ಐಪಿಎಲ್ ಹರಾಜು ಪ್ರಕ್ರಿಯೆಯಲ್ಲಿ ನೀವು ತಿಳಿದಿರಲೇ ಬೇಕಾದ 5 ಪ್ರಮುಖ ನಿಯಮಗಳು

ಹರಾಜು ನಿಯಮ 1

ಯಾವುದೇ ಕಾರಣಕ್ಕೂ ಐಪಿಎಲ್ ಫ್ರಾಂಚೈಸಿಗಳಿಗೆ ಪರ್ಸ್ ವಿಸ್ತರಿಸಲು ಅನುಮತಿ ನೀಡಲಾಗುವುದಿಲ್ಲ. ಅಂದರೆ ಪ್ರತಿ ತಂಡಕ್ಕೂ 85 ಕೋಟಿ ರೂಪಾಯಿಯನ್ನು ಹರಾಜಿಗಾಗಿ ನಿಗದಿಪಡಿಸಲಾಗಿದೆ. ಈ ಮೊತ್ತದಲ್ಲಿ ಆಟಗಾರರನ್ನು ಸೇರ್ಪಡೆಗೊಳಿಸಬೇಕಿದೆ. ಈ ಬಾರಿಯ ಹರಾಜಿಗೆ ಪಂಜಾಬ್ ಕಿಂಗ್ಸ್ ಅತಿ ಹೆಚ್ಚಿನ ಮೊತ್ತ 53.2 ಕೋಟಿ ರೂಪಾಯಿಯನ್ನು ಹೊಂದಿದೆ. ಬಳಿಕ ಆರ್‌ಸಿಬಿ 35.9 ಕೋಟಿ ಹೊಂದಿದ್ದರೆ ಆರ್‌ಆರ್ 34.85 ಕೋಟಿ, ಸಿಎಸ್‌ಕೆ 19.9 ಕೋಟಿ, ಎಂಐ 15.35 ಕೋಟಿ, ಡಿಸಿ 12.9 ಕೋಟಿ, ಎಸ್‌ಆರ್‌ಹೆಚ್ 10.75 ಕೋಟಿ ಹಾಗೂ ಕೆಕೆಆರ್ 10.75 ಕೋಟಿ ಮೊತ್ತವನ್ನು ಹರಾಜಿಗಾಗಿ ಪರ್ಸ್‌ನಲ್ಲಿ ಹೊಂದಿದೆ.

ಹರಾಜು ನಿಯಮ 2

ಪ್ರತಿ ಫ್ರಾಂಚೈಸಿಯೂ ಹರಾಜು ಪ್ರಕ್ರಿಯೆಯಲ್ಲಿ ಗರಿಷ್ಠ ನಿಗದಿಪಡಿಸಿದ ಮೊತ್ತವಾದ 85 ಕೋಟಿ ರೂಪಾಯಿಯಲ್ಲಿ ಕನಿಷ್ಠ 75 ಶೇಕಡಾ ಮೊತ್ತವನ್ನು ಆಟಗಾರರ ಖರೀದಿಗೆ ವ್ಯಯಿಸಲೇಬೇಕು. ಉದಾಹರಣೆಗೆ ಹರಿಷ್ಠ ಹಣದ 70 ಶೇಕಡಾ ಮೊತ್ತದಲ್ಲಿ ಎಲ್ಲಾ ಆಟಗಾರರನ್ನು ಖರೀದಿಸಿದರೆ ಉಳಿದ 5 ಶೇಕಡಾ ಮೊತ್ತ ಬಿಸಿಸಿಐ ಪಾಲಾಗುತ್ತದೆ.

ಹರಾಜು ನಿಯಮ 3

ಇದು ಮಿನಿ ಹರಾಜು ಪ್ರಕ್ರಿಯೆ ಆದ ಕಾರಣ ಫ್ರಾಂಚೈಸಿಗಳಿಗೆ ರೈಟ್‌ ಟು ಮ್ಯಾಚ್(RTM) ಕಾರ್ಡ್ ಬಳಸುವ ಅವಕಾಶವಿಲ್ಲ. ಹೀಗಾಗಿ ತಮ್ಮ ತಂಡದಿಂದ ಬಿಡುಗಡೆಗೊಳಿಸಿದ ಆಟಗಾರನನ್ನು ಬಿಡ್ ಮಾಡದೆಯೇ ಬೇರೆ ಫ್ರಾಂಚೈಸಿಗಳು ಬಿಡ್ ಗೆದ್ದ ನಂತರ ಆ ಆಟಗಾರನನ್ನು ಮತ್ತೆ ತಮ್ಮ ತಂಡಕ್ಕೆ ಸೇರ್ಪಡೆಗಿಳಿಸುವ ಅವಕಾಶ ದೊರೆಯುವುದಿಲ್ಲ.

ಹರಾಜು ನಿಯಮ 4

ಐಪಿಎಲ್‌ನ ಪ್ರತಿ ತಂಡವೂ ಗರಿಷ್ಠ ಹಾಗೂ ಕನಿಷ್ಠ ಇಷ್ಟು ಆಟಗಾರರನ್ನು ಹೊಂದಿರಬೇಕು ಎಂಬ ನಿಯಮವನ್ನು ರೂಪಿಸಿದೆ. ಒಂದು ತಂಡ 25 ಆಟಗಾರರನ್ನು ತಂಡಕ್ಕೆ ಸೇರಿಸಿಕೊಳ್ಳಬಹುದಿದ್ದು ಕನಿಷ್ಠ 18 ಆಟಗಾರರನ್ನು ಹೊಂದಿರಲೇಬೇಕಾಗುತ್ತದೆ.

ಹರಾಜು ನಿಯಮ 5

ಪ್ರತಿ ತಂಡವೂ ಗರಿಷ್ಠ 25 ಭಾರತೀಯ ಆಟಗಾರರನ್ನು ಹೊಂದಲು ಅವಕಾಶವಿದೆ. ಕನಿಷ್ಠ 17 ಭಾರತೀಯ ಆಟಗಾರರನ್ನು ಫ್ರಾಂಚೈಸಿ ಹೊಂದಿರಬೇಕು. ವಿದೇಶಿ ಆಟಗಾರರ ಸಂಖ್ಯೆ ತಂಡದಲ್ಲಿ 8ಕ್ಕಿಂತ ಹೆಚ್ಚು ಇರಬಾರದು.