ಸನ್‌ರೈಸರ್ಸ್ ತಂಡದೊಳಗೆ ಆಗಬಾರದ್ದೇನೋ ಆಗಿದೆ: ಡೇಲ್ ಸ್ಟೈನ್

ನಾಯಕತ್ವದ ಬದಲಾವಣೆ ಓಕೆ

ಸತತವಾಗಿ ಸೋಲನ್ನು ಕಂಡ ನಂತರ ಸನ್‌ರೈಸರ್ಸ್ ಹೈದರಾಬಾದ್ ತಂಡದ ನಾಯಕತ್ವವನ್ನು ಬದಲಾವಣೆ ಮಾಡಿ ಕೇನ್ ವಿಲಿಯಮ್ಸನ್‌ಗೆ ನೀಡಿದ ಬಗ್ಗೆ ಸಮ್ಮತಿಯನ್ನು ಸೂಚಿಸಿದ್ದಾರೆ ಡೇಲ್ ಸ್ಟೈನ್. ಕೇನ್ ವಿಲಿಯಮ್ಸನ್ ಅವರನ್ನು ನಾಯಕನನ್ನಾಗಿ ಮಾಡಿದ್ದರೂ ಆಡುವ ಬಳಗದಲ್ಲಿ ಡೇವಿಡ್ ವಾರ್ನರ್‌ಗೆ ಸ್ಥಾನವಿರಬೇಕಾಗಿತ್ತು ಎಂದಿದ್ದಾರೆ ಆಫ್ರಿಕಾದ ವೇಗಿ.

ವಿಚಿತ್ರ ನಿರ್ಧಾರ ಎಂದ ಸ್ಟೈನ್

ನಾಯಕತ್ವದಿಂದ ಕೆಳಗಿಳಿಸಿದ ನಂತರ ಡೇವಿಡ್ ವಾರ್ನರ್ ಅವರನ್ನು ತಂಡದ ಆಡುವ ಬಳಗದಿಂದ ಹೊರಗಿಡುವ ತಂಡದ ನಿರ್ಧಾರ ವಿಚಿತ್ರವಾದದ್ದು ಎಂದು ಡೇಲ್ ಸ್ಟೇನ್ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದಾರೆ. ಐಪಿಎಲ್‌ನಲ್ಲಿ ವಾರ್ನರ್ ಅದ್ಭುತ ದಾಖಲೆಯನ್ನು ಹೊಂದಿದ್ದಾರೆ. ಅತಿ ಹೆಚ್ಚು ರನ್‌ಗಳಿಸಿದ ಆಟಗಾರರ ಪೈಕಿ ವಾರ್ನರ್ ಐದನೇ ಸ್ಥಾನದಲ್ಲಿದ್ದಾರೆ. ಐಪಿಎಲ್‌ನಲ್ಲಿ ಅರ್ಧ ಶತಕಗಳ ಅರ್ಧ ಶತಕ ದಾಖಲಿಸಿದ ಏಕೈಕ ಆಟಗಾರ ಎಂಬ ಹೆಗ್ಗಳಿಕೆಯನ್ನು ಸ್ಟೇಯ್ನ್ ಹೊಂದಿದ್ದಾರೆ.

ಅದ್ಭುತವಾದ ಆಟಗಾರ

"ಆಡುವ ಬಳಗದಿಂದ ವಾರ್ನರ್ ಹೊರಗಿಟ್ಟಿರುವುದು ವಿಚಿತ್ರವಾದ ನಿರ್ಧಾರ. ನಾಯಕತ್ವದ ಬದಲಾವಣೆ ಮಾಡಿ ಕೇನ್‌ಗೆ ಅವಕಾಶವನ್ನು ನೀಡಿರುವುದು ಒಪ್ಪಿಕೊಳ್ಳಬಹುದು. ಆದರೆ ಆಟಗಾರನಾಗಿ ವಾರ್ನರ್ ಶ್ರೇಷ್ಠ ಪ್ರದರ್ಶನ ನೀಡಿದ್ದಾರೆ. ಆತನನ್ನ ಆಡುವ ಬಳಗದಲ್ಲಿರುವುದನ್ನು ನೋಡಲು ನಾನು ಬಯಸುತ್ತೇನೆ. ಆದರೆ ಇದು ವಾರ್ನರ್ ಅವರನ್ನು ಕಿತ್ತಳೆ ಸೇನೆಯಲ್ಲಿ ನೋಡಲು ಇರುವ ಕೊನೆಯ ಅವಕಾಶವೆನಿಸುತ್ತದೆ" ಎಂದು ಸ್ಟೇಯ್ನ್ ಅಭಿಪ್ರಾಯಪಟ್ಟಿದ್ದಾರೆ.

ಹೊರಗಡೆ ತಿಳಿಯಂತೆ ಆಂತರಿಕವಾಗಿ ಏನೋ ನಡೆದಿದೆ

ಮನೀಶ್ ಪಾಂಡೆಯನ್ನು ಹೊರಗಿಟ್ಟ ನಂತರ ಬಹುಶಃ ಡೇವಿಡ್ ವಾರ್ನರ್ ಪ್ರಶ್ನಿಸಿರಬಹುದು. ಇದು ಮ್ಯಾನೇಜ್‌ಮೆಂಟ್‌ಗೆ ಸರಿಯೆನಿಸದಿರಲೂಬಹುದು. ಆದರೆ ತಂಡದ ನಾಯಕನಾದವನು ಆಡುವ ಬಳಗದ ಆಯ್ಕೆ ಂಆಡುವ ಅಧಿಕಾರವನ್ನು ಹೊಂದಿರಬೇಕು. ಇದೇ ವಿಚಾರವಾಗಿ ಖಂಡಿತಾ ನಾಲ್ಕು ಕೋಣೆಗಳ ಮಧ್ಯೆ ಏನೋ ನಡೆದಿರುವ ಸಾಧ್ಯತೆಯಿದೆ. ಇದು ಸಾರ್ವಜನಿಕರ ಅರಿಗೆ ಬಂದಿರುವುದಿಲ್ಲ" ಎಂದು ಡೇಲ್ ಸ್ಟೇಯ್ನ್ ಹೇಳಿದ್ದಾರೆ.