ಗೈಲ್ಸ್ ಬಿಚ್ಚಿಟ್ಟ ಕುತೂಹಲಕಾರಿ ಸತ್ಯ: ಆರ್ಚರ್ ಕೈಯೊಳಗಿದೆ ಗಾಜಿನ ಚೂರು!

ಶಸ್ತ್ರ ಚಿಕಿತ್ಸೆ ಮಾಡಿಸಿಕೊಂಡಿದ್ದ ಆರ್ಚರ್

ಕಳೆದ ಜನವರಿಯಲ್ಲಿ ಆರ್ಚರ್ ತನ್ನ ಫ್ಲ್ಯಾಟ್‌ನಲ್ಲಿದ್ದಾಗ ಈ ಘಟನೆ ನಡೆದಿತ್ತು. 'ಹೌದು ಆತ ಮನೆಯಲ್ಲಿ ಫಿಶ್‌ ಟ್ಯಾಂಕ್‌ ಕ್ಲೀನ್ ಮಾಡುತ್ತಿದ್ದಾಗ ಕೈ ಜಾರಿ ಫಿಟ್‌ ಟ್ಯಾಂಕ್‌ ಕೆಳಗೆ ಬಿದ್ದು ಕೈಗೆ ಕುಯ್ದ ಗಾಯವಾಗಿತ್ತು. ಆ ಬಳಿಕ ಆರ್ಚರ್ ಶಸ್ತ್ರ ಚಿಕಿತ್ಸೆ ಮಾಡಿಕೊಂಡಿದ್ದರು,' ಎಂದು ಇಎಸ್‌ಪಿಎನ್‌ ಕ್ರಿಕ್‌ಇನ್ಫೋ ಜೊತೆ ಗೈಲ್ಸ್ ಹೇಳಿಕೊಂಡಿದ್ದಾರೆ.

ಕೈಯೊಳಗೆ ಗಾಜಿನ ಚೂರು

ಬಲ್ಲ ಮಾಹಿತಿಯ ಪ್ರಕಾರ, ಆರ್ಚರ್‌ ಕೈಗೆ ಕುಯ್ದ ಗಾಯವಾದಾಗ ಅವರ ಕೈಯೊಳಗೆ ಗಾಜಿನ ಚೂರು ನುಸುಳಿತ್ತು. ಆರಂಭಿಕ ಶಸ್ತ್ರ ಚಿಕಿತ್ಸೆಯ ವೇಳೆ ಇದು ತೆಗೆಯಲ್ಪಡದೆ ಉಳಿದಿದ್ದರಿಂದ ಭಾರತ-ಇಂಗ್ಲೆಂಡ್ ಸರಣಿಯ ವೇಳೆ ಆರ್ಚರ್‌ಗೆ ಕೈ ನೋಯಲಾರಂಭಿಸಿತ್ತು. ಹೀಗಾಗಿ ಆರ್ಚರ್ ಮತ್ತೆ ಆಸ್ತ್ರ ಚಿಕಿತ್ಸೆಯ ಮೊರೆ ಹೋಗಿದ್ದಾರೆ.

ಐಪಿಎಲ್‌ ಆರಂಭದಲ್ಲಿ ಆಡುತ್ತಿಲ್ಲ

ಭಾರತ-ಇಂಗ್ಲೆಂಡ್ ಸರಣಿಯ ವೇಳೆ ನಾಲ್ಕು ಪಂದ್ಯಗಳ ಟೆಸ್ಟ್‌ ಸರಣಿ, 5 ಪಂದ್ಯಗಳ ಟಿ20ಐ ಸರಣಿಯಲ್ಲಿ ಹೇಗೋ ಆಡಿದ್ದ ಆರ್ಚರ್ ಆ ಬಳಿಕ ಮೂರು ಪಂದ್ಯಗಳ ಏಕದಿನ ಸರಣಿಯಿಂದ ದೂರ ಉಳಿದಿದ್ದರು. ಸದ್ಯ ಆರ್ಚರ್ ಕೈಯ ಶಸ್ತ್ರ ಚಿಕಿತ್ಸೆ ಮಾಡಿಸಿಕೊಂಡಿರುವುದರಿಂದ ಐಪಿಎಲ್ 2021ರ ಆರಂಭಿಕ ಪಂದ್ಯಗಳಲ್ಲಿ ಆಡೋದು ಅನುಮಾನವಾಗಿದೆ. ಇಂಗ್ಲೆಂಡ್ ಪರ 13 ಟೆಸ್ಟ್‌, 17 ಏಕದಿನ ಪಂದ್ಯಗಳು, 12 ಟಿ20ಐ ಪಂದ್ಯಗಳನ್ನಾಡಿರುವ ಆರ್ಚರ್ ಐಪಿಎಲ್‌ನಲ್ಲಿ ರಾಜಸ್ಥಾನ್ ರಾಯಲ್ಸ್ ಪರ ಆಡುತ್ತಿದ್ದಾರೆ.