ಜೈಪುರ್: ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಫ್ರಾಂಚೈಸಿ ರಾಜಸ್ಥಾನ್ ರಾಯಲ್ಸ್ ಜೊತೆ ನ್ಯೂಜಿಲೆಂಡ್ ಲೆಗ್ ಸ್ಪಿನ್ನರ್ ಇಶ್ ಸೋಧಿ ಒಪ್ಪಂದ ಮಾಡಿಕೊಂಡಿದ್ದಾರೆ. ತಂಡದ ಸಂಪರ್ಕ ಅಧಿಕಾರಿಯಾಗಿ ಸೋಧಿ 2021ರ ಐಪಿಎಲ್ನಲ್ಲಿ ರಾಯಲ್ಸ್ ಜೊತೆಗಿರಲಿದ್ದಾರೆ.
ಶ್ರೀಲಂಕಾ ವಿರುದ್ಧದ ಸರಣಿಗೆ ವಿಂಡೀಸ್ ತಂಡ ಪ್ರಕಟ, ಗೇಲ್ ವಾಪಸ್
ಈ ಬಾರಿಯ ಐಪಿಎಲ್ ಆಟಗಾರರ ಹರಾಜಿನಲ್ಲಿ ಇಶ್ ಸೋಧಿ ಖರೀದಿಯಾಗಿರಲಿಲ್ಲ. ಆದರೆ ಸೋಧಿ ಪ್ರತಿಭೆ ಅರಿತಿರುವ ರಾಜಸ್ಥಾನ್ ರಾಯಲ್ಸ್ ಅವರನ್ನು ಸಂಪರ್ಕಾಧಿಕಾರಿಯಾಗಿ ತಂಡಕ್ಕೆ ಸೇರಿಸಿಕೊಂಡಿದೆ. 2018 ಮತ್ತು 2019ರಲ್ಲಿ ಇಶ್ ಸೋಧಿ ಆರ್ಆರ್ ಪರ ಆಡಿದ್ದರು.
ಸೋಧಿ ಇನ್ನು ರಾಜಸ್ಥಾನ್ ರಾಯಲ್ಸ್ನ ನೂತನ ಕ್ರಿಕೆಟ್ ನಿರ್ದೇಶಕ, ಶ್ರೀಲಂಕಾದ ಕುಮಾರ ಸಂಗಕ್ಕಾರ ಮತ್ತು ಕ್ರಿಕೆಟ್ ಕಾರ್ಯನಿರ್ವಹಣಾ ಅಧಿಕಾರಿ ಜೇಕ್ ಲಷ್ ಮೆಕ್ಕ್ರಮ್ ಜೊತೆಗಿದ್ದು ಆರ್ಆರ್ನ ಮುನ್ನಡೆಗೆ ನೆರವಾಗಲಿದ್ದಾರೆ.
'ನರೇಂದ್ರ ಮೋದಿ ಸ್ಟೇಡಿಯಂ'ಗೆ ಅಪಸ್ವರ: ಜೋ ರೂಟ್ ಹೇಳಿದ್ದೇನು ಗೊತ್ತಾ?!
'ರಾಜಸ್ಥಾನ್ ರಾಯಲ್ಸ್ ಒಂದು ನವೀನ, ಕ್ರಿಯಾತ್ಮಕ ಫ್ರಾಂಚೈಸಿಯಾಗಿದ್ದು, ಕ್ರಿಕೆಟ್ನ ಮನರಂಜನಾ ಬ್ರ್ಯಾಂಡ್ ಆಗಿದೆ. ಬೋರ್ಡ್ ಸೇರಿಕೊಳ್ಳುವ ಮೂಲಕ ನನಗೆ ನನ್ನ ಐಪಿಎಲ್ ಕುಟುಂಬವನ್ನು ಮತ್ತೆ ಸೇರಿಕೊಳ್ಳಲು ಖುಷಿಯಾಗಿದೆ,' ಎಂದು ಸೋಧಿ ತಿಳಿಸಿದ್ದಾರೆ.