Jofra Archer: ಜೋಫ್ರಾ ಆರ್ಚರ್ ದುಬಾರಿ ಬೌಲರ್‌: ಇಲ್ಲಿದೆ ಅಂಕಿ ಅಂಶ

ರಾಜಸ್ಥಾನ ರಾಯಲ್ಸ್ ತಂಡದ ಸ್ಟಾರ್ ಬೌಲರ್‌ ಸನ್‌ರೈಸರ್ಸ್ ಹೈದರಾಬಾದ್ ವಿರುದ್ಧದ ಪಂದ್ಯದಲ್ಲಿ ತಮ್ಮ ಸ್ಥಿರ ಪ್ರದರ್ಶನ ನೀಡುವಲ್ಲಿ ವಿಫಲರಾಗಿದ್ದಾರೆ. ಈ ಮೂಲಕ ಐಪಿಎಲ್ ಇತಿಹಾಸದಲ್ಲಿ ಬೇಡವಾದ ದಾಖಲೆಗೆ ಜೋಫ್ರಾ ಪಾತ್ರರಾಗಿದ್ದಾರೆ. ಹಾಗಿದ್ದಾರೆ ಜೋಪ್ರಾ ಮಾಡಿದ ಕಳಪೆ ಸಾಧನೆ ಏನು ಎಂಬ ಬಗ್ಗೆ ಮಾಹಿತಿ ಇಲ್ಲಿದೆ.

ಹೈದರಾಬಾದ್‌ನಲ್ಲಿ 18ನೇ ಆವೃತ್ತಿಯ 2ನೇ ಪಂದ್ಯದಲ್ಲಿ ಸನ್‌ರೈಸರ್ಸ್‌ ಹೈದರಾಬಾದ್ ಹಾಗೂ ರಾಜಸ್ಥಾನ ರಾಯಲ್ಸ್ ತಂಡಗಳು ಕಾದಾಟ ನಡೆಸಿದವು. ಈ ಪಂದ್ಯದಲ್ಲಿ ಮೊದಲು ಬ್ಯಾಟ್ ಮಾಡಿದ ಹೈದರಾಬಾದ್‌ ದಾಖಲೆಯ ರನ್‌ ಕಲೆ ಹಾಕಿ ಅಬ್ಬರಿಸಿತು. ಟಾಸ್‌ ಸೋತರೂ ಮೊದಲು ಬ್ಯಾಟ್ ಮಾಡಿದ ಸನ್‌ 20 ಓವರ್‌ಗಳಲ್ಲಿ 6 ವಿಕೆಟ್‌ಗೆ 286 ರನ್‌ ಸೇರಿಸಿತು. ಈ ವೇಳೆ ಜೋಫ್ರಾ ಆರ್ಚರ್ ಸ್ಥಿರ ಪ್ರದರ್ಶನ ನೀಡುವಲ್ಲಿ ಎಡವಿ ಬೇಡವಾದ ದಾಖಲೆ ಬರೆದರು.

ದುಬಾರಿ ಬೌಲರ್‌

ಈ ಪಂದ್ಯದಲ್ಲಿ ಜೋಪ್ರಾ ಆರ್ಚರ್ ರನ್‌ಗಳಿಗೆ ಕಡಿವಾಣ ಹಾಕುವಲ್ಲಿ ವಿಫಲರಾದರು. ಇವರು 19 ರನ್‌ಗಳ ಸರಾಸರಿಯಲ್ಲಿ ಪ್ರತಿ ಓವರ್‌ನಲ್ಲಿ ರನ್‌ ನೀಡಿ ಕೈ ಸುಟ್ಟುಕೊಂಡರು. ಇವರು 4 ಓವರ್‌ ಬೌಲಿಂಗ್ ನಡೆಸಿ 76 ರನ್‌ ನೀಡಿ ದುಬಾರಿಯಾದರು. ರಾಜಸ್ಥಾನ ಪರ ಎಲ್ಲ ಬೌಲರ್‌ಗಳು ಧಾರಾಳವಾಗಿ ರನ್‌ ಬಿಟ್ಟುಕೊಟ್ಟರು. ಆದರೆ ಜೋಫ್ರಾ ಹೆಚ್ಚು ರನ್‌ ಬಿಟ್ಟುಕೊಟ್ಟು ದಾಖಲೆಯ ಪುಟಕ್ಕೆ ಎಂಟ್ರಿ ಪಡೆದರು. ಈ ಮೂಲಕ ಮೋಹಿತ್ ಶರ್ಮಾ ಅವರ ದಾಖಲೆಯನ್ನು ಅಳಿಸಿ ಹಾಕಿದರು.

ಮೋಹಿತ್‌ ಶರ್ಮಾ ಗುಜರಾತ್‌ ಟೈಟಾನ್ಸ್‌ ಪರ ಆಡುವಾಗ ಡೆಲ್ಲಿ ಕ್ಯಾಪಿಟಲ್ಸ್‌ ವಿರುದ್ಧ ಏಪ್ರಿಲ್‌ 24, 2024ರಂದು ದುಬಾರಿಯಾಗಿದ್ದರು. ಈ ಪಂದ್ಯದಲ್ಲಿ ಮೋಹಿತ್‌ ಶರ್ಮಾ ಸಹ 4 ಓವರ್ ಬೌಲಿಂಗ್ ನಡೆಸಿ 73 ರನ್‌ ನೀಡಿ, ಐಪಿಎಲ್‌ ಇತಿಹಾಸದ ದುಬಾರಿ ಬೌಲರ್‌ ಎಂಬ ಹೆಗ್ಗಳಿಕೆಯನ್ನು ತಮ್ಮದಾಗಿಸಿಕೊಂಡಿದ್ದರು. ಆದರೆ ಈ ದಾಖಲೆಯನ್ನು ಜೋಫ್ರಾ ಆರ್ಚರ್ ಅಳಿಸಿ ಹಾಕಿದರು.

ಇನಿಂಗ್ಸ್‌ನಲ್ಲಿ ಅತಿ ಹೆಚ್ಚು ನೀಡಿದ ಬೌಲರ್ಸ್‌

1. ಜೋಫ್ರಾ ಆರ್ಚರ್ (ರಾಜಸ್ಥಾನ), ಎಸ್‌ಆರ್‌ಎಚ್‌ ವಿರುದ್ಧ, 76 ರನ್‌
2. ಮೋಹಿತ್ ಶರ್ಮಾ (ಜಿಟಿ), ಡೆಲ್ಲಿ ಕ್ಯಾಪಿಟಲ್ಸ್‌ ವಿರುದ್ಧ, 73 ರನ್‌
3. ಬಸಿಲ್‌ ಥಂಪಿ (ಹೈದರಾಬಾದ್‌), ಆರ್‌ಸಿಬಿ ವಿರುದ್ಧ, 70 ರನ್‌
4. ಯಶ್‌ ದಯಾಳ್ (ಜಿಟಿ), ಕೆಕೆಆರ್‌ ವಿರುದ್ಧ, 69 ರನ್‌
5. ರೀಸ್ ಟಾಪ್ಲಿ (ಆರ್‌ಸಿಬಿ), ಎಸ್‌ಆರ್‌ಎಚ್‌ ವಿರುದ್ಧ, 68 ರನ್‌