ಕೊಹ್ಲಿ-ಎಬಿ ಡಿವಿಲಿಯರ್ಸ್ ಗೆಳೆತನ ಎಷ್ಟು ಗಾಢ ಗೊತ್ತೇ?

ಎಬಿಡಿಗೆ ಅರ್ಪಣೆ

ಆರ್‌ಸಿಬಿಯ ತಂಡ ಎಬಿ ಡಿವಿಲಿಯರ್ಸ್ ಅವರ ಮೇಲೆ ಭರವಸೆ ಇರಿಸಿದೆ. ಹಾಗೆಯೇ ಅವರನ್ನು ಬಹುತೇಕ ಅವಲಂಬಿಸಿದೆ ಕೂಡ. ದಕ್ಷಿಣ ಆಫ್ರಿಕಾದ ಈ ಕ್ರಿಕೆಟ್ ದಿಗ್ಗಜನಿಗೆ ವಿರಾಟ್ ಕೊಹ್ಲಿ ಸುಂದರ ಹಾಗೂ ಭಾವಪೂರ್ಣ ವಂದನೆ ಅರ್ಪಿಸಿದ್ದಾರೆ.

ಕ್ರೀಡೆ ಸುಂದರ

ಎಬಿಡಿ ಜತೆಗಿರುವ ಫೋಟೊವೊಂದನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿರುವ ವಿರಾಟ್ ಕೊಹ್ಲಿ, 'ಕ್ರೀಡೆಯಲ್ಲಿನ ಅತ್ಯಂತ ವಿಶೇಷವಾದ ಸಂಗತಿಯೆಂದರೆ ನೀವು ನಿಮ್ಮ ಪಯಣದ ಜತೆಗೆ ತಂಡದ ಸಹೋದ್ಯೋಗಿಯೊಂದಿಗೆ ಹಂಚಿಕೊಳ್ಳುವ ಗೆಳೆತನ ಮತ್ತು ಪರಸ್ಪರ ಗೌರವ. ಕ್ರೀಡೆ ಸುಂದರವಾದದ್ದು' ಎಂದು ಬರೆದಿದ್ದಾರೆ.

ಯಾರ್ಕ'ರಾಜನ್'!: ಅಪರೂಪದ ಬೌಲರ್‌ನ ಸ್ಫೂರ್ತಿದಾಯಕ ಕಥೆ

ಹತ್ತಿರದವರಿಗೆ ಬಿಸ್ಕಿಟ್ ಹೆಸರು

ಡಿವಿಲಿಯರ್ಸ್ ಅವರನ್ನು ಪ್ರೀತಿಯಿಂದ 'ಬಿಸ್ಕಿಟ್' ಎಂದು ಕರೆಯುವುದಾಗಿ ವಿರಾಟ್ ಕೊಹ್ಲಿ ಹೇಳಿದ್ದರು. ಅದಕ್ಕೆ ಕಾರಣವನ್ನು ಸಹ ಅವರು ತಿಳಿಸಿದ್ದರು. 'ದಕ್ಷಿಣ ಆಫ್ರಿಕಾದ ಭಾಷೆಯಿಂದ ಇದನ್ನು ತಿಳಿದುಕೊಂಡೆ. 'ನಿಮಗೆ ಹತ್ತಿರವಾದವರು, ನಿಮ್ಮನ್ನು ಇಷ್ಟಪಡುವವರನ್ನು ಬಿಸ್ಕಿಟ್, ಬಿಸ್ಕೊಟ್ಟಿ ಎಂದು ಕರೆಯುತ್ತಾರೆ. ಏಕೆಂದರೆ ಎಲ್ಲರಿಗೂ ಬಿಸ್ಕಿಟ್ ಎಂದರೆ ಇಷ್ಟ ಅಲ್ಲವೇ?' ಎಂದಿದ್ದರು.

ಆರ್‌ಸಿಬಿಗಾಗಿ ಆಡುವ ಬಯಕೆ

'2011ರಲ್ಲಿ ಜೊಹಾನ್ಸ್‌ಬರ್ಗ್‌ನಲ್ಲಿ ನಾವು ಪರಸ್ಪರ ಸರಿಯಾಗಿ ಹಲೋ ಎಂದಿದ್ದೆವು. ಅದು ಆ ಮೈದಾನದ ಸುರಂಗದಲ್ಲಿ ನಡೆದಿದ್ದು. ಅವರು ಆಗಲೇ ಅಭ್ಯಾಸ ನಡೆಸಿದ್ದರು. ನಾವು ಅಭ್ಯಾಸಕ್ಕೆ ತೆರಳುತ್ತಿದ್ದೆವು. ಆಗ ನಾನು- ಹಲೋ, ಆರ್‌ಸಿಬಿಯಲ್ಲಿ ನಿಮ್ಮೊಂದಿಗೆ ಆಡುವ ಗಳಿಗೆಗಾಗಿ ಎದುರು ನೋಡುತ್ತಿದ್ದೇನೆ ಎಂದೆ. ಆಗ ಅವರು ಆರ್‌ಸಿಬಿ ಪರ ಆಡಲು ಕಾತರದಿಂದ ಕಾದಿರುವುದಾಗಿ ತಿಳಿಸಿದ್ದರು' ಎಂದು ಕೊಹ್ಲಿ ಹೇಳಿದ್ದರು.

ಐಪಿಎಲ್ ದಾಖಲೆ ಬರೆದು ರೈನಾ, ಕೊಹ್ಲಿ ಜೊತೆ ಸೇರಿದ ರೋಹಿತ್ ಶರ್ಮಾ