IPL auction 2023: ನೆದರ್ಲೆಂಡ್, ಐರ್ಲೆಂಡ್ ಆಟಗಾರರಿಗೂ ಹರಾಜಿನಲ್ಲಿ ಡಿಮ್ಯಾಂಡ್‌

ಐಪಿಎಲ್ ಹರಾಜು ಡಿಸೆಂಬರ್ 19 ರಂದು ದುಬೈನಲ್ಲಿ ನಡೆಯಲಿದೆ. ಈ ಹರಾಜಿನಲ್ಲಿ ಹಲವು ಸ್ಟಾರ್ ಆಟಗಾರರು ಮಾಲೀಕರ ಚಿತ್ತ ಕದ್ದಿದ್ದಾರೆ. ಈ ಪಟ್ಟಿಯಲ್ಲಿ ದೇಶೀಯ ಸೇರಿದಂತೆ ವಿದೇಶಿ ಆಟಗಾರು ಹರಾಜಿನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ವಿಶ್ವಕಪ್‌ನಲ್ಲಿ ಉತ್ತಮ ಪ್ರದರ್ಶನ ನೆದರ್ಲೆಂಡ್ ಹಾಗೂ ಸ್ಥಿರ ಪ್ರದರ್ಶನ ನೀಡುತ್ತಿರುವ ಐರ್ಲೆಂಡ್ ತಂಡದ ಆಟಗಾರರು ವಿಶ್ವಕಪ್‌ನಲ್ಲಿ ಮಾಲೀಕರ ಚಿತ್ತ ಕದ್ದಿದ್ದಾರೆ.
ಸ್ಕಾಟ್ ಎಡ್ವರ್ಡ್ಸ್
ನೆದರ್ಲೆಂಡ್ಸ್ ತಂಡದ ನಾಯಕ ಸ್ಕಾಟ್ ಎಡ್ವರ್ಡ್ಸ್. ಸ್ಕಾಟ್ ಎಡ್ವರ್ಡ್ಸ್ ವಿಶ್ವಕಪ್‌ನಲ್ಲಿ 259 ರನ್ ಗಳಿಸಿ ಗಮನ ಸೆಳೆದಿದ್ದಾರೆ. ವಿಶೇಷವಾಗಿ, ಸ್ಕಾಟ್ ಎಡ್ವರ್ಡ್ಸ್ ದಕ್ಷಿಣ ಆಫ್ರಿಕಾ ವಿರುದ್ಧ ಅತ್ಯುತ್ತಮ ನಾಯಕತ್ವವನ್ನು ಪ್ರದರ್ಶಿಸಿದರು. ಇದಲ್ಲದೇ ಟಿ20 ಮಾದರಿಯಲ್ಲಿ ಸ್ಕಾಟ್ ಎಡ್ವರ್ಡ್ಸ್ ದಾಖಲೆ ಅತ್ಯುತ್ತಮವಾಗಿದೆ. ಬ್ಯಾಟಿಂಗ್ ಹೊರತಾಗಿ ಸ್ಕಾಟ್ ಎಡ್ವರ್ಡ್ಸ್ ಉತ್ತಮ ಸ್ಪಿನ್ ಬೌಲಿಂಗ್ ಕೂಡ ಮಾಡಬಲ್ಲರು.

ಬಾಸ್ ಡಿ ಲೀಡೆ

2023 ರ ವಿಶ್ವಕಪ್ ಬಾಸ್ ಡಿ ಲೇಡೆಗೆ ಸ್ಮರಣೀಯವಾಗಿತ್ತು. ಬಾಸ್ ಡಿ ಲೀಡೆ ವಿಶ್ವಕಪ್‌ನಲ್ಲಿ 16 ವಿಕೆಟ್ ಪಡೆದರು. ನೆದರ್ಲೆಂಡ್ಸ್ ಪರ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್‌ಗಳ ಪಟ್ಟಿಯಲ್ಲಿ ಬಾಸ್ ಡಿ ಲೀಡೆ ಅಗ್ರಸ್ಥಾನದಲ್ಲಿದ್ದಾರೆ. ಇದಲ್ಲದೇ ಟಿ20 ಮಾದರಿಯಲ್ಲಿ ಬಾಸ್ ಡಿ ಲೀಡೆ ಅವರ ಬ್ಯಾಟಿಂಗ್ ಸರಾಸರಿ 30ರ ಆಸುಪಾಸಿನಲ್ಲಿದೆ.

ಪಾಲ್ ವ್ಯಾನ್ ಮೀಕೆರೆನ್

ನೆದರ್ಲೆಂಡ್ಸ್‌ನ ವೇಗದ ಬೌಲರ್ ಪಾಲ್ ವಾನ್ ಮೀಕೆರೆನ್ 140 ಕಿಲೋ ಮೀಟರ್ ವೇಗದಲ್ಲಿ ಸುಲಭವಾಗಿ ಬೌಲಿಂಗ್ ಮಾಡಬಲ್ಲರು. ವಿಶ್ವಕಪ್‌ನಲ್ಲಿ ಪಾಲ್ ವಾನ್ ಮೀಕೆರೆನ್ ಅವರು ಉತ್ತಮ ವೇಗದಲ್ಲಿ ಬೌಲಿಂಗ್ ಮಾಡುವ ಸಾಮರ್ಥ್ಯವನ್ನು ಹೊಂದಿದ್ದಾರೆ ಎಂದು ತೋರಿಸಿದರು. ಪಾಲ್ ವಾನ್ ಮೀಕೆರೆನ್ ವಿಶ್ವಕಪ್‌ನ 9 ಪಂದ್ಯಗಳಲ್ಲಿ 12 ವಿಕೆಟ್ ಪಡೆದರು. ಯಾವುದೇ ತಂಡವು ಪಾಲ್ ವಾನ್ ಮೈಕೆರೆನ್ ಅವರನ್ನು ಹರಾಜಿನಲ್ಲಿ ಖರೀದಿಸಿದರೆ ಆಶ್ಚರ್ಯಪಡಬೇಕಾಗಿಲ್ಲ.

