IPL 2024: RCB ಫ್ಯಾನ್ಸ್ ಕಂಡರೆ ಹೆಚ್ಚು ಹೆದರುತ್ತೇನೆ; ಅವೇಶ್ ಖಾನ್

ಬಹು ನಿರೀಕ್ಷಿತ 2024ರ ಇಂಡಿಯನ್ ಪ್ರೀಮಿಯರ್ ಲೀಗ್‌ನ (ಐಪಿಎಲ್) 17ನೇ ಆವೃತ್ತಿ ಆರಂಭಕ್ಕೆ ಕೇವಲ ಮೂರು ದಿನಗಳು ಮಾತ್ರ ಬಾಕಿಯಿದ್ದು, ಮಾರ್ಚ್ 22ರಂದು ಚೆನ್ನೈನ ಎಂಎ ಚಿದಂಬರಂ ಸ್ಟೇಡಿಯಂನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡಗಳು ಉದ್ಘಾಟನಾ ಪಂದ್ಯದಲ್ಲಿ ಪರಸ್ಪರ ಸೆಣಸಾಡಲಿವೆ.

ಆವೃತ್ತಿಗೂ ಮುನ್ನ ಎಲ್ಲಾ ಹತ್ತು ಫ್ರಾಂಚೈಸಿಗಳು ತಮ್ಮ ಅಂತಿಮ ಸಿದ್ಧತೆಗಳನ್ನು ನಡೆಸುತ್ತಿವೆ ಮತ್ತು ಸಾಮಾಜಿಕ ಮಾಧ್ಯಮ ಚಟುವಟಿಕೆಗಳ ಮೂಲಕ ತಮ್ಮ ಅಭಿಮಾನಿಗಳೊಂದಿಗೆ ಸಂವಹನದಲ್ಲಿ ತೊಡಗಿಸಿಕೊಂಡಿವೆ.

ಇತ್ತೀಚೆಗೆ, ಭಾರತ ಮತ್ತು ರಾಜಸ್ಥಾನ ರಾಯಲ್ಸ್ ತಂಡದ ವೇಗಿ ಅವೇಶ್ ಖಾನ್ ಮೋಜಿನ ಪ್ರಶ್ನೋತ್ತರ ಸಮಯದಲ್ಲಿ ಪಾಲ್ಗೊಂಡರು. ಈ ವೇಳೆ ಅವರು ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್‌ಸಿಬಿ) ತಂಡದ ಅಭಿಮಾನಿಗಳಿಗೆ ಹೆಚ್ಚು ಹೆದರುವುದಾಗಿ ಎಂದು ಬಹಿರಂಗಪಡಿಸಿದರು.

ಗಮನಾರ್ಹವಾಗಿ, ಕಳೆದ ಋತುವಿನಲ್ಲಿ ಬೆಂಗಳೂರಿನ ಎಂ ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಆರ್‌ಸಿಬಿ ವಿರುದ್ಧ ಲಕ್ನೋ ಸೂಪರ್ ಜೈಂಟ್ಸ್ (ಎಲ್‌ಎಸ್‌ಜಿ) ತಂಡ ಕೊನೆಯ ಎಸೆತದಲ್ಲಿ ರೋಚಕ ಗೆಲುವು ಸಾಧಿಸಿದ ನಂತರ, ಅವೇಶ್ ಖಾನ್ ತನ್ನ ಹೆಲ್ಮೆಟ್ ಅನ್ನು ಎಸೆಯುವ ಮೂಲಕ ಆಕ್ರಮಣಕಾರಿ ಸಂಭ್ರಮಾಚರಣೆ ಮಾಡಿದರು.

ಈ ಘಟನೆಯ ನಂತರ ಅವೇಶ್ ಖಾನ್ ಸಾಮಾಜಿಕ ಮಾಧ್ಯಮದಲ್ಲಿ ಕ್ರಿಕೆಟ್ ಅಭಿಮಾನಿಗಳಿಂದ ಟ್ರೋಲ್‌ಗೆ ಒಳಗಾಗಿದ್ದರು ಮತ್ತು ಕೆಲವು ಕ್ರಿಕೆಟ್ ತಜ್ಞರು ಅವರ ಅತಿರೇಕದ ಸಂಭ್ರಮವನ್ನು ಟೀಕಿಸಿದರು.

ಗಮನಾರ್ಹವಾಗಿ, ಎಲ್‌ಎಸ್‌ಜಿ ಮೆಂಟರ್ ಆಗಿದ್ದ ಗೌತಮ್ ಗಂಭೀರ್ ಅವರ ಆಕ್ರಮಣಕಾರಿ ಆಚರಣೆಯನ್ನು ಅನುಸರಿಸಿ ಅವೇಶ್ ಖಾನ್ ಕೂಡ ಮೈದಾನದಲ್ಲಿ ಅದನ್ನು ಪ್ರದರ್ಶಿಸಿದ್ದರು.

ಬಳಿಕ ಲಕ್ನೋದಲ್ಲಿ ನಡೆದ ಎರಡು ತಂಡಗಳ ನಡುವಿನ ಮುಂದಿನ ಪಂದ್ಯದಲ್ಲಿ ಸ್ಟಾರ್ ಬ್ಯಾಟರ್ ವಿರಾಟ್ ಕೊಹ್ಲಿಯನ್ನು ಮತ್ತೆ ಕೆಣಕಲಾಯಿತು. ಅಲ್ಲಿ ಆರ್‌ಸಿಬಿ ತಂಡ ತಮ್ಮ ಸೋಲಿಗೆ ಸೇಡು ತೀರಿಸಿಕೊಂಡಿತು 18 ರನ್‌ಗಳಿಂದ ವಿಜಯಶಾಲಿಯಾಯಿತು.

