Sanju Samson: ಪಂದ್ಯದ ಸೋಲಿಗೆ ಕಾರಣ ತಿಳಿಸಿದ ಸಂಜು ಸ್ಯಾಮ್ಸನ್

ಐಪಿಎಲ್ 2025 ರಲ್ಲಿ ಮೊದಲ ಸೂಪರ್ ಓವರ್‌ ಪಂದ್ಯದ ಡೆಲ್ಲಿ ಕ್ಯಾಪಿಟಲ್ಸ್ ಮತ್ತು ರಾಜಸ್ಥಾನ ರಾಯಲ್ಸ್ ತಂಡಗಳ ನಡುವೆ ನಡೆಯಿತು. ಅರುಣ್ ಜೇಟ್ಲಿ ಸ್ಟೇಡಿಯಂನಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಡೆಲ್ಲಿ ತಂಡವು 20 ಓವರ್‌ಗಳಲ್ಲಿ 188 ರನ್‌ಗಳನ್ನು ಗಳಿಸಿತು. ಈ ಗುರಿ ಬೆನ್ನಟ್ಟಿದ ರಾಜಸ್ಥಾನ ತಂಡವು 188 ರನ್‌ಗಳಿಸಲು ಶಕ್ತವಾಯಿತು. ಇದರಿಂದಾಗಿ ಪಂದ್ಯವು ಟೈ ಆಗಿ ಸೂಪರ್ ಓವರ್‌ಗೆ ಹೋಯಿತು. ಸೂಪರ್ ಓವರ್‌ನಲ್ಲಿ ಡೆಲ್ಲಿ ಸುಲಭವಾಗಿ ಗೆದ್ದಿತು.

ಡೆಲ್ಲಿ ಕ್ಯಾಪಿಟಲ್ಸ್ ತಂಡದ ವಿರುದ್ಧದ ಸೋಲಿಗೆ ರಾಜಸ್ಥಾನ ರಾಯಲ್ಸ್ ತಂಡದ ನಾಯಕ ಸಂಜು ಸ್ಯಾಮ್ಸನ್ ಕಾರಣ ತಿಳಿಸಿದ್ದಾರೆ. ಮಿಚೆಲ್ ಸ್ಟಾರ್ಕ್ ಎಸೆದ 20ನೇ ಓವರ್ ರಾಜಸ್ಥಾನ ರಾಯಲ್ಸ್ ತಂಡದ ಗೆಲುವನ್ನು ಕಸಿದುಕೊಂಡಿತು ಎಂದು ಸ್ಯಾಮ್ಸನ್ ಸ್ವತಃ ಒಪ್ಪಿಕೊಂಡಿದ್ದಾರೆ.

ಪಂದ್ಯದ ನಂತರ ಮಾತನಾಡಿದ ಸಂಜು ಸ್ಯಾಮ್ಸನ್, ಮೊದಲು ತನ್ನ ಗಾಯದ ಬಗ್ಗೆ ಮಾಹಿತಿ ನೀಡಿದರು. ಬ್ಯಾಟಿಂಗ್ ಮಾಡುವಾಗ ಸ್ಯಾಮ್ಸನ್ ಗಾಯಗೊಂಡರು. ಇದರಿಂದಾಗಿ ಅವರು ಮೈದಾನ ಬಿಡಬೇಕಾಯಿತು. ಮತ್ತೆ ಬ್ಯಾಟಿಂಗ್ ಮಾಡಲು ಸಾಧ್ಯವಾಗಲಿಲ್ಲ. ನಾನು ಹಿಂತಿರುಗಿ ಬ್ಯಾಟಿಂಗ್ ಮಾಡಲು ಸಿದ್ಧನಿರಲಿಲ್ಲ. ಈಗ ಅದು ಗಾಯದಿಂದ ಚೇತರಿಸಿಕೊಂಡಿದ್ದೇನೆ. ನಾವು ನಾಳೆ ಅದನ್ನು ಪರಿಶೀಲಿಸುತ್ತೇವೆ. ಅದು ಹೇಗಿದೆ ಎಂದು ನೋಡೋಣ ಎಂದು ಹೇಳಿದ್ದಾರೆ.

ಡೆಲ್ಲಿ ಕ್ಯಾಪಿಟಲ್ಸ್ ತಂಡ ನೀಡಿದ 188 ರನ್‌ಗಳ ಗುರಿಯನ್ನು ಸಾಧಿಸಬಹುದಿತ್ತು ಎಂದು ಸ್ಯಾಮ್ಸನ್ ಹೇಳಿದರು. ನಾವು ನಿಜವಾಗಿಯೂ ಚೆನ್ನಾಗಿ ಬೌಲಿಂಗ್ ಮಾಡಿದೆವು. ನಮ್ಮ ಬೌಲರ್‌ಗಳು ಮತ್ತು ಫೀಲ್ಡರ್‌ಗಳಿಗೆ ನಾನು ಕ್ರೆಡಿಟ್ ನೀಡಲು ಬಯಸುತ್ತೇನೆ. ಮೈದಾನದಲ್ಲಿನ ಶಕ್ತಿ ಅದ್ಭುತವಾಗಿತ್ತು. ನಮ್ಮ ಬ್ಯಾಟಿಂಗ್ ಲೈನ್‌ಅಪ್ ನೋಡಿದರೆ ಈ ಸ್ಕೋರ್ ಸಾಧಿಸಬಹುದೆಂದು ನಾನು ಭಾವಿಸಿದೆ. ಪವರ್‌ಪ್ಲೇನಲ್ಲಿ ನಾವು ಪಡೆದ ಆರಂಭ, ಅದು ಖಂಡಿತವಾಗಿಯೂ ಸಾಧಿಸಬಹುದಾದ ಸ್ಕೋರ್ ಅಂದುಕೊಂಡಿದ್ದೆ. ಆದರೆ ಕೊನೆಯ ಓವರ್ ಬೌಲಿಂಗ್ ಮಾಡಿದ ಮಿಚೆಲ್ ಸ್ಟಾರ್ಕ್ ಜಯವನ್ನು ಕಸಿದುಕೊಂಡರು ಎಂದು ಸ್ಯಾಮ್ಸನ್ ತಿಳಿಸಿದ್ದಾರೆ.

