ಈ ಟೀಮ್‌ ಇಂಡಿಯಾ ಆಟಗಾರ ಯಾವಾಗ ಬೇಕಾದರೂ ವಿದಾಯ ಘೋಷಿಸಬಹುದು!

ಆಗಸ್ಟ್‌ 4 ಭಾನುವಾರ, ಟೀಮ್‌ ಇಂಡಿಯಾದ ಹಿರಿಯ ಆಟಗಾರರೊಬ್ಬರು ಇತ್ತೀಚಿನ ದಿನಗಳಲ್ಲಿ ತಮ್ಮ ವೃತ್ತಿಜೀವನದ ಕೊನೆಯ ದಿನಗಳನ್ನು ಎಣಿಸುತ್ತಿದ್ದಾರೆ. ಈ ಆಟಗಾರ ಭಾರತ ಟೆಸ್ಟ್ ತಂಡದಿಂದ ಬಹಳ ಸಮಯದಿಂದ ಹೊರಗುಳಿದಿದ್ದಾರೆ.

ಈಗ ಟೀಮ್‌ ಇಂಡಿಯಾದಲ್ಲಿ ಈ ಆಟಗಾರನ ಮರಳುವಿಕೆ ಬಹುತೇಕ ಅಸಾಧ್ಯ ಎನಿಸುತ್ತಿದೆ. ಇಂತಹ ಪರಿಸ್ಥಿತಿಯಲ್ಲಿ ಈ ಆಟಗಾರನಿಗೆ ಉಳಿದಿರುವ ಏಕೈಕ ಆಯ್ಕೆ ನಿವೃತ್ತಿ. ಈ ದಿಗ್ಗಜ ಕ್ರಿಕೆಟಿಗ ಮುಂಬರುವ ಸಮಯದಲ್ಲಿ ನಿವೃತ್ತಿ ಘೋಷಿಸಿದರೆ ಯಾರೂ ಆಶ್ಚರ್ಯಪಡುವಂತಿಲ್ಲ.

ಕಳೆದ 3.8 ವರ್ಷಗಳಿಂದ ಆಯ್ಕೆದಾರರು ಈ ಆಟಗಾರನನ್ನು ನಿರ್ಲಕ್ಷಿಸುತ್ತಿದ್ದು, ಅಂತರರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ಆಡಲು ಅವಕಾಶ ನೀಡುತ್ತಿಲ್ಲ.

ನಿವೃತ್ತಿ ಏಕೈಕ ಆಯ್ಕೆ?

ಭಾರತದ ದಿಗ್ಗಜ ವೇಗದ ಬೌಲರ್ ಇಶಾಂತ್ ಶರ್ಮಾ ಬಹುದಿನಗಳಿಂದ ಟೀಮ್‌ ಇಂಡಿಯಾದಲ್ಲಿ ಸ್ಥಾನ ಪಡೆಯುವಲ್ಲಿ ಯಶಸ್ವಿಯಾಗಿಲ್ಲ. ಆದರೂ ಇಶಾಂತ್ ಶರ್ಮಾ ಇನ್ನೂ ಅಂತರಾಷ್ಟ್ರೀಯ ಕ್ರಿಕೆಟ್‌ಗೆ ನಿವೃತ್ತಿ ಘೋಷಿಸಿಲ್ಲ.

ಆದರೆ, ಸದ್ಯದ ಪರಿಸ್ಥಿತಿ ನೋಡಿದರೆ ಇಶಾಂತ್ ಶರ್ಮಾ ಟೀಮ್‌ ಇಂಡಿಯಾಗೆ ಮರಳುವುದು ಬಹುತೇಕ ಅಸಾಧ್ಯ ಎನಿಸುತ್ತಿದೆ. ಇಶಾಂತ್ ಶರ್ಮಾಗೆ ಈಗ 35 ವರ್ಷ ವಯಸ್ಸಾಗಿದ್ದು, ಆಯ್ಕೆಗಾರರು ಕೂಡ ಅವರಿಗೆ ಮಣೆ ಹಾಕುತ್ತಿಲ್ಲ.

ಅಂತರಾಷ್ಟ್ರೀಯ ಕ್ರಿಕೆಟ್‌ನಿಂದ ದೂರವಿದ್ದರೂ, ಇಶಾಂತ್ ಶರ್ಮಾ ಅವರಿಗೆ ಇನ್ನೂ ಐಪಿಎಲ್‌ನಲ್ಲಿ ಆಡುವ ಅವಕಾಶ ಸಿಕ್ಕಿರುವುದು ಸಮಾಧಾನದ ಸಂಗತಿ. ಇಶಾಂತ್ ಶರ್ಮಾ ಐಪಿಎಲ್‌ನಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ತಂಡದಲ್ಲಿ ಆಡುತ್ತಿದ್ದಾರೆ.

ಇಶಾಂತ್ ಶರ್ಮಾಗೆ ಈಗ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಿಂದ ನಿವೃತ್ತಿಯಾಗುವುದನ್ನು ಬಿಟ್ಟು ಬೇರೆ ದಾರಿಯೇ ಇಲ್ಲ. ಟೆಸ್ಟ್ ಕ್ರಿಕೆಟ್‌ನಲ್ಲಿ ಟೀಮ್ ಇಂಡಿಯಾದ ಆಯ್ಕೆ ಈಗ ವೇಗದ ಬೌಲರ್‌ಗಳಾದ ಜಸ್ಪ್ರೀತ್ ಬುಮ್ರಾ, ಮೊಹಮ್ಮದ್ ಸಿರಾಜ್, ಮುಖೇಶ್ ಕುಮಾರ್ ಮತ್ತು ಆರ್ಷದೀಪ್ ಸಿಂಗ್ ಆಗಿದ್ದಾರೆ.

ಇದಲ್ಲದೇ ಶಾರ್ದೂಲ್ ಠಾಕೂರ್ ಕೂಡ ನಾಲ್ಕನೇ ವೇಗದ ಬೌಲರ್ ಆಗಿ ತಂಡದಲ್ಲಿದ್ದಾರೆ. ಮತ್ತೊಂದೆಡೆ ಮೊಹಮ್ಮದ್ ಶಮಿ ಕೂಡ ಗಾಯದ ನಂತರ ಟೀಮ್ ಇಂಡಿಯಾಕ್ಕೆ ಮರಳಲು ತಯಾರಿ ನಡೆಸುತ್ತಿದ್ದಾರೆ. ಹೀಗಾಗಿ ಆಯ್ಕೆಗಾರರು ಇಶಾಂತ್ ಶರ್ಮಾ ಅವರನ್ನು ಹಾಲಿನಲ್ಲಿ ನೊಣದಂತೆ ಟೀಮ್‌ ಇಂಡಿಯಾದಿಂದ ಹೊರಹಾಕಿದ್ದಾರೆ ಎನ್ನಲಾಗುತ್ತಿದೆ.