ರೋಹಿತ್‌ 5ನೇ ಐಪಿಎಲ್ ಟ್ರೋಫಿ ಗೆಲ್ಲುತ್ತಲೇ ವಿರಾಟ್‌ ಕೊಹ್ಲಿ ಟ್ರೋಲ್!

ಒಂದೇ ಚಿತ್ರದಲ್ಲಿ 5 ಟ್ರೋಫಿಗಳು

ಆರ್‌ಸಿಬಿ ನಾಯಕ ವಿರಾಟ್ ಕೊಹ್ಲಿ ಮತ್ತು ಎಂಐ ನಾಯಕ ರೋಹಿತ್ ಶರ್ಮಾ ಜೊತೆಗಿರುವ ಚಿತ್ರ ಹಂಚಿಕೊಂಡಿರುವ ನೆಟ್ಟಿಗರೊಬ್ಬರು 'ಒಂದೇ ಚಿತ್ರದಲ್ಲಿ 5 ಐಪಿಎಲ್ ಟ್ರೋಫಿಗಳು' ಎಂದು ಟ್ವೀಟ್‌ನಲ್ಲಿ ಬರೆದುಕೊಂಡಿದ್ದಾರೆ. ಐದೂ ಟ್ರೋಫಿಗಳು ಗೆದ್ದಿದ್ದು ರೋಹಿತ್ ಆದ್ದರಿಂದ ಕೊಹ್ಲಿಯನ್ನು ಹೀಗೆ ತಮಾಷೆ ಮಾಡಿದ್ದಾರೆ.

ಆಸ್ಟ್ರೇಲಿಯಾ ಸರಣಿಯತ್ತ ರೋಹಿತ್

ಇಂಡಿಯನ್ ಪ್ರೀಮಿಯರ್ ಲೀಗ್‌ ಬಳಿಕ ಭಾರತ ತಂಡ ಆಸ್ಟ್ರೇಲಿಯಾಕ್ಕೆ ಹೊರಡಲಿದೆ. ಆರಂಭದಲ್ಲಿ ತಂಡದಿಂದ ಹೊರಗಿಡಲಾಗಿದ್ದ ರೋಹಿತ್ ಈಗ ಸರಣಿಗೆ ಸೇರ್ಪಡೆಗೊಂಡಿದ್ದಾರೆ. ರೋಹಿತ್ ಅಭಿಮಾನಿಯೊಬ್ಬರು ಕೊಹ್ಲಿಗೆ ತಮಾಷೆ ಮಾಡಿ ಮಾಡಿರುವ ಟ್ವೀಟ್ ಇಲ್ಲಿದೆ.

ಅಹಂಕಾರಿಗೆ 0 ಕಪ್

ವಿರಾಟ್ ಕೊಹ್ಲಿಯ ಚಿತ್ರದ ಜೊತೆ, 'ಅಹಂಕಾರ ಮತ್ತು ದೊಡ್ಡಸ್ತಿಕೆ ಇರುವ ವ್ಯಕ್ತಿಗೆ ಸೊನ್ನೆ ಕಪ್‌' ಎಂದು ಬರೆದುಕೊಳ್ಳಲಾಗಿದೆ. ರೋಹಿತ್ ಶರ್ಮಾ ಚಿತ್ರದ ಜೊತೆ, 'ಸೊನ್ನೆ ಅಹಂಕಾರ ಮತ್ತು ದೊಡ್ಡಸ್ತಿಕೆ ಇರುವ ವ್ಯಕ್ತಿಗೆ 5 ಐಪಿಎಲ್ ಕಪ್‌ಗಳು' ಎಂದು ಬರೆದುಕೊಂಡು ರೋಹಿತ್ ಅಭಿಮಾನಿ ಮಾಡಿರುವ ಟ್ವೀಟ್.

ಇದನ್ನು ಕೊಹ್ಲಿಗೆ ಕಳುಹಿಸಬೇಡಿ

'ರೋಹಿತ್ ಶರ್ಮಾ ಭಾರತ ಟಿ20 ತಂಡಕ್ಕೆ ನಾಯಕರಾಗಲು ಬೆಸ್ಟ್ ಅನ್ನೋದರಲ್ಲಿ ಅನುಮಾನವಿಲ್ಲ. ಅವರೊಬ್ಬರು ಅದ್ಭುತ ವ್ಯಕ್ತಿ, ನಿರ್ವಾಹಕ, ನಾಯಕ. ಅವರಿಗೆ ಟಿ20 ಪಂದ್ಯ ಗೆಲ್ಲೋದು ಹೇಗೇಂತ ಗೊತ್ತು. ಟಿ20 ನಾಯಕತ್ವ ಬಿಟ್ಟುಕೊಟ್ಟು ಕೊಹ್ಲಿ ಸಾಮಾನ್ಯ ಆಟಗಾರರಂತೆ ನಿರಾಳರಾಗಿ ಆಡಲಿ' ಎಂದು ಇಂಗ್ಲೆಂಡ್ ಮಾಜಿ ಕ್ರಿಕೆಟರ್ ಮೈಕಲ್ ವಾನ್ ಟ್ವೀಟ್ ಮಾಡಿದ್ದರು' ಈ ಟ್ವೀಟನ್ನು ಕೊಹ್ಲಿಗೆ ಕಳುಹಿಸಬೇಡಿ ಎಂದು ಇಲ್ಲಿ ಟ್ರೋಲ್ ಮಾಡಲಾಗಿದೆ.

ಬಿಸಿಸಿಐಗೂ ಎಂಐಗೂ ಇರುವ ವ್ಯತ್ಯಾಸ

'ಮುಂಬೈ ಇಂಡಿಯನ್ಸ್ ಫ್ರಾಂಚೈಸಿ ರೋಹಿತ್ ಶರ್ಮಾ ಅವರನ್ನು ಹೀರೋನಂತೆ, ಪರಾಕ್ರಮಿಯಂತೆ ನೋಡುತ್ತದೆ, ಅದೇ ಬಿಸಿಸಿಐ ರೋಹಿತ್ ಅವರನ್ನು ರೋಗಿಯಂತೆ, ದುರ್ಬಲನಂತೆ ನೋಡುತ್ತದೆ' ಎಂದು ಸಿನಿಮಾದ ಚಿತ್ರ ಹಾಕಿ ಸಾಗರ್ ಎಂಬವರು ಟ್ವೀಟ್ ಮಾಡಿದ್ದಾರೆ.