ಐಪಿಎಲ್‌ನಲ್ಲೂ ಜನಾಂಗೀಯ ನಿಂದನೆಯಾಗಿತ್ತು ಎಂದ ಡ್ಯಾರನ್ ಸಮಿ

ಅದರ ಅರ್ಥ ಈಗಷ್ಟೇ ತಿಳಿಯಿತು

ಇನ್ಸ್ಟಾಗ್ರಾಮ್‌ನಲ್ಲಿ ಈ ಬಗ್ಗೆ ಆಕ್ರೋಶದಿಂದ ಪೋಸ್ಟ್ ಮಾಡಿದ್ದಾರೆ ಡ್ಯಾರೆನ್ ಸಮಿ. 'ಕಾಲು' ಎಂದರೆ ಏನು ಎಂದು ಈಗಷ್ಟೇ ನನಗೆ ಗೊತ್ತಾಯಿತು. ಅವರು ನನ್ನನ್ನು ಮತ್ತು ಶ್ರೀಲಂಕಾ ಕ್ರಿಕೆಟಿಗ ಪೆರೆರ ಅವರನ್ನು ಈ ರೀತಿಯಲ್ಲಿ ಕರೆಯುತ್ತಿದ್ದರು. ನಾನು ಅದನ್ನು ಬಲಶಾಲಿ ವ್ಯಕ್ತಿ ಎಂಬ ಅರ್ಥ ಎಂದುಕೊಂಡಿದ್ದೆ ಎಂದು ಆಕ್ರೋಶದಿಂದ ಬರೆದುಕೊಂಡಿದ್ದಾರೆ.

ವಿಡಿಯೋದಲ್ಲಿ ಅರ್ಥ ಕಂಡುಕೊಂಡ ಸಮಿ

ಆದರೆ ಡ್ಯಾರನ್ ಸಮಿ ಈ ರೀತಿ ಯಾರು ತನ್ನನ್ನು ಕರೆದಿದ್ದರು. ಯಾವ ಸಂದರ್ಭದಲ್ಲಿ ಈ ಘಟನೆ ನಡೆದಿತ್ತು ಎಂಬುದರ ಬಗ್ಗೆ ಸಮಿ ಏನನ್ನೂ ಹೇಳಿಕೊಂಡಿಲ್ಲ. ಒಂದು ವಿಡಿಯೋವನ್ನು ಆಧಾರವಾಗಿಟ್ಟುಕೊಂಡು ತಮಗೆ ಉಪಯೋಗಿಸಿದ ಪದದ ಅರ್ಥ ಬೇರೆಯದನ್ನೆ ಧ್ವನಿಸುತ್ತದೆ ಎಂದು ಸಮಿ ಆಕ್ರೋಶವನ್ನು ವ್ಯಕ್ತಪಡಿಸಿದ್ದಾರೆ.

ಕ್ರಿಕೆಟ್‌ನಲ್ಲೂ ವರ್ಣಬೇಧವಿದೆ ಎಂದ ವಿಂಡಿಸಿಗರು

ಅಮೆರಿಕಾದಲ್ಲಿ ಕಪ್ಪು ವರ್ಣೀಯ ವ್ಯಕ್ತಿನ್ನು ಪೊಲೀಸ್ ಅಧಿಕಾರಿ ಹತ್ಯೆ ಮಾಡಿದ ನಂತರ ವರ್ಣಬೇಧ ನೀತಿಯ ವಿರುದ್ಧ ಹೋರಾಟಗಳು ಆರಂಭವಾಗಿದೆ. ಕ್ರಿಕೆಟ್‌ನಲ್ಲೂ ಈ ಅನುಭವ ಉಂಟಾಗಿತ್ತು ಎಂದು ಮೊದಲಿಗೆ ಗೇಲ್ ಹೇಳಿಕೊಂಡಿದ್ದರು. ಬಳಿಕ ಡ್ಯಾರನ್ ಸಮಿ ಕೂಡ ಇದಕ್ಕೆ ಧ್ವನಿಗೂಡಿಸಿದ್ದರು.