್ ವಿಲಿಯಮ್ಸನ್ ಸಿಡಿಸಿದ 70 ರನ್ಗಳ ಸಹಾಯದಿಂದ 175/7 ರನ್ ದಾಖಲಿಸಿತ್ತು ಹೈದರಾಬಾದ್. ಇದನ್ನು ಬೆನ್ನತ್ತಿದ ಆರ್ಸಿಬಿಗೆ ಹೇಟ್ಮೇರ್ ಹಾಗೂ ಗುರ್ಕೀರತ್ ಸಿಂಗ್ ಮಾನ್ ಅದ್ಭುತ ಪ್ರದರ್ಶನವನ್ನು ನೀಡುವ ಮೂಲಕ ಗೆಲುವಿಗೆ ಕಾರಣರಾದರು. ನಾಲ್ಕು ವಿಕೆಟ್ಗಳ ಅಂತರದಿಂದ ಆರ್ಸಿಬಿ ಈ ಕಾದಾಟದಲ್ಲಿ ಗೆದ್ದು ಬೀಗಿತ್ತು.
2018ರ ಆವೃತ್ತಿಯಲ್ಲೂ ಮಿಶ್ರ ಫಲಿತಾಂಶ
ಇನ್ನು ಈ ಎರಡು ತಂಡಗಳು 2018ರ ಆವೃತ್ತಿಯಲ್ಲಿ ಮುಖಾಮುಖಿಯಾದ ಎರಡು ಪಂದ್ಯಗಳಲ್ಲೂ ಸೋಲು ಹಾಗೂ ಗೆಲುವಿನ ರುಚಿ ಕಂಡಿತ್ತು. ಆ ಟೂರ್ನಿಯ ಮೊದಲ ಪಂದ್ಯದಲ್ಲಿ ಸನ್ ರೈಸರ್ಸ್ ಹೈದರಾಬಾದ್ ತಂಡ ಕೇವಲ 5 ರನ್ಗಳ ಅಂತರದ ಗೆಲುವನ್ನು ಕಂಡಿತ್ತು. ಎರಡನೇ ಮುಖಾಮುಖಿಯಲ್ಲಿ ಆರ್ಸಿಬಿ 14 ರನ್ಗಳ ಅಂತರದ ಗೆಲುವನ್ನು ಕಾಣುವ ಮೂಲಕ ಸೇಡು ತೀರಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿತ್ತು.
Continue with Google