IPL 2025: ಆರೆಂಜ್‌ ಕ್ಯಾಪ್‌ ರೇಸ್‌ನಲ್ಲಿ ಎಲ್‌ಎಸ್‌ಜಿ, ಪರ್ಪಲ್‌ ಕ್ಯಾಪ್‌ ರೇಸ್‌ನಲ್ಲಿ ಸಿಎಸ್‌ಕೆ ಪ್ಲೇಯರ್ಸ್‌

ಇಂಡಿಯನ್ ಪ್ರೀಮಿಯರ್ ಲೀಗ್‌ ಆರಂಭವಾಗಿದೆ. ಈ ಲೀಗ್‌ನಲ್ಲಿ ಆಟಗಾರರು ಸ್ಥಿರ ಪ್ರದರ್ಶನ ನೀಡುತ್ತಿದ್ದಾರೆ. ಅಂಕ ಪಟ್ಟಿ ದಿನ ಕಳೆದಂತೆ ಏರಿಳಿತವಾಗುತ್ತಿದೆ. ಸ್ಟಾರ್ ಆಟಗಾರರ ಪ್ರದರ್ಶನ ತಂಡದ ಗೆಲುವಿಗೆ ನೆರವಾಗುತ್ತಿದೆ. ಪ್ರತಿ ಐಪಿಎಲ್‌ ತಂಡದ ಆಟಗಾರರು ತಮ್ಮ ತಮ್ಮ ಜವಾಬ್ದಾರಿಯನ್ನು ನಂಬಿ ಆಡುತ್ತಿದ್ದಾರೆ. ಆರ್‌ಸಿಬಿ ಸಹ ಈ ನಿಟ್ಟಿನಲ್ಲಿ ಹಿಂದೆ ಬಿದ್ದಿಲ್ಲ. ಆರ್‌ಸಿಬಿ ಈ ಬಾರಿ ಸಂಘಟಿತ ಆಟದ ಪ್ರದರ್ಶನ ನೀಡಿದ್ದು ಎಲ್ಲರ ಚಿತ್ತ ಕದ್ದಿದೆ.

ಪತ್ರಿ ಬಾರಿಯಂತೆ ಈ ಬಾರಿಯೂ ಅನುಭವಿ ಹಾಗೂ ಯುವ ಆಟಗಾರರು ಅಭಿಮಾನಿಗಳ ಗಮನ ಸೆಳೆದಿದ್ದಾರೆ. ಇನ್ನು ಐಪಿಎಲ್‌ನಲ್ಲಿ ಎಲ್ಲರ ಆಕರ್ಷಣೆಯ ಕೇಂದ್ರವಾಗಿರುವ ಪರ್ಪಲ್‌ ಕ್ಯಾಪ್‌ ಹಾಗೂ ಆರೆಂಜ್‌ ಕ್ಯಾಪ್‌ಮೇಲೆ ಎಲ್ಲರೂ ಒಂದು ಕಣ್ಣು ನೆಟ್ಟಿದ್ದಾರೆ. ಆದರೆ ಈ ತಂಡದ ಆಟಗಾರರು ಮಾತ್ರ ಈ ರೇಸ್‌ನಲ್ಲಿ ಮುಂಚೂಣಿಯಲ್ಲಿ ಕಾಣಿಸಿಕೊಂಡಿದ್ದಾರೆ. ಹಾಗಿದ್ದರೆ ಯಾವೆಲ್ಲಾ ಆಟಗಾರರು ಯಾವ ಯಾವ ಕ್ಯಾಪ್‌ ಮೇಲೆ ಕಣ್ಣು ನೆಟ್ಟಿದ್ದಾರೆ ಎಂಬ ಬಗ್ಗೆ ವಿವರ ಇಲ್ಲಿದೆ.

