IPL Purple Cap: ಕರ್ನಾಟದ ವೇಗಿ ಪ್ರಸಿದ್ಧ್ ಕೃಷ್ಣಾ ಮುಡಿಗೆ ಪರ್ಪಲ್‌ ಕ್ಯಾಪ್‌ ಗರಿ

ಇಂಡಿಯನ್ ಪ್ರೀಮಿಯರ್ ಲೀಗ್‌ನಲ್ಲಿ ಅಮೋಘ ಪ್ರದರ್ಶನ ನೀಡಿದ ಆಟಗಾರರಿಗೆ ಪ್ರಶಸ್ತಿಗಳನ್ನು ನೀಡಲಾಗುತ್ತಿದೆ. ಈ ವೇಳೆ ಆರೆಂಜ್‌ ಕ್ಯಾಪ್‌ನ್ನು ಗುಜರಾತ್ ಟೈಟಾನ್ಸ್ ತಂಡದ ಸಾಯಿ ಸುದರ್ಶನ್‌ ಪಾಲಾದರೆ, ಮಹತ್ವದ ಪರ್ಪಲ್‌ ಕ್ಯಾಪ್‌ ಪ್ರಶಸ್ತಿ ಕರ್ನಾಟಕದ ಸ್ಟಾರ್ ಬೌಲರ್‌ ಪ್ರಸಿದ್ಧ್ ಕೃಷ್ಣಾ ಪಾಲಾಗಿದೆ. ಇವರು 18ನೇ ಆವೃತ್ತಿಯ ಐಪಿಎಲ್‌ನಲ್ಲಿ ಅತಿ ಹೆಚ್ಚು ವಿಕೆಟ್‌ ಪಡೆದು ಸಾಧನೆ ಮಾಡಿದ್ದಾರೆ.

ಕರ್ನಾಟಕದ ಸ್ಟಾರ್ ಆಟಗಾರ ಈ ಆವೃತ್ತಿಯ ಐಪಿಎಲ್‌ನಲ್ಲಿ ಅಮೋಘ ಪ್ರದರ್ಶನ ನೀಡಿದರು. ಇವರ ಆರಂಭದಿಂದಲೂ ತಮ್ಮ ಮೇಲೆ ತಂಡ ಇಟ್ಟ ನಂಬಿಕೆಗೆ ಪೂರಕವಾಗಿ ಬೌಲ್ ಮಾಡಿದರು. ಆರಂಭದಲ್ಲಿ ಮಿಡ್ಲ್‌ ಓವರ್‌ಗಳಲ್ಲಿ ಬೌಲಿಂಗ್‌ ಮಾಡುತ್ತಿದ್ದ ಪ್ರಸಿದ್ಧ್ ಕೃಷ್ಣಾ, ಕೊನೆಗೆ ಪವರ್ ಪ್ಲೇನಲ್ಲೂ ಬೌಲಿಂಗ್ ಮಾಡುತ್ತಿದ್ದರು. ಅಲ್ಲದೆ ಡೆತ್‌ ಓವರ್‌ಗಳಲ್ಲಿ ರನ್‌ಗಳಿಗೆ ಕಡಿವಾಣ ಹಾಕಿ, ವಿಕೆಟ್‌ ಬೇಟೆ ನಡೆಸಿದ್ದಾರೆ. ಇವರ ಈ ಅಮೋಘ ಪ್ರದರ್ಶನಕ್ಕೆ ಪರ್ಪಲ್‌ ಕ್ಯಾಪ್‌ ಲಭಿಸಿದೆ.

ಕರ್ನಾಟಕದ ಸ್ಟಾರ್ ವೇಗದ ಬೌಲರ್‌ ಪ್ರಸಿದ್ಧ್ ಕೃಷ್ಣಾ ಆಡಿದ 15 ಪಂದ್ಯಗಳಲ್ಲಿ 25 ವಿಕೆಟ್‌ ಪಡೆದು, ಲೀಗ್‌ನಲ್ಲಿ ಅತಿ ಹೆಚ್ಚು ವಿಕೆಟ್‌ ಪಡೆದ ಬೌಲರ್‌ ಎಂಬ ಹೆಗ್ಗಳಿಕೆಗೆ ಪಾತ್ರರಾದರು. ಈ ಮೂಲಕ ಐಪಿಎಲ್‌ನಲ್ಲಿ ಅತಿ ಹೆಚ್ಚು ವಿಕೆಟ್‌ ಪಡೆದ ಬೌಲರ್‌ಗೆ ನೀಡುವ ಪರ್ಪಲ್‌ ಕ್ಯಾಪ್‌ ತಮ್ಮದಾಗಿಸಿಕೊಂಡರು.

ಐಪಿಎಲ್‌ನಲ್ಲಿ ಅತಿ ಹೆಚ್ಚು ವಿಕೆಟ್‌ ಪಡೆದ ಬೌಲರ್ಸ್‌

ಪ್ರಸಿದ್ಧ್‌ ಕೃಷ್ಣ, ಗುಜರಾತ್ ಟೈಟಾನ್ಸ್, 15 ಪಂದ್ಯ, 25 ವಿಕೆಟ್‌
ನೂರ್ ಅಹ್ಮದ್‌, ಸಿಎಸ್‌ಕೆ, 14 ಪಂದ್ಯ, 24 ವಿಕೆಟ್‌
ಜೋಶ್‌ ಹ್ಯಾಜಲ್‌ವುಡ್‌, ಆರ್‌ಸಿಬಿ, 12 ಪಂದ್ಯ, 22 ವಿಕೆಟ್‌
ಟ್ರೆಂಟ್ ಬೌಲ್ಟ್‌, ಮುಂಬೈ ಇಂಡಿಯನ್ಸ್‌, 16 ಪಂದ್ಯ, 22 ವಿಕೆಟ್‌
ಅರ್ಷದೀಪ್‌ ಸಿಂಗ್‌, ಪಂಜಾಬ್‌ ಕಿಂಗ್ಸ್‌, 17 ಪಂದ್ಯ, 21 ವಿಕೆಟ್‌