ಐಪಿಎಲ್ 2022: ರೋಹಿತ್‌ಗೆ ಕರಾಳ ಆವೃತ್ತಿ: ಒಂದೂ ಅರ್ಧ ಶತಕವಿಲ್ಲದೆ ಸೀಸನ್ ಮುಗಿಸಿದ ಎಂಐ ನಾಯಕ

ಒಂದೂ ಅರ್ಧ ಶತಕ ಬಾರಿಸದ ರೋಹಿತ್

ರೋಹಿತ್ ಶರ್ಮಾ ಪಾಲಿಗೆ ಈ ಬಾರಿಯ ಐಪಿಎಲ್ ಆವೃತ್ತಿ ಎಷ್ಟು ಕಳಪೆಯಾಗಿತ್ತು ಎಂದರೆ ಒಂದೂ ಅರ್ಧ ಶತಕ ಈ ಆವೃತ್ತಿಯಲ್ಲಿ ರೋಹಿತ್ ಬ್ಯಾಟ್‌ನಿಂದ ಸಿಡಿದಿಲ್ಲ. ಈ ಬಾರಿಯ ಟೂರ್ನಿಯಲ್ಲಿ 14 ಪಂದ್ಯಗಳನ್ನು ಆಡಿರುವ ರೋಹಿತ್ ಶರ್ಮಾ 19.14ರ ಸರಾಸರಿಯಲ್ಲಿ 268 ರನ್‌ಗಳಿಸಿದ್ದಾರೆ. ಈ ಆವೃತ್ತಿಯಲ್ಲಿ ಅವರ ವೈಯಕ್ತಿಕ ಗರಿಷ್ಠ ಸ್ಕೋರ್ 48. ಆರಂಭಿಕ ಆಟಗಾರನಾಗಿ ಈ ರೀತಿಯ ಪ್ರದರ್ಶನ ಬಂದಿರುವುದು ಮುಂಬೈ ಇಂಡಿಯನ್ಸ್ ಪಾಲಿಗೆ ಭಾರೀ ಹಿನ್ನಡೆಗೆ ಕಾರಣವಾಗಿದೆ.

ಐಪಿಎಲ್‌ನಲ್ಲಿ 40 ಅರ್ಧ ಶತಕ ಬಾರಿಸಿದ್ದಾರೆ ರೋಹಿತ್

ರೋಹಿತ್ ಶರ್ಮಾ ಐಪಿಎಲ್‌ನಲ್ಲಿ ಈವರಗೆ ಒಟ್ಟು 40 ಅರ್ಧ ಶತಕಗಳನ್ನು ಬಾರಿಸಿದ್ದಾರೆ. 2009 ಹಾಗೂ 2021ರ ಆವೃತ್ತಿಗಳಲ್ಲಿ ರೋಹಿತ್ ತಲಾ ಒಂದು ಅರ್ಧ ಶತಕ ಬಾರಿಸಿದ್ದರು. 2018 ಹಾಗೂ 2019ರ ಆವೃತ್ತಿಯಲ್ಲಿ ತಲಾ ಎರಡು ಅರ್ಧ ಶತಕ ರೋಹಿತ್ ಬ್ಯಾಟ್‌ನಿಂದ ಸಿಡಿದಿತ್ತು. 2010, 2011, 2012, 2014, 2015, 2017 ಮತ್ತು 2020ನೇ ಆವೃತ್ತಿಯಲ್ಲಿ ರೋಹಿತ್ ಶರ್ಮಾ ತಲಾ ಮೂರು ಅರ್ಧ ಶತಕ ಸಿಡಿಸಿದ್ದರು. 2008 ಹಾಗೂ 2013ರ ಆವೃತ್ತಿಯಲ್ಲಿ ರೋಹಿತ್ ಶರ್ಮಾ ನಾಲ್ಕು ಅರ್ಧ ಶತಕ ಸಿಡಿಸಿದ್ದಾರೆ. 2016ರಲ್ಲಿ ಆವೃತ್ತಿಯೊಂದರಲ್ಲಿ ತಮ್ಮ ಗರಿಷ್ಠ 5 ಅರ್ಧ ಶತಕ ಸಿಡಿಸಿ ಮಿಂಚಿದ್ದರು ರೋಹಿತ್ ಶರ್ಮಾ.

Dinesh Karthik ಹಂಚಿಕೊಂಡ ವಿಶೇಷ ಫೋಟೋ ಯಾವುದು | OneIndia Kannada

2013 ರೋಹಿತ್ ಯಶಸ್ವಿ ಆವೃತ್ತಿ

ರೋಹಿತ್ ಶರ್ಮಾ ಅವರ ಅತ್ಯಂತ ಯಶಸ್ವಿ ಆವೃತ್ತಿಯೆಂದರೆ ಅದು 2013ರ ಐಪಿಎಲ್ ಆವೃತ್ತಿ. ಈ ಆವೃತ್ತಿಯಲ್ಲಿ ರೋಹಿತ್ 19 ಪಂದ್ಯಗಳನ್ನು ಆಡಿದ್ದು 38.42ರ ಸರಾಸರಿಯಲ್ಲಿ 538 ರನ್‌ಗಳಿಸಿದ್ದರು. ನಾಲ್ಕು ಅರ್ಧ ಶತಕ ಈ ಆವೃತ್ತಿಯಲ್ಲಿ ರೋಹಿತ್ ಬ್ಯಾಟ್‌ನಿಂದ ಸಿಡಿದಿತ್ತು. ಈ ಆವೃತ್ತಿಯಲ್ಲಿ ಅವರ ಗರಿಷ್ಠ ಸ್ಕೋರ್ ಅಜೇಯ 79 ರನ್. ಆವೃತ್ತಿಯಲ್ಲಿ ಅತಿ ಹೆಚ್ಚು ರನ್‌ಗಳಿಸಿದ ಆಟಗಾರರ ಪಟ್ಟಿಯಲ್ಲಿ ಆ ಆವೃತ್ತಿಯಲ್ಲಿ ರೋಹಿತ್ 6ನೇ ಸ್ಥಾನದಲ್ಲಿದ್ದರು.