ಐಪಿಎಲ್: 10 ಓವರ್‌ಗಳಲ್ಲಿ 117 ರನ್!; ಪಡಿಕ್ಕಲ್ ಜಾಗ ತುಂಬಲು ಆರ್‌ಸಿಬಿಗೆ ಸಿಕ್ಕ ಸ್ಪೋಟಕ ಆಟಗಾರ

10 ಓವರ್‌ಗಳಲ್ಲಿ 80-90 ಬಾರಿಸಲು ಇಬ್ಬರಿಗೆ ಸವಾಲು

ಸಂಜಯ್ ಬಂಗಾರ್ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ನೂಯನ ನಾಯಕ ಫಾಫ್ ಡು ಪ್ಲೆಸಿಸ್ ಮತ್ತು ಯುವ ಕ್ರಿಕೆಟಿಗ ಅನುಜ್ ರಾವತ್‌ ಜೋಡಿಗೆ ಮೊದಲ 10 ಓವರ್‌ಗಳಲ್ಲಿ 80-90 ಬಾರಿಸುವಂತೆ ಸವಾಲನ್ನು ಹಾಕಿದರು. ಈ ಸವಾಲನ್ನು ಸ್ವೀಕರಿಸಿದ ಫಾಫ್ ಡು ಪ್ಲೆಸಿಸ್ ಫಾಫ್ ಡು ಪ್ಲೆಸಿಸ್ ಮತ್ತು ಅನುಜ್ ರಾವತ್ ಜೋಡಿ 10 ಓವರ್‌ಗಳಲ್ಲಿ 117 ರನ್ ಬಾರಿಸಿ ಯಶಸ್ವಿಯಾಗಿದೆ. ನಾಯಕ ಫಾಫ್ ಡು ಪ್ಲೆಸಿಸ್ ಅಜೇಯ 77 ರನ್ ಸಿಡಿಸಿದರೆ, ಯುವ ಆಟಗಾರ ಅನುಜ್ ರಾವತ್ 44 ರನ್ ಗಳಿಸಿ ಅಂತಿಮ ಓವರ್‌ನಲ್ಲಿ ಔಟ್ ಆಗಿದ್ದಾರೆ. ಹೀಗೆ ಈ ಜೋಡಿ ಆರಂಭಿಕರಾಗಿ ಕಣಕ್ಕಿಳಿದು ಅಬ್ಬರಿಸಿರುವುದು ಸದ್ಯ ಆರ್‌ಸಿಬಿ ಪರ ಯಾರು ಆರಂಭಿಸಲಿದ್ದಾರೆ ಎಂಬ ತಲೆನೋವಿಗೆ ಪರಿಹಾರ ದೊರಕುವಂತೆ ಮಾಡಿದೆ. ಅದರಲ್ಲಿಯೂ ಕಳೆದ ಬಾರಿ ಆರಂಭಿಕನಾಗಿ ಕಣಕ್ಕಿಳಿದಿದ್ದ ವಿರಾಟ್ ಕೊಹ್ಲಿಗೆ ಈ ಇಬ್ಬರ ಆಟ ನೆಮ್ಮದಿ ನೀಡಿದ್ದು, ಈ ಬಾರಿ ಕೊಹ್ಲಿ ಮೂರನೇ ಕ್ರಮಾಂಕದಲ್ಲಿ ಕಣಕ್ಕಿಳಿಯಲು ಸಹಕಾರಿಯಾಗಲಿದೆ. ಇನ್ನು ಪಡಿಕ್ಕಲ್ ಹಾಗೂ ಕೊಹ್ಲಿ ಸ್ಥಾನವನ್ನು ಈ ಬಾರಿ ಯಾರು ತುಂಬಲಿದ್ದಾರೆ ಎಂಬ ಪ್ರಶ್ನೆಗೆ ಈ ಅಭ್ಯಾಸ ಉತ್ತರವನ್ನು ನೀಡಿದ್ದು, ಫಾಫ್ ಡು ಪ್ಲೆಸಿಸ್ ಮತ್ತು ಅನೂಜ್ ರಾವತ್ ಜೋಡಿ ಆರಂಭಿಕರಾಗಿ ಕಣಕ್ಕಿಳಿದು ಮಿಂಚುವ ಭರವಸೆಯನ್ನು ಮೂಡಿಸಿದೆ.

