ಐಪಿಎಲ್ 2020: ಚಾಂಪಿಯನ್ ಮುಂಬೈಗೆ ವಿಚಿತ್ರ ಸಲಹೆ ನೀಡಿದ ವಾಸಿಂ ಜಾಫರ್

ಒಂದೆರಡು ವರ್ಷ ವಿರಾಮ ತೆಗೆದುಕೊಳ್ಳಿ

ಕಿಂಗ್ಸ್ ಇಲೆವೆನ್ ಪಂಜಾಬ್ ತಂಡದ ಬ್ಯಾಟಿಂಗ್ ಕೋಚ್ ಆಗಿರುವ ವಾಸಿಂ ಜಾಫರ್ ಟ್ವೀಟ್‌ನಲ್ಲಿ "ಅಭಿನಂದನೆಗಳು ಮುಂಬೈ ಇಂಡಿಯನ್ಸ್, ಈಗ ನೀವು ಒಂದೆರಡು ವರ್ಷ ವಿರಾಮ ತೆಗದುಕೊಳ್ಳಿ. ನೀವು ಅದನ್ನು ಸಂಪಾದಿಸಿರುವಿರಿ" ಎಂದು ತಮಾಷೆಯಾಗಿ ಎಮೋಜಿಯೋದನ್ನು ಹಾಕಿ ಬರೆದುಕೊಂಡಿದ್ದಾರೆ.

ವೈರಲ್ ಆಗಿದೆ ಜಾಫರ್ ಟ್ವೀಟ್

ಮುಂಬೈ ಇಂಡಿಯನ್ಸ್ ಸತತವಾಗಿ ಟೂರ್ನಿಯಲ್ಲಿ ಯಶಸ್ಸನ್ನು ಪಡೆದುಕೊಳ್ಳುತ್ತಿರುವ ಕಾರಣದಿಂದಾಗಿ ವಾಸಿಂ ಜಾಫರ್ ಈ ರೀತಿ ಮನವಿ ಮಾಡಿಕೊಂಡಿದ್ದಾರೆ. ವಾಸಿಂ ಜಾಫರ್ ಮಾಡಿದ ಈ ಟ್ವಿಟ್‌ಗೆ ಸಾಕಷ್ಟು ಪ್ರತಿಕ್ರಿಯೆಗಳು ಹರಿದು ಬರುತ್ತಿದ್ದು ಟ್ವೀಟ್ ವೈರಲ್ ಆಗಿದೆ.

ಪಂಜಾಬ್ ತಂಡದ ಬ್ಯಾಟಿಂಗ್ ಕೋಚ್

ವಾಸಿಂ ಜಾಫರ್ ಬ್ಯಾಟಿಂಗ್ ಕೋಚ್ ಆಗಿ ಕರ್ತವ್ಯ ನಿರ್ವಹಿಸುತ್ತಿರುವ ಕಿಂಗ್ಸ್ ಇಲೆವೆನ್ ಪಂಜಾಬ್ ಸತತ ಐದು ಸೋಲುಗಳ ನಂತರ ಸತತ ಐದು ಗೆಲುವು ಸಂಪಾದಿಸಿ ಪ್ಲೇಆಫ್ ರೇಸ್‌ಗೆ ಬಂದಿತ್ತು. ಆದರೆ ಅಂತಿಮ ಎರಡು ಪಂದ್ಯಗಳನ್ನು ಸೋಲುವ ಮೂಲಕ ಲೀಗ್‌ಹಂತದಿಂದಲೇ ಹೊರಬಿದ್ದಿತು. ಪಂಜಾಬ್ ಈವರೆಗೂ ಒಂದು ಬಾರಿಯೂ ಚಾಂಪಿಯನ್ ಆಗದ ತಂಡವಾಗಿದೆ.