'ನಾನು ಏನು ಅಂತ ನನಗೆ ಗೊತ್ತಿದೆ'; ಮತ್ತೆ ಆ ಮಾಜಿ ಗ್ರೇಟ್ ವಿರುದ್ಧ ಸಿಡಿದ ವಿರಾಟ್ ಕೊಹ್ಲಿ

ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್‌ಸಿಬಿ) ತಂಡದ ಸ್ಟಾರ್ ಬ್ಯಾಟರ್ ವಿರಾಟ್ ಕೊಹ್ಲಿ ಅವರು ತಮ್ಮ ಬ್ಯಾಟಿಂಗ್ ವಿಧಾನವನ್ನು ಟೀಕಿಸುತ್ತಿರುವ ಮಾಜಿ ಕ್ರಿಕೆಟಿಗರು ಮತ್ತು ತಜ್ಞರಿಗೆ ಪ್ರತಿಕ್ರಿಯಿಸುವ ಅಗತ್ಯವಿಲ್ಲ ಎಂದು ಹೇಳಿದ್ದಾರೆ.

ಪ್ರಸಕ್ತ ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) ಆವೃತ್ತಿಯ ಆರಂಭಿಕ ಪಂದ್ಯಗಳಲ್ಲಿ ವಿರಾಟ್ ಕೊಹ್ಲಿ ಅವರ ಬ್ಯಾಟಿಂಗ್ ವಿಧಾನ ಮತ್ತು ನಿಧಾನಗತಿಯ ಸ್ಟ್ರೈಕ್ ರೇಟ್ ಕುರಿತು ಟೀಕೆಗಳು ಕೇಳಿಬಂದವು.

ಆದಾಗ್ಯೂ, ಐಪಿಎಲ್ 2024ರ ಪ್ಲೇಆಫ್‌ಗಳ ರೇಸ್‌ನಲ್ಲಿ ಆರ್‌ಸಿಬಿ ತಂಡ ಜೀವಂತವಾಗಿರಲು ನೆರವಾಗುವ ಮೂಲಕ ವಿರಾಟ್ ಕೊಹ್ಲಿ ಕಳೆದ ಕೆಲವು ಪಂದ್ಯಗಳಲ್ಲಿ ಅದ್ಭುತ ಪ್ರದರ್ಶನಗಳ ಮೂಲಕ ತಮ್ಮ ಟೀಕಾಕಾರರ ಬಾಯಿ ಮುಚ್ಚಿಸಲು ಯಶಸ್ವಿಯಾಗಿದ್ದಾರೆ.

ವಿರಾಟ್ ಕೊಹ್ಲಿ ಐಪಿಎಲ್ 2024ರಲ್ಲಿ ಪ್ರಸ್ತುತ ಆಡಿದ 13 ಪಂದ್ಯಗಳಲ್ಲಿ 661 ರನ್ ಗಳಿಸುವ ಮೂಲಕ ರನ್-ಸ್ಕೋರಿಂಗ್ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದ್ದು, ಆರೆಂಜ್ ಕ್ಯಾಪ್ ಮಾಲೀಕರಾಗಿದ್ದಾರೆ.

ಇತ್ತೀಚಿನ ಸಂವಾದದಲ್ಲಿ, ವಿರಾಟ್ ಕೊಹ್ಲಿ ತಮ್ಮ ಸ್ಟ್ರೈಕ್-ರೇಟ್ ಸುತ್ತಲಿನ ಚರ್ಚೆಯ ಬಗ್ಗೆ ಮಾತನಾಡಿದರು. ಇದು ಕೊಹ್ಲಿ ಮತ್ತು ಭಾರತದ ಮಾಜಿ ನಾಯಕ ಸುನಿಲ್ ಗವಾಸ್ಕರ್ ನಡುವಿನ ಮಾತಿನ ಯುದ್ಧಕ್ಕೆ ಕಾರಣವಾಯಿತು. ಆರ್‌ಸಿಬಿ ಸ್ಟಾರ್ ಬ್ಯಾಟರ್‌ನನ್ನು ಟೀಕಿಸುವಾಗ ಮಾಜಿ ಕ್ರಿಕೆಟಿಗ ಸ್ವಲ್ಪ ಕಠಿಣವಾಗಿಯೇ ಮಾತನಾಡಿದ್ದರು.

ಸಂವಾದದಲ್ಲಿ, 'ಬಾಹ್ಯ ವಾತಾವರಣದಿಂದ ಟೀಕೆಗಳ' ಕುರಿತು ಪ್ರತಿಕ್ರಿಯಿಸಲು ವಿರಾಟ್ ಕೊಹ್ಲಿಯನ್ನು ಕೇಳಲಾಯಿತು. ಹೊರಗಿನಿಂದ ಮಾತನಾಡುವುದನ್ನು ತಪ್ಪಿಸಲು ಇಷ್ಟಪಡುತ್ತೇನೆ ಎಂದು ವಿರಾಟ್ ಕೊಹ್ಲಿ ಸಲಹೆ ನೀಡಿದರು. ಏಕೆಂದರೆ ತನ್ನ ಆಟವು ತನಗಿಂತ ಚೆನ್ನಾಗಿ ಯಾರಿಗೂ ತಿಳಿದಿಲ್ಲ ಎಂದು ತಿಳಿಸಿದರು.

