ಐಪಿಎಲ್ 2027: ಬ್ಯಾಟಿಂಗ್ ಕೋಚ್ ಇಲ್ಲದೆ ಕಣಕ್ಕಿಳಿಯಲಿದೆ ಚೆನ್ನೈ ಸೂಪರ್ ಕಿಂಗ್ಸ್

ನವದೆಹಲಿ: ಅಚ್ಚರಿ ಎನಿಸುವ ವಿದ್ಯಮಾನದಲ್ಲಿ, ಐದು ಬಾರಿಯ ಚಾಂಪಿಯನ್ ಚೆನ್ನೈ ಸೂಪರ್ ಕಿಂಗ್ಸ್ (CSK) ಯಾವುದೇ ನಿರ್ದಿಷ್ಟ ಬ್ಯಾಟಿಂಗ್ ತರಬೇತುದಾರರಲ್ಲದೆ ಹೊಸ ಐಪಿಎಲ್ ಋತುವನ್ನು ಪ್ರವೇಶಿಸಲಿದೆ. ಕಳೆದ ಮೂರು ಐಪಿಎಲ್ ಋತುಗಳಲ್ಲಿ ಪ್ಲೇ-ಆಫ್ ತಲುಪುವಲ್ಲಿ ವಿಫಲವಾಗಿದ್ದ ಸೂಪರ್ ಕಿಂಗ್ಸ್, ಇದೀಗ ಸಂಪೂರ್ಣ ಬದಲಾವಣೆಗೆ ಮುಂದಾಗಿ, ತನ್ನ ಹೆಚ್ಚಿನ ಕೋಚಿಂಗ್ ಸಿಬ್ಬಂದಿಯನ್ನು ಬದಲಾಯಿಸಲು ನಿರ್ಧರಿಸಿದೆ.

ಟೀಮ್‌ನ ಕೆಲವೊಂದು ನಿರ್ದಿಷ್ಟ ಬದಲಾವಣೆಯ ಸಂದರ್ಭದಲ್ಲಿ ವೇಳೆ ಮುಖ್ಯ ಕೋಚ್ ಸ್ಟೀಫನ್ ಫ್ಲೆಮಿಂಗ್ ಮತ್ತು ಬ್ಯಾಟಿಂಗ್ ಕೋಚ್ ಮೈಕೆಲ್ ಹಸ್ಸಿ ಅವರನ್ನು ವಜಾ ಮಾಡಲಾಗಿದೆ. CSK ಸಿಇಒ ಕಾಶಿ ವಿಶ್ವನಾಥನ್ ಅವರು ಈ ವಿಷಯವನ್ನು ದೃಢಪಡಿಸಿದ್ದಾರೆ. ನಮ್ಮ ಕೋಚಿಂಗ್ ಸಿಬ್ಬಂದಿ ಪೂರ್ಣಗೊಂಡಿದ್ದಾರೆ. ನಿನ್ನೆ ನಾವು ಘೋಷಿಸಿದ ತಂಡವೇ ನಮ್ಮ ಬೆಂಬಲ ತಂಡವಾಗಿರುತ್ತದೆ; ನಾವು ಪ್ರತ್ಯೇಕ ಬ್ಯಾಟಿಂಗ್ ಕೋಚ್ ಹೊಂದಿಲ್ಲ" ಎಂದು ತಿಳಿಸಿದ್ದಾರೆ. ಹಸ್ಸಿ ಅವರ ಬದಲಿಗೆ ಅಂಬಾಟಿ ರಾಯಡು ಮತ್ತು ಸುರೇಶ್ ರೈನಾ ಅವರು ಆನ್‌ಲೈನ್ ಚರ್ಚೆಗಳಲ್ಲಿ ಪ್ರಮುಖ ಅಭ್ಯರ್ಥಿಗಳಾಗಿ ಕಾಣಿಸಿಕೊಂಡಿದ್ದರು. ಆದರೆ, ಈ ಮಾಜಿ ಆಟಗಾರರ ಪೈಕಿ ಯಾರೂ ಈ ಜವಾಬ್ದಾರಿ ವಹಿಸಿಕೊಳ್ಳುವುದಿಲ್ಲ, ಏಕೆಂದರೆ ಫ್ರಾಂಚೈಸ್ ಈ ಪಾತ್ರಕ್ಕಾಗಿ ಯಾವುದೇ ವಿಶೇಷ ತರಬೇತುದಾರರನ್ನು ನೇಮಿಸದಿರಲು ನಿರ್ಧರಿಸಿದೆ.

