IPL 2024: ಡೆಲ್ಲಿ ಕ್ಯಾಪಿಟಲ್ಸ್ ಆತಂಕ ಹೆಚ್ಚಿಸಿದ ಡೇವಿಡ್ ವಾರ್ನರ್ ಗಾಯ

ಭಾನುವಾರ, ಫೆಬ್ರವರಿ 25ರಂದು ಆಕ್ಲೆಂಡ್‌ನ ಈಡನ್ ಪಾರ್ಕ್‌ನಲ್ಲಿ ನ್ಯೂಜಿಲೆಂಡ್ ವಿರುದ್ಧದ ಅಂತಿಮ ಟಿ20 ಪಂದ್ಯವನ್ನು ಆಸ್ಟ್ರೇಲಿಯಾದ ಅನುಭವಿ ಬ್ಯಾಟರ್ ಡೇವಿಡ್ ವಾರ್ನರ್ ಅವರು ಆಡ್ಕ್ಟರ್ ಗಾಯದಿಂದ ತಪ್ಪಿಸಿಕೊಳ್ಳಲಿದ್ದಾರೆ.

ಇದೇ ವೇಳೆ 2024ರ ಐಪಿಎಲ್ ಪಂದ್ಯಾವಳಿಗೆ ಈಗಾಗಲೇ ಭಾಗಶಃ ವೇಳಾಪಟ್ಟಿ ಪ್ರಕಟವಾಗಿದ್ದು, ಡೇವಿಡ್ ವಾರ್ನರ್ ಅವರ ತಂಡವಾದ ಡೆಲ್ಲಿ ಕ್ಯಾಪಿಟಲ್ಸ್ ತಂಡಕ್ಕೆ ಆತಂಕ ಮೂಡಿಸಿದೆ.

ಅದಾಗ್ಯೂ, 2024ರ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಗಿಂತ ಮುಂಚಿತವಾಗಿ ಡೇವಿಡ್ ವಾರ್ನರ್ ಫಿಟ್ನೆಸ್ ಅನ್ನು ಮರಳಿ ಪಡೆಯುವ ನಿರೀಕ್ಷೆಯಿದೆ.

ಡೇವಿಡ್ ವಾರ್ನರ್ ನ್ಯೂಜಿಲೆಂಡ್ ವಿರುದ್ಧದ ಎರಡನೇ ಪಂದ್ಯದ ಭಾಗವಾಗಿರಲಿಲ್ಲ. ಆದರೂ ಆಸ್ಟ್ರೇಲಿಯಾ ತಂಡ 72 ರನ್‌ಗಳ ಅಂತರದಲ್ಲಿ ಗೆಲುವು ಸಾಧಿಸಿತು. ಗಮನಾರ್ಹವಾಗಿ, ಡೇವಿಡ್ ವಾರ್ನರ್ ಚೇತರಿಸಿಕೊಳ್ಳಲು ಇನ್ನೂ ಏಳರಿಂದ ಹತ್ತು ದಿನಗಳನ್ನು ತೆಗೆದುಕೊಳ್ಳಲಿದ್ದಾರೆ.

"ಡೇವಿಡ್ ವಾರ್ನರ್‌ಗೆ ಸಂಕ್ಷಿಪ್ತ ಚೇತರಿಕೆಯ ಅವಧಿಯ ಅಗತ್ಯವಿರುತ್ತದೆ. ಇದು ಮುಂಬರುವ 2024ರ ಇಂಡಿಯನ್ ಪ್ರೀಮಿಯರ್ ಲೀಗ್‌ ಮತ್ತು 2024ರ ಐಸಿಸಿ ಪುರುಷರ ಟಿ20 ವಿಶ್ವಕಪ್‌ಗೆ ಅವರ ಲಭ್ಯತೆಯ ಮೇಲೆ ಪರಿಣಾಮ ಬೀರುವುದಿಲ್ಲ ಎಂದು ನಿರೀಕ್ಷಿಸಲಾಗಿದೆ," ಎಂದು ಕ್ರಿಕೆಟ್ ಆಸ್ಟ್ರೇಲಿಯಾ ಹೇಳಿದೆ.

ವೆಲ್ಲಿಂಗ್ಟನ್‌ನಲ್ಲಿ ನಡೆದ ಆರಂಭಿಕ ಟಿ20 ಪಂದ್ಯದಲ್ಲಿ, ಡೇವಿಡ್ ವಾರ್ನರ್ 20 ಎಸೆತಗಳಲ್ಲಿ 32 ರನ್ ಗಳಿಸಿದರು. ಮೊದಲು ಅವರು ಮೈದಾನದಿಂದ ಹೊರಗೆ ಹೋದಾಗ ತವರಿನ ಪ್ರೇಕ್ಷಕರು ಅವರನ್ನು ದೂಷಿಸಿದರು. ಗಮನಾರ್ಹವಾಗಿ, ಡೇವಿಡ್ ವಾರ್ನರ್ ಪ್ರವಾಸದ ಆರಂಭದಲ್ಲಿ 2016ರ ಪ್ರವಾಸದ ವೇಲೆ ಪ್ರೇಕ್ಷಕರ ವರ್ತನೆಯ ಬಗ್ಗೆ ಮೆಲುಕು ಹಾಕಿದ್ದರು.

