ಸಿಕ್ಸ್ ಚಚ್ಚಿ ತನ್ನ ಕಾರಿನ ಗಾಜನ್ನೇ ಪುಡಿ ಪುಡಿ ಮಾಡಿದ ಕೆವಿನ್ ಓಬ್ರಿಯನ್!

ಬ್ಯಾಟಿಂಗ್ ಅಬ್ಬರ

ಟಾಸ್ ಸೋತು ಬ್ಯಾಟಿಂಗ್‌ಗೆ ಇಳಿಸಲ್ಪಟ್ಟ ಲೀನ್‌ಸ್ಟರ್ ಲೈಟ್ನಿಂಗ್‌ನಿಂದ ಆರಂಭಿಕ ಬ್ಯಾಟ್ಸ್‌ಮನ್ ಕೆವಿನ್ ಓಬ್ರಿಯನ್ ಬ್ಯಾಟಿಂಗ್ ಅಬ್ಬರ ನಡೆಸಿದರು. ಕೇವಲ 37 ಎಸೆತಗಳನ್ನು ಎದುರಿಸಿದ ಓಬ್ರಿಯನ್ 82 ರನ್‌ಗಳ ಕೊಡುಗೆಯಿತ್ತರು. ಐರ್ಲೆಂಡ್ ಪರ ಓಬ್ರಿಯನ್ 148 ಏಕದಿನ ಪಂದ್ಯಗಳಲ್ಲಿ 3592 ರನ್, 96 ಟಿ20ಐ ಪಂದ್ಯಗಳಲ್ಲಿ 1672 ರನ್ ಗಳಿಸಿದ್ದಾರೆ.

ಫೋರ್/ಸಿಕ್ಸರ್‌ಗಳು

36ರ ಹರೆಯದ ಓಬ್ರಿಯನ್ ಬ್ಯಾಟ್‌ನಿಂದ 4 ಫೋರ್‌ಗಳು, 8 ಸಿಕ್ಸರ್‌ಗಳು ಸಿಡಿದವು. ಕೆವಿನ್ ಆಕರ್ಷಕ ಬ್ಯಾಟಿಂಗ್‌ನಿಂದ ಲೀನ್‌ಸ್ಟರ್ ಲೈಟ್ನಿಂಗ್ ತಂಡ 12 ಓವರ್‌ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 124 ರನ್ ಕಲೆ ಹಾಕಿತ್ತು. ಮಳೆಯ ಕಾರಣ ಪಂದ್ಯವನ್ನು ಡಕ್ವರ್ಥ್ ಲೂಯಿಸ್ ನಿಯಮದಂತೆ 12 ಓವರ್‌ಗೆ ಕಡಿತಗೊಳಿಸಲಾಗಿತ್ತು.

ವಾರಿಯರ್ಸ್‌ಗೆ ಸೋಲು

ಲೀನ್‌ಸ್ಟರ್ ಲೈಟ್ನಿಂಗ್ ನೀಡಿದ್ದ 129 ರನ್ ಗುರಿ (ಡಿಎಲ್‌ ನಿಯಮ) ಬೆನ್ನಟ್ಟಿದ ನಾರ್ತ್ ವೆಸ್ಟ್ ವಾರಿಯರ್ಸ್‌ನಿಂದ ವಿಲಿಯಂ ಪೋರ್ಟರ್ಫೀಲ್ಡ್ 50 ರನ್ (30 ಎಸೆತ), ಗ್ರಹಾಂ ಕೆನಡಿ 17, ಸ್ಟುವರ್ಟ್ ಥಾಂಪ್ಸನ್ 12 ರನ್ ಸೇರಿಸಿದ್ದು ಬಿಟ್ಟರೆ ಉಳಿದವರೆಲ್ಲರೂ ಬೆರಳೆಣಿಕೆಯ ರನ್‌ಗಳಿಗೆ ವಿಕೆಟ್ ಒಪ್ಪಿಸಿದರು. ವಾರಿಯರ್ಸ್ 12 ಓವರ್‌ನಲ್ಲಿ 8 ವಿಕೆಟ್ ಕಳೆದು 104 ರನ್ ಪೇರಿಸಿ 24 ರನ್‌ನಿಂದ ಸೋತಿತು.

ಸಿಮಿ ಸಿಂಗ್ 3 ವಿಕೆಟ್

ಲೀನ್‌ಸ್ಟರ್ ಲೈಟ್ನಿಂಗ್ ಇನ್ನಿಂಗ್ಸ್‌ನಲ್ಲಿ ನಾರ್ತ್ ವೆಸ್ಟ್ ವಾರಿಯರ್ಸ್ ಗ್ರಹಾಂ ಹ್ಯೂಮ್ 18 ರನ್‌ಗೆ 3 ವಿಕೆಟ್ ಪಡೆದರೆ, ನಾರ್ತ್ ವೆಸ್ಟ್ ವಾರಿಯರ್ಸ್ ಇನ್ನಿಂಗ್ಸ್‌ನಲ್ಲಿ ಸಿಮಿ ಸಿಂಗ್ 11 ರನ್‌ಗೆ 3, ಟೈರನ್ ಕೇನ್ ಮತ್ತು ಪೀಟರ್ ಚೇಸ್ ತಲಾ 2 ವಿಕೆಟ್‌ನೊಂದಿಗೆ ಗಮನ ಸೆಳೆದರು.ಅಂದ್ಹಾಗೆ ಸಿಮಿ ಸಿಂಗ್ ಮೂಲತಃ ಭಾರತದವರು. ಪಂಜಾಬ್ ಅವರ ಹುಟ್ಟೂರು.