ಕರ್ಟಿಸ್ ಕೆಂಪ್ಫರ್

24 ವರ್ಷದ ಐರ್ಲೆಂಡ್ ಆಟಗಾರ ಕರ್ಟಿಸ್ ಕ್ಯಾಂಫರ್ ತಮ್ಮ ಆಟದಿಂದ ಸಾಕಷ್ಟು ಪ್ರಭಾವ ಬೀರಿದ್ದಾರೆ. ಬ್ಯಾಟಿಂಗ್ ಬಿಟ್ಟರೆ ಬೌಲಿಂಗ್ ನಲ್ಲೂ ಈ ಆಟಗಾರ ಶಕ್ತಿ ತೋರಿದ್ದಾರೆ. ಕರ್ಟಿಸ್ ಕ್ಯಾಂಫರ್ ಅವರು 44 T20 ಪಂದ್ಯಗಳಲ್ಲಿ 129.25 ಸ್ಟ್ರೈಕ್ ರೇಟ್ ಮತ್ತು 23.57 ರ ಸರಾಸರಿಯಲ್ಲಿ 707 ರನ್ ಗಳಿಸಿದ್ದಾರೆ. ಇದಲ್ಲದೇ ಬೌಲಿಂಗ್‌ನಲ್ಲಿ 7.97 ಮತ್ತು 29.46 ಸರಾಸರಿಯಲ್ಲಿ 26 ವಿಕೆಟ್‌ಗಳನ್ನು ಪಡೆದಿದ್ದಾರೆ.

ಹ್ಯಾರಿ ಟೆಕ್ಟರ್

ಐರ್ಲೆಂಡ್‌ನ ಯುವ ಬ್ಯಾಟ್ಸ್‌ಮನ್ ಹ್ಯಾರಿ ಟೆಕ್ಟರ್ ಅವರ ಟಿ20 ದಾಖಲೆ ಅತ್ಯುತ್ತಮವಾಗಿದೆ. ಹ್ಯಾರಿ ಟೆಕ್ಟರ್ 67 ಟಿ20 ಪಂದ್ಯಗಳಲ್ಲಿ 120.72 ಸ್ಟ್ರೈಕ್ ರೇಟ್ ಮತ್ತು 23.42 ಸರಾಸರಿಯಲ್ಲಿ 1171 ರನ್ ಗಳಿಸಿದ್ದಾರೆ. ಈ ಮಾದರಿಯಲ್ಲಿ, ಹ್ಯಾರಿ ಟೆಕ್ಟರ್ 4 ಅರ್ಧಶತಕ ಸಿಡಿಸಿದ್ದಾರೆ. ಇದಲ್ಲದೆ, ಬೌಲಿಂಗ್‌ನಲ್ಲಿ, ಹ್ಯಾರಿ ಟೆಕ್ಟರ್ 6.09 ಮತ್ತು ಸರಾಸರಿಯಲ್ಲಿ 7 ವಿಕೆಟ್ ಪಡೆದಿದ್ದಾರೆ.

ಮಾರ್ಕ್ ಅದೈರ್

ಚುಟುಕು ಕ್ರಿಕೆಟ್‌ಗೆ ಬೇಕಾದಂತ ಆಟಗಾರ ಮಾರ್ಕ್ ಅದೈರ್. ಬ್ಯಾಟಿಂಗ್ ಹೊರತಾಗಿ ಬೌಲಿಂಗ್ ನಲ್ಲಿ ಮಾರ್ಕ್ ಅದೈರ್ ತಮ್ಮ ಛಾಪು ಮೂಡಿಸಿದ್ದಾರೆ. ಈ ಆಟಗಾರನ ಅಂಕಿಅಂಶಗಳು 74 ಟಿ20 ಪಂದ್ಯಗಳಲ್ಲಿ 121.67 ಸ್ಟ್ರೈಕ್ ರೇಟ್ ಮತ್ತು 14.18 ಸರಾಸರಿಯಲ್ಲಿ 567 ರನ್ ಗಳಿಸಿದ್ದಾರೆ. ಆದರೆ ಬೌಲಿಂಗ್‌ನಲ್ಲಿ, ಅವರು 102 ವಿಕೆಟ್ ಕಬಳಿಸಿದ್ದಾರೆ. ಈ ಸಾಮರ್ಥ್ಯದಿಂದಾಗಿ ಮಾರ್ಕ್ ಅದೈರ್ ಐಪಿಎಲ್ ಹರಾಜಿನಲ್ಲಿ ಉತ್ತಮ ಮೊತ್ತವನ್ನು ಪಡೆಯಬಹುದು ಎಂದು ನಂಬಲಾಗಿದೆ.