ಮಂಗಳವಾರ, CSK ಕೆಲವು ಹೆಚ್ಚುವರಿ ನೇಮಕಾತಿಗಳನ್ನು ಪ್ರಕಟಿಸಿತು. ಮೋಹಿತ್ ಶರ್ಮಾ ಅವರನ್ನು ಬೌಲಿಂಗ್ ಕೋಚ್ ಆಗಿ ಮತ್ತು ಆಲ್ಬಿ ಮಾರ್ಕೆಲ್ ಅವರನ್ನು ಸಹಾಯಕ ಕೋಚ್ ಆಗಿ ತಂಡಕ್ಕೆ ಸೇರಿಸಿಕೊಳ್ಳಲಾಗಿದೆ. ಸೂರೆಯನ್ನು ಸತತ ಮೂರು ಕೌಂಟಿ ಚಾಂಪಿಯನ್‌ಶಿಪ್ ಪ್ರಶಸ್ತಿಗಳಿಗೆ ಮುನ್ನಡೆಸಿದ್ದ ಗ್ಯಾರೆತ್ ಬ್ಯಾಟಿ, ಎರಡನೇ ಸಹಾಯಕ ಕೋಚ್ ಆಗಿ ಕೋಚಿಂಗ್ ತಂಡವನ್ನು ಸೇರಿದ್ದಾರೆ.

ಹಿಂದಿನ ಋತುವಿನ ಬೆಂಬಲ ಸಿಬ್ಬಂದಿಯಲ್ಲಿ, ಶ್ರೀಧರನ್ ಶ್ರೀರಾಮ್ ಸಹಾಯಕ ಕೋಚ್ ಆಗಿ ಮತ್ತು ಜೇಮ್ಸ್ ಫೋಸ್ಟರ್ ಫೀಲ್ಡಿಂಗ್ ಕೋಚ್ ಆಗಿ ತಮ್ಮ ಸ್ಥಾನಗಳಲ್ಲಿ ಮುಂದುವರಿಯಲಿದ್ದಾರೆ.

ಫ್ರಾಂಚೈಸ್ ಗೊತ್ತುಪಡಿಸಿದ ಬ್ಯಾಟಿಂಗ್ ಕೋಚ್ ಇಲ್ಲದೆ ಮುಂದುವರಿದರೂ, ಪರ್ಯಾಯ ವ್ಯವಸ್ಥೆಯ ಬಗ್ಗೆ ಇನ್ನೂ ಚಿಂತನೆ ನಡೆಸಲಾಗುತ್ತಿದೆ. ಬ್ಯಾಟಿಂಗ್‌ಗೆ ಸಂಬಂಧಿಸಿದಂತೆ ಸಲಹಾ ಪಾತ್ರದಲ್ಲಿ ಗ್ಯಾರೆತ್ ಬ್ಯಾಟಿ ಕೊಡುಗೆ ನೀಡಬಹುದು ಎಂದು ವಿಶ್ವನಾಥನ್ ಸುಳಿವು ನೀಡಿದ್ದಾರೆ. ಪರಿಸ್ಥಿತಿಯನ್ನು ವಿವರಿಸಿದ CSK ಸಿಇಒ, ಇದು ಝಹೀರ್ (ಬ್ಯಾಟಿಂಗ್ ಕೋಚ್ ಇಲ್ಲದಿರುವ ಬಗ್ಗೆ) ತೆಗೆದುಕೊಂಡ ನಿರ್ಧಾರ. ಆದರೆ ಹೌದು, ನಾವು ಬ್ಯಾಟಿಂಗ್ ಮಾರ್ಗದರ್ಶಿಯಾಗಿ ಬ್ಯಾಟಿಯನ್ನು ಬಳಸುವ ಸಾಧ್ಯತೆಯನ್ನು ಅನ್ವೇಷಿಸುತ್ತಿದ್ದೇವೆ. ಮಾತುಕತೆಗಳು ಪ್ರಗತಿಯಲ್ಲಿವೆ ಎಂದಿದ್ದಾರೆ.

ಪರಿಣಾಮವಾಗಿ, ಚೆನ್ನೈ ಪ್ರಸ್ತುತ 2027ರ ಐಪಿಎಲ್ ಋತುವನ್ನು ಅಧಿಕೃತವಾಗಿ ನೇಮಕಗೊಂಡ ಬ್ಯಾಟಿಂಗ್ ಕೋಚ್ ಇಲ್ಲದೆ ಪ್ರವೇಶಿಸುವ ನಿರೀಕ್ಷೆಯಿರುವ ಏಕೈಕ ಫ್ರಾಂಚೈಸ್ ಆಗಿದೆ.

ಏತನ್ಮಧ್ಯೆ, ಹಾರ್ದಿಕ್ ಪಾಂಡ್ಯ ಮತ್ತು CSK ಒಳಗೊಂಡ ಸಂಭಾವ್ಯ ವಿನಿಮಯದ ಸುತ್ತಲಿನ ಊಹಾಪೋಹಗಳು ಇನ್ನೂ ಬಗೆಹರಿದಿಲ್ಲ. ವರದಿಗಳಿಗೆ ಪ್ರತಿಕ್ರಿಯಿಸಿದ ವಿಶ್ವನಾಥನ್, ನನ್ನ ಮಾಹಿತಿಯ ಪ್ರಕಾರ ಆ ಬಗ್ಗೆ ಯಾವುದೇ ಬೆಳವಣಿಗೆಗಳಿಲ್ಲ ಎಂದು ದೃಢಪಡಿಸಲು ನಿರಾಕರಿಸಿದ್ದಾರೆ.