Cameron Green To RCB: ಆಲ್‌ರೌಂಡರ್ ಕ್ಯಾಮೆರಾನ್ ಗ್ರೀನ್ ಸೇರ್ಪಡೆ ಬಗ್ಗೆ ಆರ್‌ಸಿಬಿ ಹೇಳಿದ್ದೇನು?

ಮುಂಬರುವ 2024ರ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಋತುವಿನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಫ್ರಾಂಚೈಸಿಗೆ ಕ್ಯಾಮರೂನ್ ಗ್ರೀನ್ 'ಸೂಕ್ತ ಫಿಟ್ ಆಟಗಾರ' ಎಂದು ಆರ್‌ಸಿಬಿ ಕ್ರಿಕೆಟ್ ನಿರ್ದೇಶಕ ಮೊ ಬೊಬಾಟ್ ಹೇಳಿದ್ದಾರೆ.

ಡಿಸೆಂಬರ್ 19ರಂದು 2024ರ ಐಪಿಎಲ್‌ಗಾಗಿ ನಡೆಯುವ ಮಿನಿ ಹರಾಜಿನ ಮೊದಲು ನವೆಂಬರ್ 26ರಂದು ಐಪಿಎಲ್ ಫ್ರಾಂಚೈಸಿಗಳು ತಮ್ಮ ಉಳಿಸಿಕೊಂಡ ಮತ್ತು ಬಿಡುಗಡೆ ಮಾಡಿದ ಆಟಗಾರರ ಪಟ್ಟಿಯನ್ನು ಘೋಷಿಸಿದ ಒಂದು ದಿನದ ಬಳಿಕ, ಮುಂಬೈ ಇಂಡಿಯನ್ಸ್ ತಂಡದಿಂದ ಆಸ್ಟ್ರೇಲಿಯಾದ ಆಲ್‌ರೌಂಡರ್ ಕ್ಯಾಮೆರಾನ್ ಗ್ರೀನ್ ಅವರನ್ನು ಆರ್‌ಸಿಬಿ ಅಧಿಕೃತವಾಗಿ ವ್ಯಾಪಾರ ಮಾಡಿಕೊಂಡು ತಂಡದ ಭಾಗವಾಗಿ ದೃಢೀಕರಿಸಲಾಯಿತು.

ಬ್ಯಾಟಿಂಗ್, ಬೌಲಿಂಗ್ ಮತ್ತು ಫೀಲ್ಡಿಂಗ್‌ನಲ್ಲಿನ ಕ್ಯಾಮೆರಾನ್ ಗ್ರೀನ್ ಅವರ ಪ್ರಭಾವಶಾಲಿ ಪ್ರದರ್ಶನಗಳು ಮೂರು ಬಾರಿ ಫೈನಲಿಸ್ಟ್ ತಂಡಕ್ಕೆ ಕ್ರಿಯಾತ್ಮಕ ಅಂಶವನ್ನು ತರುತ್ತಾನೆ ಎಂದು ಮೊ ಬೊಬಾಟ್ ಒತ್ತಿ ಹೇಳಿದರು.

ಕ್ಯಾಮೆರಾನ್ ಗ್ರೀನ್‌ನ ಬಹುಮುಖಿ ಕೌಶಲ್ಯಗಳು ಅವರನ್ನು ಆರ್‌ಸಿಬಿ ಲೈನ್‌ಅಪ್‌ಗೆ ಸ್ಫೋಟಕ ಬ್ಯಾಟರ್ ಸೇರ್ಪಡೆಯನ್ನಾಗಿ ಮಾಡುತ್ತದೆ ಎಂದು ಮೊ ಬೊಬಾಟ್ ನಂಬಿದ್ದಾರೆ.

"ಮಧ್ಯಮ ಕ್ರಮಾಂಕದಲ್ಲಿ ಪವರ್ ಹಿಟ್ಟರ್ ಪಾತ್ರದಲ್ಲಿ ಗ್ರೀನ್ ನಮಗೆ ಸೂಕ್ತ ಫಿಟ್ ಆಗಿದ್ದಾರೆ. ಅವರು ಉತ್ತಮ ಗುಣಮಟ್ಟದ, ಕೌಶಲ್ಯ ಮತ್ತು ಸ್ಫೋಟಕ ಬ್ಯಾಟ್ಸ್‌ಮನ್. ಅವರು ವೇಗ ಮತ್ತು ಸ್ಪಿನ್ ಎರಡರ ವಿರುದ್ಧ ಬ್ಯಾಟಿಂಗ್ ಮಾಡುತ್ತಾರೆ. ಎಲ್ಲ ಸ್ವರೂಪಗಳ ಅಂತಾರಾಷ್ಟ್ರೀಯ ಅನುಭವವನ್ನು ಹೊಂದಿದ್ದಾರೆ. ಎಂ ಚಿನ್ನಸ್ವಾಮಿಯಲ್ಲಿ ಬ್ಯಾಟಿಂಗ್ ಅನ್ನು ಆನಂದಿಸುತ್ತಾರೆ ಎಂದು ನನಗೆ ಖಾತ್ರಿಯಿದೆ," ಎಂದು ಆರ್‌ಸಿಬಿ ಕ್ರಿಕೆಟ್ ನಿರ್ದೇಶಕ ಅಭಿಪ್ರಾಯಪಟ್ಟಿದ್ದಾರೆ.