"ಆ ಟೀಕೆಗಳಿಗೆ ನಾನು ಯಾವುದೇ ಪ್ರತಿಕ್ರಿಯೆ ನೀಡಬೇಕಾಗಿಲ್ಲ. ನಾನು ಮೈದಾನದಲ್ಲಿ ಏನು ಮಾಡಬಹುದೆಂದು ನನಗೆ ತಿಳಿದಿದೆ. ನಾನು ಯಾವ ರೀತಿಯ ಆಟಗಾರ, ನನ್ನ ಸಾಮರ್ಥ್ಯ ಏನು ಎಂದು ನಾನು ಯಾರಿಗೂ ಹೇಳಬೇಕಾಗಿಲ್ಲ. ನನ್ನ ತಂಡಕ್ಕಾಗಿ ಪಂದ್ಯವನ್ನು ಹೇಗೆ ಗೆಲ್ಲಬೇಕೆಂದು ನಾನು ಯಾರನ್ನೂ ಕೇಳುವುದಿಲ್ಲ. ಬೇರೆ ಬೇರೆ ಸನ್ನಿವೇಶಗಳಲ್ಲಿ, ಸೋಲುವ ಆಗುವ ಮೂಲಕ ನಾನೇ ಪಾಠ ಕಲಿತಿದ್ದೇನೆ. ಇದು ಆಕಸ್ಮಿಕವಾಗಿ ಸಂಭವಿಸುವುದಿಲ್ಲ".

"ಸರಿ, ನೀವು ತಂಡಕ್ಕಾಗಿ ಒಂದು ಅಥವಾ ಎರಡು ಪಂದ್ಯವನ್ನು ಗೆದ್ದಿದ್ದೀರಿ ಎನ್ನಬಹುದು. ಆದರೆ ನಾವು ಅಲ್ಲಿಯೇ ನಿಂತು ಅದನ್ನು ಪದೇ ಪದೇ ಗೆಲ್ಲುತ್ತಿದ್ದರೆ, ಅದು ಆಕಸ್ಮಿಕವಾಗಿ ಸಂಭವಿಸುವುದಿಲ್ಲ," ಎಂದು ವಿರಾಟ್ ಕೊಹ್ಲಿ ಜಿಯೋ ಸಿನಿಮಾದಲ್ಲಿ ಇತ್ತೀಚಿನ ಮಾತುಕತೆಯಲ್ಲಿ ಹೇಳಿದರು.

ಕೆಲವು ಸಾಮಾಜಿಕ ಮಾಧ್ಯಮ ಬಳಕೆದಾರರು, ವಿರಾಟ್ ಕೊಹ್ಲಿಯ ಹೇಳಿಕೆಗಳು ಮಾಜಿ ಕ್ರಿಕೆಟಿಗ ಸುನಿಲ್ ಗವಾಸ್ಕರ್ ಅವರನ್ನು ಪರೋಕ್ಷವಾಗಿ ಗುರಿಯಾಗಿಸಿಕೊಂಡಿವೆ ಎಂದು ಹೇಳಿದರು.

ವಿರಾಟ್ ಕೊಹ್ಲಿ ಹೆಚ್ಚಾಗಿ ಮೈದಾನದಲ್ಲಿ ಬ್ಯಾಟ್ ಮೂಲಕ ಮಾತನಾಡುತ್ತಿದ್ದರೂ, ಅವರು ಇತ್ತೀಚೆಗೆ ಲೈವ್ ಟಿವಿಯಲ್ಲಿ ತಮ್ಮ ತಾಳ್ಮೆಯನ್ನು ಕಳೆದುಕೊಂಡರು ಮತ್ತು ತಮ್ಮ ಬ್ಯಾಟಿಂಗ್ ವಿಧಾನವನ್ನು ಪ್ರಶ್ನಿಸಿದ್ದಕ್ಕಾಗಿ ಕ್ರಿಕೆಟ್ ತಜ್ಞರನ್ನು ದೂಷಿಸಿದರು.

ಆದಾಗ್ಯೂ, ವಿರಾಟ್ ಕೊಹ್ಲಿ ಅವರ ಹೇಳಿಕೆಗಳು ಸುನಿಲ್ ಗವಾಸ್ಕರ್‌ಗೆ ಇಷ್ಟವಾಗಲಿಲ್ಲ. ಅವರು ಕಾಮೆಂಟೇಟರ್ ವಿರುದ್ಧದ ಟೀಕೆಗಾಗಿ ವಿರಾಟ್ ಕೊಹ್ಲಿಯ ಮೇಲೆ ತೀಕ್ಷ್ಣ ದಾಳಿಯನ್ನು ಪ್ರಾರಂಭಿಸಿದರು.