IPL 2022: ಪರ್ಪಲ್ ಕ್ಯಾಪ್‌ಗಾಗಿ ಇಬ್ಬರು ಸ್ಪಿನ್ ಮಾಸ್ಟರ್‌ಗಳ ನಡುವಿನ ರೋಚಕ ಯುದ್ಧ; ಮಾಲಿಂಗ

ಶ್ರೀಲಂಕಾದ ಲೆಗ್ ಸ್ಪಿನ್ನರ್ ವನಿಂದು ಹಸರಂಗಾ ಶುಕ್ರವಾರ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) 2022 ರಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಪರ ಪಂಜಾಬ್ ಕಿಂಗ್ಸ್ ವಿರುದ್ಧ ಎರಡು ವಿಕೆಟ್‌ ಪಡೆಯುವುದರೊಂದಿಗೆ ಪರ್ಪಲ್ ಕ್ಯಾಪ್‌ ರೇಸ್‌ನಲ್ಲಿ ಮುನ್ನಡೆ ಸಾಧಿಸಿದ್ದಾರೆ.

ವನಿಂದು ಹಸರಂಗಾ ಯುಜ್ವೇಂದ್ರ ಚಹಲ್ ಅವರೊಂದಿಗೆ 23 ವಿಕೆಟ್‌ ಪಡೆದು ಸಮನಾಗಿದ್ದಾರೆ, ಆದರೆ ಈ ಋತುವಿನಲ್ಲಿ ಇದುವರೆಗೆ ಉತ್ತಮ ಎಕಾನಮಿ ದರವನ್ನು ಹೊಂದಿದ್ದರಿಂದ ಪರ್ಪಲ್ ಕ್ಯಾಪ್‌ ಹಸರಂಗಾ ಬಳಿ ಇದೆ.

ಇವರ ದೇಶವಾಸಿ ಮತ್ತು ಐಪಿಎಲ್ ಅನುಭವಿ ಲಸಿತ್ ಮಾಲಿಂಗ ಅವರು ಹಸರಂಗಾರನ್ನು ಟ್ವಿಟ್ಟರ್‌ನಲ್ಲಿ ಅಭಿನಂದಿಸಿದ್ದಾರೆ. ಈ ವರ್ಷ ಪರ್ಪಲ್ ಕ್ಯಾಪ್‌ಗಾಗಿ "ಇಬ್ಬರು ಸ್ಪಿನ್ ಮಾಸ್ಟರ್‌ಗಳ' ನಡುವಿನ ಯುದ್ಧವಾಗಲಿದೆ ಎಂದು ಹೇಳಿದರು. ಪರ್ಪಲ್ ಕ್ಯಾಪ್‌ ಐಪಿಎಲ್‌ನಲ್ಲಿ ಅತಿ ಹೆಚ್ಚು ವಿಕೆಟ್ ಪಡೆದವರಿಗೆ ನೀಡಲಾಗುತ್ತದೆ.

"ಪರ್ಪಲ್ ಕ್ಯಾಪ್ ಹೊಂದಿರುವ ವನಿಂದು ಹಸರಂಗಾಗೆ ಅಭಿನಂದನೆಗಳು. ಐಪಿಎಲ್‌ನಲ್ಲಿ ಶ್ರೀಲಂಕಾ ಆಟಗಾರರು ಮತ್ತೊಮ್ಮೆ ಛಾಪು ಮೂಡಿಸುವುದನ್ನು ನೋಡಲು ನಿಜವಾಗಿಯೂ ಸಂತೋಷವಾಗಿದೆ," ಎಂದು ಪ್ರಸ್ತುತ ರಾಜಸ್ಥಾನ್ ರಾಯಲ್ಸ್‌ನ ವೇಗದ ಬೌಲಿಂಗ್ ಕೋಚ್ ಆಗಿರುವ ಮಾಲಿಂಗ ಟ್ವೀಟ್ ಮಾಡಿದ್ದಾರೆ.

ಈ ಸೀಸನ್‌ಗೆ ಮುಂಚಿತವಾಗಿ ರಾಜಸ್ಥಾನ ರಾಯಲ್ಸ್ ತಂಡ ಸೇರಿದ್ದ ಮತ್ತು IPL 2021ರ ದ್ವಿತೀಯಾರ್ಧದಲ್ಲಿ ಆರ್‌ಸಿಬಿಯಲ್ಲಿ ಹಸರಂಗದೊಂದಿಗೆ ಸಹ ಆಟಗಾರರಾಗಿದ್ದ ಚಹಲ್, ಎರಡು ಹೃದಯ ಎಮೋಜಿಗಳೊಂದಿಗೆ ಮಾಲಿಂಗ ಟ್ವೀಟ್‌ಗೆ ಪ್ರತಿಕ್ರಿಯಿಸಿದ್ದಾರೆ.

ಈ ಋತುವಿನಲ್ಲಿ ಹಸರಂಗ ಮತ್ತು ಚಹಾಲ್ ಇಬ್ಬರೂ ತಮ್ಮ ತಂಡಗಳಿಗೆ ನಿರ್ಣಾಯಕ ಪ್ರಗತಿಯನ್ನು ನೀಡುವ ಮೂಲಕ ಉತ್ತಮ ಫಾರ್ಮ್‌ನಲ್ಲಿದ್ದಾರೆ. ಈ ಋತುವಿನಲ್ಲಿ ಇವರಿಬ್ಬರು ತಲಾ ಒಂದು ಬಾರಿ ಐದು ವಿಕೆಟ್ ಗೊಂಚಲು ಕಬಳಿಸಿದ್ದು, ಚಹಲ್ ಒಮ್ಮೆ ಹ್ಯಾಟ್ರಿಕ್ ವಿಕೆಟ್ ಪಡೆದಿದ್ದಾರೆ.

ಚಹಲ್ ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ ಐದು ವಿಕೆಟ್ ಗೊಂಚಲು ಗಳಿಕೆಯನ್ನು ಪಡೆದರು, ಇದರಲ್ಲಿ ಅವರ ಮೊದಲ ಐಪಿಎಲ್ ಹ್ಯಾಟ್ರಿಕ್ ಸೇರಿದೆ. ಸನ್‌ರೈಸರ್ಸ್ ಹೈದರಾಬಾದ್ ವಿರುದ್ಧ ಆರ್‌ಸಿಬಿ ಗೆಲುವಿನಲ್ಲಿ ಹಸರಂಗ ಕೂಡ ಐದು ವಿಕೆಟ್‌ಗಳನ್ನು ಪಡೆದರು.

6.50 ಕೋಟಿ ರೂ.ಗೆ ರಾಜಸ್ಥಾನ್ ರಾಯಲ್ಸ್ ಖರೀದಿಸುವ ಮೊದಲು ಚಹಲ್ ಹಲವು ವರ್ಷಗಳ ಕಾಲ ಆರ್‌ಸಿಬಿಯೊಂದಿಗೆ ಇದ್ದರು. ಈ ಮಧ್ಯೆ ಈ ವರ್ಷದ ಬಿಡ್‌ನಲ್ಲಿ ವನಿಂದು ಹಸರಂಗಾ ಆರ್‌ಸಿಬಿ 10.75 ಕೋಟಿ ರೂ. ಖರೀದಿಸಿತು.