8 ಓವರ್‌ಗಳಿಗೆ 100 ರನ್ ಬಾರಿಸುವಲ್ಲಿ ವಿಫಲರಾದ ಕಾರ್ತಿಕ್ - ರುಥರ್‌ಫೋರ್ಡ್ ಜೋಡಿ

ಇನ್ನು 12 - 20 ಓವರ್‌ಗಳಲ್ಲಿ 100 ರನ್ ಬಾರಿಸಿ ಎಂಬ ಸವಾಲನ್ನು ದಿನೇಶ್ ಕಾರ್ತಿಕ್ ಮತ್ತು ರುಥರ್‌ಫೋರ್ಡ್ ಜೋಡಿಗೆ ಹಾಕಲಾಗಿತ್ತು. ಈ ಸವಾಲನ್ನು ಯಶಸ್ವಿಯಾಗಿ ಪೂರೈಸುವಲ್ಲಿ ವಿಫಲವಾದ ಜೋಡಿ 8 ಓವರ್‌ಗಳಲ್ಲಿ 80 ರನ್ ಗಳಿಸಲಷ್ಟೇ ಶಕ್ತವಾಯಿತು. ರುಥರ್‌ಫೋರ್ಡ್ ಭರ್ಜರಿ ಅರ್ಧಶತಕ ಗಳಿಸಿದರೂ ಸಹ ದಿನೇಶ್ ಕಾರ್ತಿಕ್ ವಿಫಲತೆಯಿಂದ ಈ ಗುರಿಯನ್ನು ತಲುಪುವಲ್ಲಿ ಈ ಜೋಡಿ ವಿಫಲಗೊಂಡಿತು.

KL Rahul ಅವರನ್ನು ತಂಡದವರೇ ತುಳಿಯುತ್ತಿದ್ದರು | Oneindia Kannada

ವಾಸಿಮ್ ಜಾಫರ್ ಸಲಹೆಗೆ ಮತ್ತಷ್ಟು ಪುಷ್ಠಿ

ಇನ್ನು ಕಳೆದೆರಡು ದಿನಗಳ ಹಿಂದೆ ಭಾರತದ ಮಾಜಿ ಕ್ರಿಕೆಟಿಗ ವಾಸಿಮ್ ಜಾಫರ್ ಈ ಬಾರಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪರ ಫಾಫ್ ಡು ಪ್ಲೆಸಿಸ್ ಮತ್ತು ಅನುಜ್ ರಾವತ್ ಆರಂಭಿಕ ಆಟಗಾರರಾಗಿ ಕಣಕ್ಕಿಳಿಯಬೇಕು ಹಾಗೂ ವಿರಾಟ್ ಕೊಹ್ಲಿ ಆರಂಭಿಕನ ಸ್ಥಾನವನ್ನು ಬಿಟ್ಟು ಮೂರನೇ ಕ್ರಮಾಂಕದಲ್ಲಿ ಕಣಕ್ಕಿಳಿಯಬೇಕು ಎಂಬ ಸಲಹೆಯನ್ನು ನೀಡಿದ್ದರು. ಸದ್ಯ ವಾಸಿಮ್ ಜಾಫರ್ ಹೇಳಿದಂತೆ ಅನುಜ್ ರಾವತ್ ಮತ್ತು ಫಾಫ್ ಡು ಪ್ಲೆಸಿಸ್ ಜೋಡಿ ಮೊದಲ ಹತ್ತು ಓವರ್‌ಗಳಲ್ಲಿ ಶತಕದ ಜತೆಯಾಟವನ್ನಾಡಿ ಭರವಸೆಯನ್ನು ಮೂಡಿಸಿದ್ದು, ವಿರಾಟ್ ಕೊಹ್ಲಿಗೆ ಮೂರನೇ ಕ್ರಮಾಂಕದಲ್ಲಿ ಕಣಕ್ಕಿಳಿಯಲು ಸೂಚನೆ ಸಿಕ್ಕಂತಾಗಿದೆ.