ಶ್ರೀಲಂಕಾದಿಂದಲೇ ಟೀಮ್ ಇಂಡಿಯಾಗೆ ಎಚ್ಚರಿಕೆ ರವಾನಿಸಿದ ಜೋ ರೂಟ್

ಉತ್ತಮ ಬ್ಯಾಟಿಂಗ್ ಪ್ರದರ್ಶಿಸಿದ ಲಂಕಾ

ಎರಡನೇ ಟೆಸ್ಟ್ ಪಂದ್ಯದಲ್ಲಿ ಶ್ರೀಲಂಕಾ ಮೊದಲು ಬ್ಯಾಟಿಂಗ್ ಮಾಡಿದ್ದು ಏಂಜಲೋ ಮ್ಯಾಥ್ಯೂಸ್ ಸಿಡಿಸಿದ ಶತಕ ಹಾಗೂ ಡಿಕ್ವೆಲ್ಲಾ ಅವರ 92ರನ್‌ಗಳ ಕೊಡುಗೆಯ ನೆರವಿನಿಂದ 381 ರನ್‌ಗಳನ್ನು ದಾಖಲಿಸುವಲ್ಲಿ ಯಶಸ್ವಿಯಾಗಿದೆ. ಈ ಇನ್ನಿಂಗ್ಸ್‌ನಲ್ಲಿ ನಾಯಕ ಚಾಂಡಿಮಲ್ ಹಾಗೂ ದಿಲ್ರುವಾನ್ ಪೆರೆರ ಕೂಡ ಅರ್ಧ ಶತಕದ ಕೊಡುಗೆಯನ್ನು ನೀಡಿದ್ದಾರೆ.

ಇಂಗ್ಲೆಂಡ್‌ಗೆ ಆರಂಭಿಕ ಆಟಗಾರ

ಇದಕ್ಕೆ ಪ್ರತಿಯಾಗಿ ಬ್ಯಾಟಿಂಗ್ ಮಾಡಲಿಳಿದ ಇಂಗ್ಲೆಂಡ್ ಆರಂಭಿಕ ಆಘಾತವನ್ನು ಅನುಭವಿಸಿತು. ತಂಡದ ಮೊತ್ತ 5 ರನ್ ಆಗಯವಷ್ಟರಲ್ಲಿ ಆರಂಭಿಕರಿಬ್ಬರನ್ನೂ ಇಂಗ್ಲೆಂಡ್ ಕಳೆದುಕೊಂಡಿತು.ಬಳಿಕ ನಾಯಕನ ಜೊತೆ ಸೇರಿದ ವಿಕೆಟ್ ಕೀಪರ್ ಜಾನಿ ಬೈರ್‌ಸ್ಟೋವ್ ಶತಕದ ಜೊತೆಯಾಟದಲ್ಲಿ ಪಾಲ್ಗೊಂಡು ನಾಯಕನಿಗೆ ಸಾಥ್ ನೀಡಿದರು. ಬೈರ್‌ಸ್ಟೋವ್ ಕೇವಲ 28 ರನ್‌ಗಳಿಗೆ ವಿಕೆಟ್ ಒಪ್ಪಿಸಿದರು.

ಶ್ರೇಷ್ಠ ಜೊತೆಯಾಟ ನೀಡಿದ ರೂಟ್

ಲಾರೆನ್ಸ್ ಕೂಡ ಶೀಘ್ರವೇ ವಿಕೆಟ್ ಒಪ್ಪಿಸಿದರಾದರೂ ಜೋಸ್ ಬಟ್ಲರ್ ಜೊತೆಗೆ ಮತ್ತೊಂದು ಉತ್ತಮ ಜೊತೆಯಾಟದ ಪ್ರದರ್ಶನ ನೀಡುವಲ್ಲಿ ಜೋ ರೂಟ್ ಯಶಸ್ವಿಯಾದರು. ಶ್ರೀಲಂಕಾ ತಂಡದ ಪರವಾಗಿ ಲಸಿತ್ ಎಂಬುಲ್ಡೇನಿಯಾ ಅದ್ಭುತ ಬೌಲಿಂಗ್ ದಾಳಿಯನ್ನು ಸಂಘಟಿಸಿದ್ದು ಮೊದಲ ಆರು ವಿಕೆಟ್ ಕಳೆದುಕೊಂಡಿದ್ದ ವೇಳೆಗೆ ಅವರೊಬ್ಬರೇ ಐದು ವಿಕೆಟ್‌ಗಳನ್ನು ತನ್ನ ಖಾತೆಗೆ ಹಾಕಿಕೊಂಡಿದ್ದರು.