100ನೇ ಪಂದ್ಯನ್ನಾಡುತ್ತಿರುವ ಇಶಾಂತ್‌ಗೆ ಕೇಂದ್ರ ಗೃಹಸಚಿವರಿಂದ ವಿಶೇಷ ಗೌರವ

ಕ್ರೀಡಾಂಗಣಕ್ಕೆ ಮರುನಾಮಕರಣ

ಅಹ್ಮದಾಬಾದ್‌ನ ಈ ಬೃಹತ್ ಕ್ರೀಡಾಂಗಣದಲ್ಲಿ ಇಂಗ್ಲೆಂಡ್ ವಿರುದ್ಧದ ಈ ಪಂದ್ಯದ ಮೂಲಕ ಮೊದಲ ಅಂತಾರಾಷ್ಟ್ರೀಯ ಪಂದ್ಯವನ್ನು ಆಡಿಸಲಾಗುತ್ತಿದೆ. ಈ ಪಂದ್ಯಕ್ಕೂ ಮುನ್ನ ಈ ಕ್ರೀಡಾಂಗಣಕ್ಕೆ ನರೇಂದ್ರ ಮೋದಿ ಕ್ರೀಡಾಂಗಣ ಎಂದು ಮರುನಾಮಕರಣ ಮಾಡಲಾಗಿದೆ.

ಸ್ಮರಣೀಯವಾಗಿಸಿದ ಇಶಾಂತ್

ಇನ್ನು ಇಶಾಂತ್ ಶರ್ಮಾ ತಮ್ಮ 100ನೇ ಟೆಸ್ಟ್ ಪಂದ್ಯವನ್ನು ಕೂಡ ಸ್ಮರಣೀಯವಾಗಿಸಿದ್ದಾರೆ. ಇಂಗ್ಲೆಂಡ್ ತಂಡ 2 ರನ್ ಗಳಿಸಿದ್ದ ವೇಳೆ ಡಾಮಿನಿಕ್ ಸಿಬ್ಲಿ ವಿಕೆಟ್ ಪಡೆಯುವಲ್ಲಿ ಇಶಾಂತ್ ಶರ್ಮಾ ಯಶಸ್ವಿಯಾಗಿದ್ದರು. ಇಶಾಂತ್ ಎಸೆತದಲ್ಲಿ ಸಿಬ್ಲಿ ರೋಹಿತ್‌ಗೆ ಕ್ಯಾಚ್ ನೀಡಿ ನಿರ್ಗಮಿಸಿದ್ದಾರೆ.

ಹಿನ್ನೆಡೆ ಅನುಭವಿಸಿದ ಇಂಗ್ಲೆಂಡ್

ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿದ ಇಂಗ್ಲೆಂಡ್ ಮೊದಲ ಇನ್ನಿಂಗ್ಸ್‌ನಲ್ಲಿ ಸಂಪೂರ್ಣ ಹಿನ್ನೆಡೆಯನ್ನು ಅನುಭವಿಸಿತು. ಇಂಗ್ಲೆಂಡ್ 112 ರನ್‌ಗಳಿಗೆ ತನ್ನ ಎಲ್ಲಾ ವಿಕೆಟ್‌ಗಳನ್ನು ಕಳೆದುಕೊಂಡು ಭಾರತದ ವಿರುದ್ಧ ಮೊದಲ ಇನ್ನಿಂಗ್ಸ್‌ನಲ್ಲಿ ಅತ್ಯಂತ ಕನಿಷ್ಠ ಮೊತ್ತವನ್ನು ದಾಖಲಿಸಿತು.