ಸೆಹ್ವಾಗ್ ಜಿಮ್‌ಗೆ ಹೋಗದಿರಲು ನೀಡುತ್ತಿದ್ದ ತಮಾಷೆಯ ಕಾರಣ ಹೇಳಿದ ಜಾನ್‌ರೈಟ್

ಜಿಮ್‌ ತುಂಬಾ ತಂಪಿದೆ

ಟೀಮ್ ಇಂಡಿಯಾದ ಮಾಜಿ ಆರಂಭಿಕ ಆಟಗಾರ ವೀರೇಂದ್ರ ಸೆಹ್ವಾಗ್ ಯಾವತ್ತೂ ಜಿಮ್‌ಗೆ ಹೋಗಲು ಇಷ್ಟಪಡುತ್ತಿರಲಿಲ್ಲ. ಅದಕ್ಕೆ ಕಾರಣ ಮಾತ್ರ ತುಂಬಾ ತಮಾಷೆಯೆನಿಸುತ್ತದೆ. ಜಿಮ್‌ನಲ್ಲಿ ತುಂಬಾ ತಂಪಿದೆ, ಚಳಿಯಾಗುತ್ತದೆ ಎಂದು ಹೇಳಿ ಅವರು ತಪ್ಪಿಸಿಕೊಳ್ಳುತ್ತಿದ್ದರು ಎಂದು ಜಾನ್‌ರೈಟ್ ವಿವರಿಸಿದ್ದಾರೆ.

ಸೆಹ್ವಾಗ್‌ಗೆ ನಂಬಿಕೆಯಿರಲಿಲ್ಲ

ವೀರೇಂದ್ರ ಸೆಹ್ವಾಗ್ ಅವರನ್ನು ಮೆಷಿನ್‌ ಮೂಲಕ ಓಡುವಂತೆ ಸೂಚಿಸಿದರೂ ಅವರು ಕೇಳಿಸಿಕೊಳ್ಳುತ್ತಿರಲ್ಲ. ವೀರೇಂದ್ರ ಸೆಹ್ವಾಗ್ ಮೆಷಿನ್‌ಗಳ ಮೂಲಕ ಅಭ್ಯಾಸ ಮಾಡುವುದರಲ್ಲಿ ನಂಬಿಕೆ ಹೊಂದಿರಲಿಲ್ಲ ಎಂದು ಜಾನ್‌ರೈಟ್ ಹೇಳಿದ್ದಾರೆ.

ಶ್ರೇಷ್ಠ ಆರಂಭಿಕ ಆಟಗಾರ

ವೀರೇಂದ್ರ ಸೆಹ್ವಾಗ್ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಿಂದ 2015ರಲ್ಲಿ ನಿವೃತ್ತರಾದರು. ವಿಶ್ವ ಕ್ರಿಕೆಟ್‌ನ ಶ್ರೇಷ್ಠ ಆರಂಭಿಕ ಆಟಗಾರರಲ್ಲಿ ಒಬ್ಬರಾಗಿ ಗುರುತಿಸಲ್ಪಡುವ ಸೆಹ್ವಾಗ್ ಟೆಸ್ಟ್ ಕ್ರಿಕೆಟ್‌ನಲ್ಲಿ ಎರಡು ತ್ರಿಶತಕ ದಾಖಲಿಸಿದ ಕೇವಲ ನಾಲ್ಕು ಆಟಗಾರರಲ್ಲಿ ಒಬ್ಬರಾಗಿದ್ದಾರೆ.

14 ವರ್ಷಗಳ ಕ್ರಿಕೆಟ್ ವೃತ್ತಿ ಜೀವನ

14 ವರ್ಷಗಳ ಕ್ರಿಕೆಟ್ ವೃತ್ತಿ ಜೀವನದಲ್ಲಿ 8586 ಟೆಸ್ಟ್ ರನ್‌ಗಳನ್ನು 49.34ರ ಸರಾಸರಿಯಲ್ಲಿ ಬಾರಿಸಿದ್ದಾರೆ. ಟೆಸ್ಟ್‌ನಲ್ಲಿ ಸೆಹ್ವಾಗ್ ಸ್ಟ್ರೈಕ್ ರೇಟ್ ಭರ್ಜರಿ 82.23 ಆಗಿದೆ. 251 ಏಕದಿನ ಪಂದ್ಯಗಳಲ್ಲಿ ಸೆಹ್ವಾಗ್ 8273 ರನ್ ಗಳಿಸಿದ್ದಾರೆ. ಏಕದಿನದಲ್ಲಿ ಸೆಹ್ವಾಗ್ 35.05 ಸರಾಸರಿಯನ್ನು ಹೊಂದಿದ್ದಾರೆ.