ಪರ್ತ್, ಡಿಸೆಂಬರ್ 19: ಪರ್ತ್ನಲ್ಲಿ ನಡೆದಿದ್ದ ದ್ವಿತೀಯ ಟೆಸ್ಟ್ ವೇಳೆ ಟೀಮ್ ಇಂಡಿಯಾ ಕ್ಯಾಪ್ಟನ್ ವಿರಾಟ್ ಕೊಹ್ಲಿ ಮತ್ತು ಆಸ್ಟ್ರೇಲಿಯಾ ನಾಯಕ ಟಿಮ್ ಪೈನೆ ಪರಸ್ಪರ ಹಾಸ್ಯ ಮಾಡಿಕೊಂಡಿದ್ದು ಕಂಡು ಬಂದಿತ್ತು. ಈ ವಿಚಾರವಾಗಿ ಬುಧವಾರ (ಡಿಸೆಂಬರ್ 19) ಆಸೀಸ್ ಕೋಚ್ ಜಸ್ಟಿನ್ ಲ್ಯಾಂಗರ್ ಮಾತಾಡಿದ್ದಾರೆ.
Justin Langer calls Virat Kohli-Tim Paine showdown humorous pic.twitter.com/NlfVP05RhV
— Trending News Time (@trendingnewstim) December 19, 2018
ಪಂದ್ಯ ನಡೆಯುತ್ತಿದ್ದಾಗ ಮೈದಾನದಲ್ಲಿ ಟಿಮ್ ಪೈನೆ ಮತ್ತು ಕೊಹ್ಲಿ ತಮಾಷೆ ಮಾಡಿಕೊಂಡಿದ್ದರು. ಕೈ ಸನ್ನೆಯ ಮೂಲಕವೂ ಪರಸ್ಪರ ಗೇಲಿ ಮಾಡಿಕೊಂಡಿದ್ದು ವಿಡಿಯೋ ಕ್ಯಮರಾದಲ್ಲಿ ದಾಖಲಾಗಿತ್ತು. ಈ ಬಗ್ಗೆ ಸಾಮಾಜಿಕ ಜಾಲತಾಣಗಳಲ್ಲಿ ಸಾಕಷ್ಟು ಚರ್ಚೆಯೂ ನಡೆದಿತ್ತು.
ಈ ವಿಚಾರವಾಗಿ 'ಫಾಕ್ಸ್ ಕ್ರಿಕೆಟ್'ನೊಂದಿಗೆ ಮಾತನಾಡುತ್ತ ಲ್ಯಾಂಗರ್, 'ಪಂದ್ಯವನ್ನು ಜಿದ್ದಾಜಿದ್ದಗೊಳಿಸುವತ್ತ ಎರಡೂ ತಂಡಗಳ ನಾಯಕರ ತಮಾಷೆಯ ವರ್ತನೆ ಇತ್ತೇ ವಿನಃ ಅದು ಆಟಕ್ಕೆ ಹಾನಿಕಾರವೆಂಬಂತಿರಲಿಲ್ಲ. ಅಲ್ಲಿ ಸಿಡುಕಾಗಲಿ, ನಿಂದನೆಯಾಗಲಿ ಇರಲಿಲ್ಲ' ಎಂದಿದ್ದಾರೆ (ಚಿತ್ರದಲ್ಲಿ ಜಸ್ಟಿನ್ ಲ್ಯಾಂಗರ್).