ಇನ್ನು 37 ವರ್ಷದ ಡೇವಿಡ್ ವಾರ್ನರ್ ದ್ವಿಪಕ್ಷೀಯ ಸರಣಿಯ ಅಂತಾರಾಷ್ಟ್ರೀಯ ಆಟಗಾರನಾಗಿ ತಮ್ಮ ವೃತ್ತಿಜೀವನವನ್ನು ಕೊನೆಗೊಳಿಸಿದರು. ಏಕೆಂದರೆ, ಅವರು ನ್ಯೂಜಿಲೆಂಡ್ ವಿರುದ್ಧದ ಅಂತಿಮ ಟಿ20 ಪಂದ್ಯವನ್ನು ತಪ್ಪಿಸಿಕೊಳ್ಳುತ್ತಾರೆ.

ವೆಸ್ಟ್ ಇಂಡೀಸ್ ಮತ್ತು ಯುಎಸ್‌ಎನಲ್ಲಿ ಜೂನ್‌ 1ರಿಂದ ಆರಂಭವಾಗಲಿರುವ 2024ರ ಐಸಿಸಿ ಟಿ20 ವಿಶ್ವಕಪ್ ನಂತರ, ಡೇವಿಡ್ ವಾರ್ನರ್ ಅಧಿಕೃತವಾಗಿ ರಾಷ್ಟ್ರೀಯ ತಂಡದ ಕರ್ತವ್ಯದಿಂದ ನಿವೃತ್ತರಾಗಲಿದ್ದಾರೆ.

ಡೇವಿಡ್ ವಾರ್ನರ್ ಅನುಪಸ್ಥಿತಿಯಲ್ಲಿ ಸ್ಟೀವನ್ ಸ್ಮಿತ್ ಅವರು ಮತ್ತೊಮ್ಮೆ ಅಗ್ರ ಕ್ರಮಾಂಕದಲ್ಲಿ ಬ್ಯಾಟಿಂಗ್ ಮಾಡುವುದನ್ನು ಬಹುತೇಕ ಖಚಿತಪಡಿಸುತ್ತದೆ.

ಸ್ಟೀವನ್ ಸ್ಮಿತ್ ಎರಡನೇ ಟಿ20 ಪಂದ್ಯದಲ್ಲಿ 7 ಎಸೆತಗಳಿಂದ ಒಂದು ಹಾಸ್ಯಾಸ್ಪದ ಸ್ಕೂಪ್ ಶಾಟ್ ಮೂಲಕ ಸಿಕ್ಸರ್ ಸೇರಿದಂತೆ 11 ರನ್ ಗಳಿಸಿದರು. ಆದರೆ ಲಾಕಿ ಫರ್ಗುಸನ್ ಅವರನ್ನು ಲೆಗ್ ಬಿಫೋರ್ ವಿಕೆಟ್‌ ಪಡೆದು ಪೆವಿಲಿಯನ್ ದಾರಿ ತೋರಿಸಿದರು.

ಟಿ20 ತಂಡಕ್ಕೆ ಆಯ್ಕೆಯಾಗಿದ್ದರೂ ಸಹ, ಡೇವಿಡ್ ವಾರ್ನರ್, ಟ್ರಾವಿಸ್ ಹೆಡ್ ಮತ್ತು ಮಿಚೆಲ್ ಮಾರ್ಷ್ ಅವರೊಂದಿಗೆ ಟಿ20 ವಿಶ್ವಕಪ್‌ನ ಆಡುವ 11ರ ಬಳಗದಲ್ಲಿ ಸ್ಟೀವನ್ ಸ್ಮಿತ್ ಇನ್ನಿಂಗ್ಸ್ ತೆರೆಯುವುದು ಇನ್ನೂ ಅಸಂಭವವಾಗಿದೆ.

ವೆಲ್ಲಿಂಗ್ಟನ್‌ನಲ್ಲಿ ನಡೆದ ಮೊದಲ ಟಿ20 ಪಂದ್ಯದಲ್ಲಿ ಬ್ಯಾಟಿಂಗ್ ಅಥವಾ ಬೌಲಿಂಗ್ ಮಾಡದ ಮ್ಯಾಟ್ ಶಾರ್ಟ್ ಮತ್ತೊಂದು ಅವಕಾಶ ಪಡೆಯುವ ಸಾಧ್ಯತೆ ಇದೆ.

ಅದೇ ನ್ಯೂಜಿಲೆಂಡ್ ಮುಂಬರುವ ಟೆಸ್ಟ್ ಸರಣಿಗಾಗಿ ಅಂತಿಮ ಟಿ20 ಪಂದ್ಯದಲ್ಲಿ ಮಿಚೆಲ್ ಮಾರ್ಷ್‌ಗೆ ವಿಶ್ರಾಂತಿ ನೀಡಬಹುದು, ಈ ಸಂದರ್ಭದಲ್ಲಿ ವಿಕೆಟ್‌ಕೀಪರ್-ಬ್ಯಾಟರ್ ಮ್ಯಾಥ್ಯೂ ವೇಡ್ ತಂಡದ ನಾಯಕರಾಗಲಿದ್ದಾರೆ.

ಇನ್ನು ಮೊದಲ ಎರಡು ಪಂದ್ಯಗಳಲ್ಲಿ ಆಡಿದ ನಂತರ, ಪ್ಯಾಟ್ ಕಮ್ಮಿನ್ಸ್ ಮತ್ತು ಜೋಶ್ ಹ್ಯಾಜಲ್‌ವುಡ್ ಅಂತಿಮ ಪಂದ್ಯವನ್ನು ಕಳೆದುಕೊಳ್ಳುವ ನಿರೀಕ್ಷೆಯಿದೆ. ಅವರನ್ನು ಎಡಗೈ ವೇಗಿಗಳಾದ ಸ್ಪೆನ್ಸರ್ ಜಾನ್ಸನ್ ಮತ್ತು ಮಿಚೆಲ್ ಸ್ಟಾರ್ಕ್ ಬದಲಾಯಿಸಲಿದ್ದಾರೆ.