18ನೇ ಆವೃತ್ತಿಯ ಐಪಿಎಲ್‌ನಲ್ಲಿ 21 ಪಂದ್ಯಗಳು ಮುಗಿದಿವೆ. ಈ ವೇಳೆ 688 ಬೌಂಡರಿ, 407 ಸಿಕ್ಸರ್‌ ಸಹ ದಾಖಲಾಗಿವೆ. ಆರ್‌ಸಿಬಿ ತಂಡದ ಸೂಪರ್ ಸ್ಟಾರ್ ಆಟಗಾರ ವಿರಾಟ್‌ ಕೊಹ್ಲಿ ಸಹ ಅದ್ಭುತ ಪ್ರದರ್ಶನ ನೀಡಿ ತಂಡದ ಗೆಲುವಿನಲ್ಲಿ ಮಿಂಚುತ್ತಿದ್ದಾರೆ. ಈ ವೇಳೆ ಇವರು ಆಡಿದ 4 ಪಂದ್ಯಗಳಲ್ಲಿ 2 ಅರ್ಧಶತಕ ಸೇರಿದಂತೆ 164 ರನ್‌ ಸಿಡಿಸಿದ್ದು ಆರೆಂಜ್‌ ಕ್ಯಾಪ್‌ ಮೇಲೆ ಕಣ್ಣು ನೆಟ್ಟಿದ್ದಾರೆ. ಆದರೆ ಈ ರೇಸ್‌ ಲಕ್ನೋ ಸೂಪರ್‌ ಜೈಂಟ್ಸ್ ತಂಡದ ಆಟಗಾರರು ಬಹಳ ಮುಂದೆ ಸಾಗಿದ್ದಾರೆ.

ಆರೆಂಜ್‌ ಕ್ಯಾಪ್‌ ರೇಸ್‌ನಲ್ಲಿ ನಿಕೋಲಸ್‌

ಆರೆಂಜ್ ಕ್ಯಾಪ್ ರೇಸ್‌ನಲ್ಲಿ ಎಲ್‌ಎಸ್‌ಜಿ ತಂಡದ ನಿಕೋಲಸ್‌ ಪೂರನ್‌ ಮುಂಚೂಣಿಯಲ್ಲಿದ್ದಾರೆ. ಇವರು ಆಡಿದ 5 ಪಂದ್ಯಗಳಲ್ಲಿ 3 ಅರ್ಧಶತಕ ಸೇರಿದಂತೆ 288 ರನ್‌ ಸಿಡಿಸಿದ್ದು ಆರೆಂಜ್‌ ಕ್ಯಾಪ್‌ ಹೊಂದಿದ್ದಾರೆ. ಇವರಿಗೆ ಭಾರೀ ಪೈಪೋಟಿ ನೀಡುತ್ತಿರುವ ಅದೇ ತಂಡದ ಮಿಚೆಲ್ ಮಾರ್ಷ್ 5 ಪಂದ್ಯಗಳಲ್ಲಿ 4 ಅರ್ಧಶತದ ಬಲದಿಂದ 265 ರನ್‌ ಕಲೆ ಹಾಕಿದ್ದಾರೆ. ಮೂರನೇ ಸ್ಥಾನದಲ್ಲಿ ಟಿ20 ಕ್ರಿಕೆಟ್‌ನ ಸೂಪರ್ ಸ್ಟಾರ್‌ ಬ್ಯಾಟರ್‌ ಸೂರ್ಯಕುಮಾರ್‌ ಇದ್ದು, ಇವರು 4 ಪಂದ್ಯಗಳಲ್ಲಿ 199 ರನ್‌ ಸಿಡಿಸಿದ್ದಾರೆ.