ಇದೇ ವೇಳೆ ಮುಂಬರುವ ಐಪಿಎಲ್ ಅವೃತ್ತಿಯ ಮುಂಚಿತವಾಗಿ, ಅವೇಶ್ ಖಾನ್ ತನ್ನ ಹಳೆಯ ತಂಡ ಲಕ್ನೋ ಸೂಪರ್ ಜೈಂಟ್ಸ್ ತಂಡದಿಂದ ರಾಜಸ್ಥಾನ್ ರಾಯಲ್ಸ್‌ಗೆ ತನ್ನ ಅಸ್ತಿತ್ವದಲ್ಲಿರುವ 10 ಕೋಟಿ ರೂಪಾಯಿ ಮೊತ್ತಕ್ಕೆ ವ್ಯಾಪಾರ ಮಾಡಲಾಯಿತು.

ಬಲಗೈ ವೇಗಿಯನ್ನು 2022ರ ಮೆಗಾ ಹರಾಜಿನಲ್ಲಿ ಲಕ್ನೋ ಫ್ರಾಂಚೈಸಿ ಖರೀದಿಸಿತು ಮತ್ತು ಆಡಿದ 13 ಪಂದ್ಯಗಳಿಂದ 23.11ರ ಸರಾಸರಿಯಲ್ಲಿ 18 ವಿಕೆಟ್‌ಗಳನ್ನು ಪಡೆದು ಸ್ಮರಣೀಯ ಋತುವನ್ನು ಹೊಂದಿದ್ದರು.

ಆದಾಗ್ಯೂ, ಅವೇಶ್ ಖಾನ್ 2023ರ ಆವೃತ್ತಿಯಲ್ಲಿ ತಮ್ಮ ಮ್ಯಾಜಿಕ್ ಅನ್ನು ಪುನರಾವರ್ತಿಸಲು ವಿಫಲರಾದರು ಮತ್ತು ಆಡಿದ ಒಂಬತ್ತು ಪಂದ್ಯಗಳಿಂದ 35.38ರ ಸರಾಸರಿಯಲ್ಲಿ ಕೇವಲ 8 ವಿಕೆಟ್‌ಗಳನ್ನು ಪಡೆದರು.

2024ರ ಐಪಿಎಲ್‌ನಲ್ಲಿ RR vs LSG ಪಂದ್ಯ

ಅವೇಶ್ ಖಾನ್ ಅವರ ಐಪಿಎಲ್ ವೃತ್ತಿಜೀವನದಲ್ಲಿ ಆಡಿದ ಒಟ್ಟಾರೆ 47 ಪಂದ್ಯಗಳಿಂದ 26.33ರ ಸರಾಸರಿಯಲ್ಲಿ 55 ವಿಕೆಟ್‌ಗಳನ್ನು ಪಡೆದಿದ್ದು, ತಮ್ಮ ಹೆಸರಿಗೆ ಒಂದು ಬಾರಿ ನಾಲ್ಕು ವಿಕೆಟ್‌ಗಳ ಸಾಧನೆ ಮಾಡಿದ್ದಾರೆ. ಅವೇಶ್ ಖಾನ್ ಸ್ಥಾನದಲ್ಲಿ ಎಲ್‌ಎಸ್‌ಜಿ ಫ್ರಾಂಚೈಸಿಯು ರಾಜಸ್ಥಾನ್ ರಾಯಲ್ಸ್‌ನಿಂದ ದೇವದತ್ ಪಡಿಕ್ಕಲ್ ಅವರನ್ನು ವ್ಯಾಪಾರ ಮಾಡಿತು.

ಎಡಗೈ ಬ್ಯಾಟರ್ ದೇವದತ್ ಪಡಿಕ್ಕಲ್ 2023ರಲ್ಲಿ ರಾಜಸ್ಥಾನ್ ರಾಯಲ್ಸ್ ಪರ ಬ್ಯಾಟ್‌ನೊಂದಿಗೆ ಆಡಿದ 11 ಇನ್ನಿಂಗ್ಸ್‌ಗಳಿಂದ 26.10ರ ಸರಾಸರಿಯಲ್ಲಿ 261 ರನ್ ಗಳಿಸಿದರು ಮತ್ತು 130.50ರ ಸ್ಟ್ರೈಕ್ ರೇಟ್‌ನೊಂದಿಗೆ ತಮ್ಮ ಹೆಸರಿಗೆ ಎರಡು ಅರ್ಧಶತಕ ಗಳಿಸಿದ್ದಾರೆ.

ದೇವದತ್ ಪಡಿಕ್ಕಲ್ ತಮ್ಮ ಐಪಿಎಲ್ ವೃತ್ತಿಜೀವನದಲ್ಲಿ 57 ಪಂದ್ಯಗಳಿಂದ 27.65ರ ಸರಾಸರಿಯಲ್ಲಿ 1521 ರನ್ ಕಲೆಹಾಕಿದ್ದಾರೆ ಮತ್ತು 125.39 ಸ್ಟ್ರೈಕ್ ರೇಟ್‌ನೊಂದಿಗೆ ಒಂದು ಶತಕ ಮತ್ತು ಒಂಬತ್ತು ಅರ್ಧಶತಕಗಳನ್ನು ಗಳಿಸಿದ್ದಾರೆ.

ರಾಜಸ್ಥಾನ್ ರಾಯಲ್ಸ್ ಮತ್ತು ಲಕ್ನೋ ಸೂಪರ್ ಜೈಂಟ್ಸ್ ತಂಡಗಳು ಐಪಿಎಲ್ 2024ರಲ್ಲಿ ತಮ್ಮ ಅಭಿಯಾನವನ್ನು ಮಾರ್ಚ್ 24ರ ಭಾನುವಾರದಂದು ಆರಂಭಿಸಲಿವೆ.