ಟಿ20: ಕರುಣ್ ಶತಕ, ಜಾರ್ಖಂಡ್ ವಿರುದ್ಧ ಕರ್ನಾಟಕಕ್ಕೆ ಜಯ

ಬೆಂಗಳೂರು, ಜನವರಿ 25: ಆರಂಭಿಕ ಆಟಗಾರರಾಗಿ ಕಣಕ್ಕಿಳಿದ ಕರುಣ್ ನಾಯರ್ ಅವರ ಸ್ಫೋಟಕ ಬ್ಯಾಟಿಂಗ್ ನೆರವಿನಿಂದ ಸೈಯದ್ ಮುಷ್ತಾಕ್ ಅಲಿ ಟ್ರೋಫಿ ಟಿ20 ಟೂರ್ನಿಯ ಸೂಪರ್ ಲೀಗ್​ನಲ್ಲಿ ಜಾರ್ಖಂಡ್ ವಿರುದ್ಧ ಕರ್ನಾಟಕ ಸುಲಭ ಜಯ ದಾಖಲಿಸಿದೆ.

ಈಡನ್ ಗಾರ್ಡನ್ಸ್ ಮೈದಾನದಲ್ಲಿ ಬುಧವಾರ ನಡೆದ ಪಂದ್ಯದಲ್ಲಿ ಕರುಣ್ ನಾಯರ್ 100ರನ್ (52ಎಸೆತ, 8 ಬೌಂಡರಿ, 7 ಸಿಕ್ಸರ್) ನೆರವಿನಿಂದ 4 ವಿಕೆಟ್​ಗೆ 201 ಸ್ಕೋರ್ ಗಳಿಸಿತು. ಬೃಹತ್ ಸ್ಕೋರ್ ಬೆನ್ನಟ್ಟಿದ ಜಾರ್ಖಂಡ್ ಕೇವಲ 78ರನ್ನಿಗೆ ಸರ್ವ ಪತನ ಕಂಡಿತು.

ಈ ಮೂಲಕ ಕರ್ನಾಟಕ ತಂಡ ಸೂಪರ್ ಲೀಗ್ ನಲ್ಲಿ ಎರಡು ಸೋಲಿನ ಬಳಿಕ ಮೊದಲ ಗೆಲುವು ದಾಖಲಿಸಿತು.

ಕರುಣ್ ನಾಯರ್ ಅವರಿಗೆ ಪವನ್ ದೇಶಪಾಂಡೆ (56) ಉತ್ತಮ ನೆರವು ನೀಡಿದರು. 3ನೇ ವಿಕೆಟ್​ 130ರನ್​ಗಳ ನೆರವಿನಿಂದ 4 ವಿಕೆಟ್​ಗೆ 201ರನ್ ಕಲೆಹಾಕಿತು. ವಿನಯ್ ಕುಮಾರ್ ಅನುಪಸ್ಥಿತಿಯಲ್ಲಿ ಕರುಣ್ ನಾಯರ್ ಅವರು ತಂಡವನ್ನು ಮುನ್ನಡೆಸಿದ್ದು ವಿಶೇಷ.

ಸಂಕ್ಷಿಪ್ತ ಸ್ಕೋರ್ :
ಕರ್ನಾಟಕ: 4/201 (ಕರುಣ್ 100, ಪವನ್ 56, ಮೊನು 16ಕ್ಕೆ 2)
ಜಾರ್ಖಂಡ್: 14.2 ಓವರ್​ಗಳಲ್ಲಿ 78 ಆಲೌಟ್ (ವಿಕಾಸ್ 25, ಇಶಾನ್ 18, ಪ್ರಸಿದ್ಧ ಕೃಷ್ಣ 8ಕ್ಕೆ 2, ಮಿಥುನ್ 23ಕ್ಕೆ 2, ಅರವಿಂದ್ 6ಕ್ಕೆ 2, ಸುಚಿತ್ 13ಕ್ಕೆ 2).