'ಅವನು ನನಗಿಂತ 1000 ಪಟ್ಟು ಉತ್ತಮ'; ಟೀಮ್ ಇಂಡಿಯಾ ಆಟಗಾರನನ್ನು ಶ್ಲಾಘಿಸಿದ ಕಪಿಲ್ ದೇವ್

ಸದ್ಯ ನಡೆಯುತ್ತಿರುವ 2024ರ ಐಸಿಸಿ ಟಿ20 ವಿಶ್ವಕಪ್ ಪಂದ್ಯಾವಳಿಯಲ್ಲಿ ರೋಹಿತ್ ಶರ್ಮಾ ನಾಯಕತ್ವದ ಭಾರತ ತಂಡವು ಅದ್ಭುತ ಅಭಿಯಾನ ಹೊಂದಿದೆ. ಸೆಮಿಫೈನಲ್‌ವರೆಗೆ ಯಾವುದೇ ಸೋಲು ಕಾಣದೆ ಅಜೇಯವಾಗಿ ಮುನ್ನುಗ್ಗಿದೆ.

ಯುಎಸ್ಎನಲ್ಲಿ ಗುಂಪು ಹಂತದ ಲೆಗ್‌ನ ನಂತರ, ವೆಸ್ಟ್ ಇಂಡೀಸ್‌ನ ಸೂಪರ್ 8ರ ಹಂತದಲ್ಲಿ ಉತ್ತಮ ಪ್ರದರ್ಶನ ನೀಡಿದೆ. ಅದರಲ್ಲೂ ಬೌಲಿಂಗ್‌ ವಿಭಾಗವು ಭಾರತ ತಂಡಕ್ಕೆ ಪಂದ್ಯ-ವಿಜೇತ ಪ್ರದರ್ಶನ ನೀಡಿದೆ.

ಇದೇ ವೇಳೆ ಭಾರತದ ಲೆಜೆಂಡರಿ ಆಲ್‌ರೌಂಡರ್ ಮತ್ತು ಮಾಜಿ ನಾಯಕ ಕಪಿಲ್ ದೇವ್ ಅವರು ಭಾರತದ ಸ್ಟಾರ್ ವೇಗದ ಬೌಲರ್ ಜಸ್ಪ್ರೀತ್ ಬುಮ್ರಾ ಅವರನ್ನು ತನಗಿಂತ 1000 ಪಟ್ಟು ಉತ್ತಮ ಎಂದು ಶ್ಲಾಘಿಸಿದ್ದಾರೆ.

ಗಮನಾರ್ಹವಾಗಿ, 2024ರ ಟಿ20 ವಿಶ್ವಕಪ್‌ನಲ್ಲಿ ಜಸ್ಪ್ರೀತ್ ಬುಮ್ರಾ 6 ಇನ್ನಿಂಗ್ಸ್‌ಗಳಿಂದ 8.54ರ ಸರಾಸರಿ ಮತ್ತು 4.08ರ ಎಕಾನಮಿ ದರದಲ್ಲಿ 11 ವಿಕೆಟ್‌ಗಳನ್ನು ಪಡೆದು ಅತ್ಯುತ್ತಮ ಫಾರ್ಮ್‌ನಲ್ಲಿದ್ದಾರೆ.

ಬಲಗೈ ವೇಗಿ ಜಸ್ಪ್ರೀತ್ ಬುಮ್ರಾ ಐರ್ಲೆಂಡ್ ಮತ್ತು ಪಾಕಿಸ್ತಾನದ ವಿರುದ್ಧ ಕ್ರಮವಾಗಿ 3 ಓವರ್‌ಗಳಲ್ಲಿ 6 ರನ್ ನೀಡಿ 2 ವಿಕೆಟ್ ಮತ್ತು 4 ಓವರ್‌ಗಳಲ್ಲಿ 14 ರನ್ ನೀಡಿ 3 ವಿಕೆಟ್ ಪಡೆಯುವ ಮೂಲಕ ಸತತವಾಗಿ ಪ್ಲೇಯರ್ ಆಫ್ ದಿ ಮ್ಯಾಚ್ ಪ್ರಶಸ್ತಿಗಳನ್ನು ಗೆದ್ದರು.