ಟಾಪ್‌ 5 ಗರಿಷ್ಠ ರನ್ ಸಾಧಕರು

ನಿಕೋಲಸ್ ಪೂರನ್ (ಎಲ್‌ಎಸ್‌ಜಿ), 5 ಪಂದ್ಯ, 288 ರನ್‌
ಮಿಚೆಲ್ ಮಾರ್ಷ್ (ಎಲ್‌ಎಸ್‌ಜಿ), 5 ಪಂದ್ಯ, 265 ರನ್‌
ಸೂರ್ಯಕುಮಾರ್ ಯಾದವ್ (ಮುಂಬೈ ಇಂಡಿಯನ್ಸ್‌)
ಸಾಯಿ ಸುದರ್ಶನ್ (ಜಿಟಿ), 5 ಪಂದ್ಯ, 191 ರನ್
ಅಜಿಂಕ್ಯ ರಹಾನೆ (ಕೆಕೆಆರ್‌), 5 ಪಂದ್ಯ, 184 ರನ್‌

ಪರ್ಪಲ್‌ ಕ್ಯಾಪ್‌ ರೇಸ್‌ನಲ್ಲಿ ಸಿಎಸ್‌ಕೆ ಪ್ಲೇಯರ್ಸ್‌

ಪ್ರಸಕ್ತ ಲೀಗ್‌ನಲ್ಲಿ ಸ್ಥಿರ ಪ್ರದರ್ಶನ ನೀಡುವಲ್ಲಿ ವಿಫಲವಾಗುತ್ತಿರುವ ಚೆನ್ನೈ ಸೂಪರ್ ಕಿಂಗ್ಸ್‌ ಬೌಲರ್‌ಗಳು ಪರ್ಪಲ್ ಕ್ಯಾಪ್‌ ರೇಸ್‌ನಲ್ಲಿ ಮುಂಚೂಣಿಯಲ್ಲಿದ್ದಾರೆ. ನೂರ್ ಅಹ್ಮದ್‌ 5 ಪಂದ್ಯಗಳಲ್ಲಿ 11 ವಿಕೆಟ್‌ ಪಡೆದಿದ್ದು, ಸದ್ಯ ಈ ಕ್ಯಾಪ್‌ ತಮ್ಮ ಬಳಿ ಇಟ್ಟುಕೊಂಡಿದ್ದಾರೆ. ಇನ್ನು ಮುಂಬೈ ತಂಡದ ನಾಯಕ ಹಾರ್ದಿಕ್ ಪಾಂಡ್ಯ ಸಹ ಆಡಿದ 4 ಪಂದ್ಯಗಳಲ್ಲಿ 10 ವಿಕೆಟ್‌ ಪಡೆದು ಎರಡನೇ ಸ್ಥಾನದಲ್ಲಿದ್ದಾರೆ. ಈ ಪಟ್ಟಿಯಲ್ಲಿ ಆರ್‌ಸಿಬಿ ತಂಡದ ಜೋಶ್‌ ಹ್ಯಾಜಲ್‌ವುಡ್ 8 ವಿಕೆಟ್‌ ಪಡೆದು ಎಂಟನೇ ಸ್ಥಾನದಲ್ಲಿದ್ದಾರೆ.

ಅತಿ ಹೆಚ್ಚು ವಿಕೆಟ್‌ 5 ಬೌಲರ್ಸ್‌

ನೂರ್‌ ಅಹ್ಮದ್‌ (ಸಿಎಸ್‌ಕೆ), 5 ಪಂದ್ಯ, 11 ವಿಕೆಟ್‌
ಹಾರ್ದಿಕ್ ಪಾಂಡ್ಯ (ಮುಂಬೈ ಇಂಡಿಯನ್ಸ್‌), 4 ಪಂದ್ಯ, 10 ವಿಕೆಟ್‌
ಖಲೀಲ್‌ ಅಹ್ಮದ್ (ಸಿಎಸ್‌ಕೆ), 5 ಪಂದ್ಯ, 10 ವಿಕೆಟ್‌
ಮಿಚೆಲ್ ಸ್ಟಾರ್ಕ್‌ (ಡಿಸಿ), 3 ಪಂದ್ಯ, 9 ವಿಕೆಟ್‌
ಮೊಹಮ್ಮದ್ ಸಿರಾಜ್ (ಜಿಟಿ), 4 ಪಂದ್ಯ, 9 ವಿಕೆಟ್‌