'ಐಪಿಎಲ್ ಮಾಲೀಕರು ಆಟಗಾರರಿಂದ ಇದನ್ನು ಮಾತ್ರ ಬಯಸುತ್ತಾರೆ'; ಆರ್‌ಸಿಬಿ ಸ್ಟಾರ್ ಬ್ಯಾಟರ್

'ಐಪಿಎಲ್ ಫ್ರಾಂಚೈಸಿಗಳ ಮಾಲೀಕರು ಸಿಕ್ಸರ್‌ಗಳ ಬಗ್ಗೆ ಮಾತ್ರ ಕಾಳಜಿ ವಹಿಸುತ್ತಾರೆ' ಎಂದು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ನಾಯಕ ಫಾಫ್ ಡು ಪ್ಲೆಸಿಸ್ ತನ್ನ ದೇಶವಾಸಿ ಹಾಗೂ ಸಹ ಆಟಗಾರ ಹೆನ್ರಿಚ್ ಕ್ಲಾಸೆನ್‌ಗೆ ನೀಡಿದ ಸರಳ ಸಲಹೆಯಾಗಿದೆ.

ಸನ್ ರೈಸರ್ಸ್ ಹೈದರಾಬಾದ್ ಬ್ಯಾಟರ್ ಹೆನ್ರಿಚ್ ಕ್ಲಾಸೆನ್ ಅವರು ಯಶಸ್ಸಿನ ರಹಸ್ಯವನ್ನು ಕೇಳಿದಾಗ, "ಐಪಿಎಲ್ ಮಾಲೀಕರು ನೀವು ಪಂದ್ಯಗಳನ್ನು ಗೆಲ್ಲುವ ಮತ್ತು ಮುಖ್ಯವಾಗಿ ಸಿಕ್ಸರ್‌ಗಳನ್ನು ಬಾರಿಸುವ ಆಟಗಾರರ ಬಗ್ಗೆ ಮಾತ್ರ ಕಾಳಜಿ ವಹಿಸುತ್ತಾರೆ," ಎಂದು ಫಾಫ್ ಡು ಪ್ಲೆಸಿಸ್ ತಿಳಿಸಿದ್ದರು ಎಂದು ವಿವರಿಸಿದರು.

ಅಂದಿನಿಂದ, ದಕ್ಷಿಣ ಆಫ್ರಿಕಾ ಸ್ಫೋಟಕ ಬ್ಯಾಟರ್ ಹೆನ್ರಿಚ್ ಕ್ಲಾಸೆನ್ ಅವರು ಐಪಿಎಲ್‌ನ ಅತ್ಯಂತ ಅಪಾಯಕಾರಿ ಬ್ಯಾಟ್ಸ್‌ಮನ್‌ಗಳಲ್ಲಿ ಒಬ್ಬರಾಗಿ ಬೆಳೆದಿದ್ದಾರೆ. ವಿಕೆಟ್ ಕೀಪರ್-ಬ್ಯಾಟರ್ ಕಳೆದ ಎರಡು ಋತುಗಳಲ್ಲಿ ತಲಾ 400ಕ್ಕೂ ಹೆಚ್ಚು ರನ್ ಗಳಿಸಿದ್ದಾರೆ.

ಐಪಿಎಲ್ 2024ರಲ್ಲಿ 170 ಸ್ಟ್ರೈಕ್ ರೇಟ್‌ನಲ್ಲಿ ರನ್ ಗಳಿಸಿದ ಹೆನ್ರಿಚ್ ಕ್ಲಾಸೆನ್ ಅವರು ಸನ್‌ ರೈಸರ್ಸ್ ಹೈದರಾಬಾದ್‌ ತಂಡದೊಂದಿಗೆ ಪ್ರಶಸ್ತಿಯನ್ನು ಸ್ವಲ್ಪದರಲ್ಲೇ ತಪ್ಪಿಸಿಕೊಂಡರು.

ಇಎಸ್‌ಪಿಎನ್ ಕ್ರಿಕ್‌ಇನ್‌ಫೋದ ದಿ ಕ್ರಿಕೆಟ್ ಮಾಸಿಕದೊಂದಿಗೆ ಮಾತನಾಡಿದ ಹೆನ್ರಿಚ್ ಕ್ಲಾಸೆನ್, ಆರ್‌ಸಿಬಿ ನಾಯಕ ಫಾಫ್ ಡು ಪ್ಲೆಸಿಸ್ ಅವರ ಸಲಹೆಯ ಮಾತುಗಳನ್ನು ಹಂಚಿಕೊಂಡರು.