ನಾವೆಲ್ಲರೂ ಸ್ಟಾರ್ಕ್ ಅವರ ಅದ್ಭುತ ಬೌಲಿಂಗ್ ಅನ್ನು ನೋಡಿದ್ದೇವೆ. ಅವರು ವಿಶ್ವದಾದ್ಯಂತದ ಅತ್ಯುತ್ತಮ ಬೌಲರ್‌ಗಳಲ್ಲಿ ಒಬ್ಬರು. ಇದಕ್ಕೆ ನಾನು ಸ್ಟಾರ್ಕ್‌ಗೆ ಕ್ರೆಡಿಟ್ ನೀಡುತ್ತೇನೆ. ಅವರು 20ನೇ ಓವರ್‌ನಲ್ಲಿ ಡೆಲ್ಲಿ ತಂಡ ಪಂದ್ಯ ಗೆಲ್ಲುವಂತೆ ಮಾಡಿದರು ಎಂದು ಪಂದ್ಯದ ಸೋಲಿಗೆ ಕಾರಣ ನೀಡಿದ್ದಾರೆ.

ಪಂದ್ಯವನ್ನು ಗೆಲ್ಲಲು ಕೊನೆಯ ಓವರ್‌ನಲ್ಲಿ ರಾಜಸ್ಥಾನ ರಾಯಲ್ಸ್‌ಗೆ 9 ರನ್‌ಗಳು ಬೇಕಾಗಿದ್ದವು. ಧ್ರುವ್ ಜುರೆಲ್ ಮತ್ತು ಸಿಮ್ರಾನ್ ಹೆಟ್ಮೆಯರ್ ಜೋಡಿ ಕ್ರೀಸ್‌ನಲ್ಲಿದ್ದರು. ಸ್ಟಾರ್ಕ್ ತಮ್ಮ ಯಾರ್ಕರ್‌ಗಳೊಂದಿಗೆ ಓವರ್‌ನಲ್ಲಿ ಒಂದೇ ಒಂದು ಬೌಂಡರಿ ಬಾರಿಸಲು ಅವಕಾಶ ನೀಡಲಿಲ್ಲ. ಪಂದ್ಯವನ್ನು ಕೊನೆಯ ಎಸೆತಕ್ಕೆ 2 ರನ್‌ಗಳ ಅಗತ್ಯವಿದ್ದಾಗ ಕೊಂಡೊಯ್ದರು. ಕೊನೆಯ ಎಸೆತದಲ್ಲಿ ಒಂದು ರನ್ ಗಳಿಸಲಾಯಿತು. ಏಕೆಂದರೆ ಎರಡನೇ ರನ್ ತೆಗೆದುಕೊಳ್ಳಲು ಪ್ರಯತ್ನಿಸುವಾಗ ಜುರೆಲ್ ರನೌಟ್ ಆದರು. ಈ ರೀತಿಯಾಗಿ, ಸ್ಟಾರ್ಕ್ ಆ ಓವರ್‌ನಲ್ಲಿ 9 ರನ್‌ಗಳನ್ನು ಸಮರ್ಥಿಸಿಕೊಂಡರು.

ಈ ಓವರ್‌ನಲ್ಲಿ ಒಂದೇ ಒಂದು ಬೌಂಡರಿ ಹೊಡೆದಿದ್ದರೆ, ರಾಜಸ್ಥಾನ ಗೆಲ್ಲುತ್ತಿತ್ತು. ಇಂತಹ ಪರಿಸ್ಥಿತಿಯಲ್ಲಿ ಸೂಪರ್ ಓವರ್ ಅಗತ್ಯವಿರಲಿಲ್ಲ. ಸೂಪರ್ ಓವರ್‌ನಲ್ಲಿ ಸ್ಟಾರ್ಕ್ ರಾಜಸ್ಥಾನವನ್ನು 11 ರನ್‌ಗಳಿಗೆ ಕಟ್ಟಿ ಹಾಕಿದರು. ಇದರಿಂದಾಗಿ ಡೆಲ್ಲೊ ಕೇವಲ ಮೂರು ಎಸೆತಗಳಲ್ಲಿ ಗೆಲ್ಲಲು ಸಾಧ್ಯವಾಯಿತು.