"ಕ್ಯಾಮೆರಾನ್ ಗ್ರೀನ್‌ ಅವರ ಪ್ರದರ್ಶನ ನೋಡುವುದು ನಿಜವಾಗಿಯೂ ರೋಮಾಂಚನಕಾರಿಯಾಗಿದೆ. ಆತ ಅದ್ಭುತ ಬೌಲರ್ ಕೂಡ ಆಗಿದ್ದು, ವೇಗ ಮತ್ತು ಬೌನ್ಸ್‌ನೊಂದಿಗೆ ಬೌಲಿಂಗ್ ಮಾಡುತ್ತಾರೆ. ಇದು ಖಂಡಿತವಾಗಿಯೂ ನಮ್ಮ ತವರಿನ ಪರಿಸ್ಥಿತಿಗಳಲ್ಲಿ ನಾವು ಹುಡುಕುತ್ತಿರುವ ಆಟಗಾರನಾಗಿದ್ದಾನೆ. ಅಲ್ಲದೆ, ಅಸಾಧಾರಣ ಫೀಲ್ಡರ್ ಎಂಬುದನ್ನು ಮರೆಯಬಾರದು".

ಆಟಗಾರರ ಉಳಿಸಿಕೊಂಡ ಮತ್ತು ಬಿಡುಗಡೆಯ ಗಡುವಿನ ಕೆಲವೇ ಗಂಟೆಗಳ ಮುನ್ನ ವ್ಯಾಪಾರಕ್ಕಾಗಿ ಆಸ್ಟ್ರೇಲಿಯನ್ ಕ್ರಿಕೆಟಿಗ ಸಂಭಾವ್ಯ ಲಭ್ಯತೆಯ ಬಗ್ಗೆ ನಾವು ತಿಳಿದುಕೊಂಡೆವು. ಈ ಅವಕಾಶವನ್ನು ಗಂಭೀರವಾಗಿ ಪರಿಗಣಿಸಲು ನಮ್ಮನ್ನು ಪ್ರೇರೇಪಿಸಿತು ಎಂದು ಮೊ ಬೊಬಾಟ್ ಬಹಿರಂಗಪಡಿಸಿದರು.

"ನಾನು ಭಾನುವಾರ ಮಧ್ಯರಾತ್ರಿ ವೇಳೆ ನಮ್ಮ ಉಳಿಸಿಕೊಂಡ ಮತ್ತು ಬಿಡುಗಡೆ ನಿರ್ಧಾರಗಳ ಬಗ್ಗೆ ನಾವು ಸಾಕಷ್ಟು ಸ್ಪಷ್ಟವಾಗಿದ್ದೆವು ಮತ್ತು ನಾವು ಅದನ್ನು ನಮ್ಮ ಎಲ್ಲಾ ಆಟಗಾರರಿಗೆ ತಿಳಿಸಿದ್ದೇವೆ," ಎಂದರು.

"ನಾವು ಆಟಗಾರರ ಉಳಿಸಿಕೊಂಡ ಮತ್ತು ಬಿಡುಗಡೆ ಮಾಡಿದ ನಿರ್ಧಾರಗಳನ್ನು ನೀವು ಗಮನಿಸಿದರೆ, ನಾವು ನಿಸ್ಸಂಶಯವಾಗಿ ಬಲಿಷ್ಠ ಅಗ್ರ ಕ್ರಮಾಂಕವನ್ನು ಪಡೆದುಕೊಂಡಿದ್ದೇವೆ ಮತ್ತು ಸ್ವಲ್ಪ ಶಕ್ತಿಯನ್ನು ಸೇರಿಸುವ ಮೂಲಕ ಮಧ್ಯಮ ಕ್ರಮಾಂಕವನ್ನು ಹೆಚ್ಚಿಸಲು ನಾವು ಬಯಸುತ್ತೇವೆ," ಎಂದು ಆರ್‌ಸಿಬಿ ಕ್ರಿಕೆಟ್ ನಿರ್ದೇಶಕ ಮೊ ಬೊಬಾಟ್ ತಿಳಿಸಿದರು.