"ತಮಾಷೆಯ ವಿಷಯವೆಂದರೆ, ಐಪಿಎಲ್‌ನಲ್ಲಿ ಅವರು ಹೇಗೆ ಸ್ಥಿರ ಮತ್ತು ಯಶಸ್ವಿಯಾದರು ಎಂದು ನಾನು ಇತ್ತೀಚೆಗೆ ಫಾಫ್ ಡು ಪ್ಲೆಸಿಸ್ ಅವರನ್ನು ಕೇಳಿದೆ. ಅದಕ್ಕೆ ಅವರು, ಸಿಕ್ಸರ್‌ಗಳನ್ನು ಹೊಡೆಯುವ ಮತ್ತು ನಿಮ್ಮ ಪಂದ್ಯಗಳನ್ನು ಗೆಲ್ಲುವ ಹುಡುಗರ ಬಗ್ಗೆ ಮಾತ್ರ ಮಾಲೀಕರು ಕಾಳಜಿ ವಹಿಸುತ್ತಾರೆ ಎಂದು ಅವರು ನನಗೆ ಹೇಳಿದರು," ಎಂದು ಹೆನ್ರಿಚ್ ಕ್ಲಾಸೆನ್ ತಿಳಿಸಿದರು.

ಪವರ್ ಗೇಮ್ ನಿರ್ಮಿಸುವಲ್ಲಿ ಮನಸ್ಸು ದೊಡ್ಡ ಪಾತ್ರವನ್ನು ವಹಿಸುತ್ತದೆ ಎಂದು ಎಸ್‌ಆರ್‌ಹೆಚ್ ಬ್ಯಾಟರ್ ಹೆನ್ರಿಚ್ ಕ್ಲಾಸೆನ್ ಒತ್ತಿ ಹೇಳಿದರು. ಅವರ ಆಕ್ರಮಣಕಾರಿ ವಿಧಾನವು ಸ್ಪಷ್ಟವಾಗಿ ಕೆಲಸ ಮಾಡಿದೆ. ಕಳೆದ 12 ತಿಂಗಳುಗಳಲ್ಲಿ ಪ್ರತಿ 6.73 ಎಸೆತಗಳಿಗೆ ಸರಾಸರಿ ಸಿಕ್ಸರ್‌ಗಳನ್ನು ಬಾರಿಸಿದ್ದಾರೆ.

"ನಾನು ಬಹಳಷ್ಟು ಸ್ವಿಂಗ್ ಡ್ರಿಲ್‌ಗಳನ್ನು ಮಾಡುತ್ತೇನೆ. ಪ್ರತಿಯೊಂದು ಸ್ವಿಂಗ್ ವಿಶಿಷ್ಟವಾಗಿದೆ ಮತ್ತು ಅದನ್ನು ಸ್ಮರಣೀಯವಾಗಿಸಲು ನೀವು ಅಭ್ಯಾಸವನ್ನು ಮುಂದುವರಿಸಬೇಕು," ಎಂದು ಕ್ಲಾಸೆನ್ ಹೇಳಿದರು.

ಭಾರತದಲ್ಲಿ ಬೌಂಡರಿಗಳ ಗಾತ್ರವು ಚಿಕ್ಕದಾಗಿದೆ ಎಂದು ಫಾಫ್ ಭಾವಿಸಿದ್ದಾರೆ ಎಂದು ಹೆನ್ರಿಚ್ ಕ್ಲಾಸೆನ್ ಅಭಿಪ್ರಾಯಪಟ್ಟರು. ಆದರೂ ಅದು ಮನಸ್ಥಿತಿಯ ಮೇಲೆ ಪರಿಣಾಮ ಬೀರುವುದಿಲ್ಲ ಎಂದುಕೊಂಡಿದ್ದಾರೆ.

"ಭಾರತದಲ್ಲಿ ಎಲ್ಲಾ ಮೈದಾನಗಳು ಚಿಕ್ಕದಾಗಿದೆ ಎಂದು ನನಗೆ ಅನಿಸುತ್ತದೆ. ಮೈದಾನಗಳು ಚಿಕ್ಕದಾಗುತ್ತಿವೆ ಎಂದು ಫಾಫ್ ಡು ಪ್ಲೆಸಿಸ್ ಹೇಳಿದರು. ಆಶಾದಾಯಕವಾಗಿ, ಅದು ಹಾಗೆಯೇ ಇರಬೇಕು. ಸಿಕ್ಸರ್‌ಗಳನ್ನು ಹೊಡೆಯುವುದು ಸ್ವಲ್ಪ ಸುಲಭವಾಗುತ್ತದೆ," ಎಂದು ಹೆನ್ರಿಚ್ ಕ್ಲಾಸೆನ್ ತಮಾಷೆ ಮಾಡಿದರು.

ಸದ್ಯ ಹೆನ್ರಿಚ್ ಕ್ಲಾಸೆನ್ ಅವರು 2024ರಲ್ಲಿ ಐಸಿಸಿ ಟಿ20 ವಿಶ್ವಕಪ್ ಟ್ರೋಫಿಯ ಗುರಿಯನ್ನು ಹೊಂದಿರುವ ದಕ್ಷಿಣ ಆಫ್ರಿಕಾ ತಂಡದ ಭಾಗವಾಗಿದ್ದಾರೆ. ಶ್ರೀಲಂಕಾ, ಬಾಂಗ್ಲಾದೇಶ, ನೆದರ್ಲ್ಯಾಂಡ್ಸ್ ಮತ್ತು ನೇಪಾಳ ತಂಡಗಳೊಂದಿಗೆ ಡಿ ಗುಂಪಿನಲ್ಲಿ ಸ್ಥಾನ ಪಡೆದಿದ್ದಾರೆ.