ಪಾಕಿಸ್ತಾನದ ವಿರುದ್ಧ ಜಸ್ಪ್ರೀತ್ ಬುಮ್ರಾ ಅವರು ಬಾಬರ್ ಅಜಂ (10 ಎಸೆತಗಳಲ್ಲಿ 13 ರನ್), ಮೊಹಮ್ಮದ್ ರಿಜ್ವಾನ್ (44 ಎಸೆತಗಳಲ್ಲಿ 31 ರನ್) ಮತ್ತು ಇಫ್ತಿಕರ್ ಅಹ್ಮದ್ (9 ಎಸೆತಗಳಲ್ಲಿ 5 ರನ್) ಅವರ ವಿಕೆಟ್ ಕಬಳಿಸಿದ ಕಾರಣ ಭಾರತ ತಂಡವು 119 ರನ್ ರಕ್ಷಿಸಲು ಸಹಾಯ ಮಾಡಿದರು.

ಜಸ್ಪ್ರೀತ್ ಬುಮ್ರಾ ಅವರ ಪ್ರಸ್ತುತ ಪ್ರದರ್ಶನವನ್ನು ಶ್ಲಾಘಿಸಿದ ಮಾಜಿ ಕ್ರಿಕೆಟಿಗ ಕಪಿಲ್ ದೇವ್, ಆತ ತನಗಿಂತ 1000 ಪಟ್ಟು ಉತ್ತಮವಾಗಿದ್ದಾರೆ ಮತ್ತು ಪ್ರಸ್ತುತ ಪೀಳಿಗೆ ಆಟಗಾರರನ್ನು ಹೆಚ್ಚು ಶ್ರಮಶೀಲರು ಮತ್ತು ಅದ್ಭುತ ಎಂದು ಕರೆದರು.

"ಜಸ್ಪ್ರೀತ್ ಬುಮ್ರಾ ನನಗಿಂತ 1000 ಪಟ್ಟು ಉತ್ತಮ. ಭಾರತದ ಈ ಹುಡುಗರು ನಮಗಿಂತ ತುಂಬಾ ಉತ್ತಮರು. ನಮ್ಮ ತಂಡದಲ್ಲಿ ಹೆಚ್ಚು ಅನುಭವವಿದೆ. ಇಲ್ಲಿಯವರೆಗೆ ಉತ್ತಮವಾಗಿದ್ದಾರೆ. ಆಟಗಾರರೆಲ್ಲರೂ ಫಿಟ್ ಆಗಿದ್ದಾರೆ. ಅವರು ಹೆಚ್ಚು ನೆಟ್‌ನಲ್ಲಿ ಮತ್ತು ಮೈದಾನದಲ್ಲಿ ಹೆಚ್ಚು ಶ್ರಮಜೀವಿಗಳು," ಎಂದು ಭಾರತದ ಮಾಜಿ ನಾಯಕ ಕಪಿಲ್ ದೇವ್ ಹೇಳಿದ್ದಾರೆ.

ಗಮನಾರ್ಹವಾಗಿ, ಕಪಿಲ್ ದೇವ್ ಅವರು ಭಾರತದಿಂದ ಹೊರಹೊಮ್ಮಿದ ಶ್ರೇಷ್ಠ ವೇಗಿ ಎಂದು ಹೇಳಲಾಗುತ್ತದೆ. ಅವರು ಎಲ್ಲಾ ಫಾರ್ಮ್ಯಾಟ್‌ಗಳಲ್ಲಿ ಭಾರತದ ಪರ ನಾಲ್ಕನೇ ಅತಿ ಹೆಚ್ಚು ವಿಕೆಟ್ ಪಡೆದ ಬೌಲರ್ ಆಗಿದ್ದಾರೆ.

'ಹರಿಯಾಣ ಚಂಡಮಾರುತ' ಕಪಿಲ್ ದೇವ್ ಅವರು ತಮ್ಮ ಕ್ರಿಕೆಟ್ ವೃತ್ತಿಜೀವನದಲ್ಲಿ ಆಡಿದ 356 ಪಂದ್ಯಗಳಿಂದ 28.83ರ ಸರಾಸರಿ ಮತ್ತು 3.05ರ ಎಕಾನಮಿ ದರದಲ್ಲಿ 687 ವಿಕೆಟ್‌ಗಳನ್ನು ಪಡೆದಿದ್ದಾರೆ.

