IPL 2023: ಆತನನ್ನು ತಂಡಕ್ಕೆ ಸೇರಿಸಿಕೊಳ್ಳದ ಬಗ್ಗೆ ಎಲ್ಲಾ ಫ್ರಾಂಚೈಸಿಗಳಿಗೂ ವಿಷಾದವಿದೆ

ಅತ್ಯುತ್ತಮ ಫಿನಿಶರ್

ಟಿ20 ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ದಸುನ್ ಶನಕ ಉತ್ತಮ ಫಿನಿಶರ್ ಆಗಿದ್ದಾರೆ. ಅಂತಹ ಹಲವು ಇನ್ನಿಂಗ್ಸ್‌ಗಳನ್ನು ಆಡಿದ್ದಾರೆ. ಭಾರತದ ವಿರುದ್ಧದ ಕೊನೆಯ ಐದು ಇನ್ನಿಂಗ್ಸ್‌ಗಳಲ್ಲಿ ಅವರು 47*(19), 74*(38), 33*(18), 45(27), ಮತ್ತು 56*(22) ರನ್ ಗಳಿಸಿದ್ದಾರೆ. ಟಿ20 ಮಾದರಿಯಲ್ಲಿ ಭಾರತದ ವಿರುದ್ಧ 400ಕ್ಕೂ ಹೆಚ್ಚು ರನ್ ಗಳಿಸಿದ ಮೊದಲ ಶ್ರೀಲಂಕಾ ಬ್ಯಾಟರ್ ಎನಿಸಿಕೊಂಡಿದ್ದಾರೆ.

ಶ್ರೀಲಂಕಾ ತಂಡವನ್ನು 84 ಪಂದ್ಯಗಳಲ್ಲಿ ಮುನ್ನಡೆಸಿರುವ ಶನಕ ಲಸಿತ್ ಮಾಲಿಂಗ ದಾಖಲೆಯನ್ನು ಸರಿಗಟ್ಟಿದ್ದಾರೆ. ಭಾರತದ ವಿರುದ್ಧದ ಮೂರನೇ ಟಿ20 ಪಂದ್ಯದ ನಂತರ ಅವರು ದಾಖಲೆಯನ್ನು ಹಿಂದಿಕ್ಕಲಿದ್ದಾರೆ.

ಐಪಿಎಲ್ ತಂಡಕ್ಕೆ ಸೇರಲು ಅವಕಾಶ

ಭಾರತದ ವಿರುದ್ಧದ ಪ್ರದರ್ಶನದ ನಂತರ ಅವರು ಐಪಿಎಲ್ ತಂಡವನ್ನು ಸೇರಿಕೊಳ್ಳುವ ಸಾಧ್ಯತೆ ಇದೆ ಎಂದು ಲಸಿತ್ ಮಾಲಿಂಗ ಭವಿಷ್ಯ ನುಡಿದಿದ್ದಾರೆ. ಮುಂದಿನ ದಿನಗಳಲ್ಲಿ ಯಾವುದಾದರು ತಂಡ ಅವರನ್ನು ಗಾಯಗೊಂಡ ಆಟಗಾರನಿಗೆ ಬದಲಾಗಿ ತಂಡಕ್ಕೆ ಸೇರಿಸಿಕೊಳ್ಳಬಹುದು ಎಂದು ಹೇಳಿದ್ದಾರೆ.

ಶನಕ ಅವರ ಇನ್ನಿಂಗ್ಸ್ ನಂತರ ಲಸಿತ್ ಮಾಲಿಂಗ ತಮ್ಮ ಟ್ವಿಟರ್ ನಲ್ಲಿ ಈ ಬಗ್ಗೆ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ. ಆತ ಯಾಕೆ ಹರಾಜಿನಲ್ಲಿ ಯಾಕೆ ಮಾರಾಟವಾಗಲಿಲ್ಲ ಎನ್ನುವುದು ಆಘಾತಕಾರಿಯಾಗಿದೆ ಎಂದು ಹೇಳಿದ್ದಾರೆ. ಶನಕ ಶೀಘ್ರದಲ್ಲೇ ಆಡುವುದು ಖಚಿತ ಎಂದು ಹೇಳಿದರು.

ಸ್ಟಾರ್ ಆಟಗಾರರ ಹಿಂದೆ ಬಿದ್ದ ಫ್ರಾಂಚೈಸಿಗಳು

2023ರ ಐಪಿಎಲ್ ಮಿನಿ ಹರಾಜಿನಲ್ಲಿ ಐಪಿಎಲ್ ಫ್ರಾಂಚೈಸಿಗಳು ಸ್ಟಾರ್ ಆಟಗಾರರ ಹಿಂದೆ ಬಿದ್ದರು. ಸ್ಯಾಮ್ ಕರನ್, ಕೆಮರೂನ್ ಗ್ರೀನ್, ಬೆನ್ ಸ್ಟೋಕ್ಸ್, ಹ್ಯಾರಿ ಬ್ರೂಕ್ಸ್, ನಿಕೋಲಸ್ ಪೂರನ್ ಕೋಟಿ ಕೋಟಿ ರುಪಾಯಿ ಮೊತ್ತಕ್ಕೆ ಮಾರಾಟವಾದರು.

ಅತ್ಯುತ್ತಮ ಪ್ರದರ್ಶನ ನೀಡಿದ ಹೊರತಾಗಿಯೂ ದಸುನ್ ಶನಕತನ್ನು ಯಾವುದೇ ತಂಡಗಳು ಅವರನ್ನು ಖರೀದಿ ಮಾಡಲು ಆಸಕ್ತಿ ತೋರಿಸಲಿಲ್ಲ. 2023ರ ಆವೃತ್ತಿಗಾಗಿ ನಾಯಕನ ಹುಡುಕಾಟದಲ್ಲಿದ್ದ ಸನ್‌ರೈಸರ್ಸ್ ಹೈದರಾಬಾದ್ ತಂಡಕ್ಕೆ ಶನಕ ಉತ್ತಮ ಆಯ್ಕೆಯಾಗಿದ್ದರು ಆದರೆ ಅವರು ಶನಕರ ಬಗ್ಗೆ ಯಾವುದೇ ಆಸಕ್ತಿ ತೋರಲಿಲ್ಲ.