ಲೆಜೆಂಡರಿ ವೇಗಿ ಕಪಿಲ್ ದೇವ್ ತನ್ನ ಟೆಸ್ಟ್ ಕ್ರಿಕೆಟ್‌ ವೃತ್ತಿಜೀವನದಲ್ಲಿ 131 ಪಂದ್ಯಗಳಿಂದ 29.64ರ ಸರಾಸರಿಯಲ್ಲಿ ಮತ್ತು 2.78ರ ಎಕಾನಮಿ ದರದಲ್ಲಿ 434 ವಿಕೆಟ್‌ಗಳೊಂದಿಗೆ ಪ್ರಮುಖ ವಿಕೆಟ್ ಟೇಕರ್ ಆಗಿ ಮುಗಿಸಿದರು.

2024ರ ಟಿ20 ವಿಶ್ವಕಪ್‌ನ 2ನೇ ಸೆಮಿಫೈನಲ್: ಇಂಗ್ಲೆಂಡ್ ವಿರುದ್ಧ ಭಾರತದ ಸೆಣಸಾಟ
ಪ್ರಸ್ತುತ ವಿಶ್ವದ ಅತ್ಯುತ್ತಮ ವೇಗದ ಬೌಲರ್ ಎನಿಸಿಕೊಂಡಿರುವ ಜಸ್ಪ್ರೀತ್ ಬುಮ್ರಾ ಅವರು ಕಪಿಲ್ ದೇವ್ ಅವರ ಪರಂಪರೆಯನ್ನು ಅಲ್ಲಾ ಸ್ವರೂಪಗಳಾದ್ಯಂತ ವಿಶ್ವದ ಅತ್ಯುತ್ತಮ ಬೌಲರ್ ಆಗಿ ಮುನ್ನಡೆಸುವ ನಿರೀಕ್ಷೆಯಿದೆ.

ಟೆಸ್ಟ್ ಮತ್ತು ಏಕದಿನ ಎರಡರಲ್ಲೂ ಜಸ್ಪ್ರೀತ್ ಬುಮ್ರಾ ಅಗ್ರ ಐದರಲ್ಲಿ ಶ್ರೇಯಾಂಕ ಹೊಂದಿರುವುದರಿಂದ ವೇಗದ ಬೌಲರ್ ಎಲ್ಲಾ ಮೂರು ಸ್ವರೂಪಗಳಲ್ಲಿ ಅಸಾಧಾರಣ ಸಂಖ್ಯೆಯನ್ನು ಹೊಂದಿದ್ದಾರೆ.

ಇದೇ ವೇಳೆ, 2024ರ ಟಿ20 ವಿಶ್ವಕಪ್‌ನ ಸೆಮಿಫೈನಲ್‌ನಲ್ಲಿ ಭಾರತ ತಂಡವು ಇಂಗ್ಲೆಂಡ್ ವಿರುದ್ಧ ಸೆಣಸಾಡುತ್ತಿದೆ. ಸದ್ಯ ನಡೆಯುತ್ತಿರುವ ಪಂದ್ಯಾವಳಿಯಲ್ಲಿ ಟೀಮ್ ಇಂಡಿಯಾ ತಮ್ಮ ಎಲ್ಲಾ ಪಂದ್ಯಗಳನ್ನು ಗೆದ್ದು ಅಜೇಯರಾಗಿದ್ದಾರೆ.

ರೋಹಿತ್ ಶರ್ಮಾ ನಾಯಕತ್ವದ ತಂಡವು ಹಿಂದಿನ ಆವೃತ್ತಿಯ ಪಂದ್ಯಾವಳಿಯ ಸೆಮಿಫೈನಲ್‌ನಲ್ಲಿ 10 ವಿಕೆಟ್‌ಗಳಿಂದ ಸೋತಿದ್ದರಿಂದ, ಹಾಲಿ ಚಾಂಪಿಯನ್ ವಿರುದ್ಧದ ಆ ಬೃಹತ್ ಸೋಲಿಗೆ ಸೇಡು ತೀರಿಸಿಕೊಳ್ಳಲು ಉತ್ಸುಕವಾಗಿದೆ.