ಹಮಾಸ್-ಇಸ್ರೇಲ್ ಯುದ್ಧಕ್ಕೆ ವಿರೋಧ: ಖವಾಜಾ ಶೂಗಳ ಮೇಲೆ ಹೆಣ್ಣುಮಕ್ಕಳ ಹೆಸರು

ಆಸ್ಟ್ರೇಲಿಯಾದ ಆರಂಭಿಕ ಆಟಗಾರ ಉಸ್ಮಾನ್ ಖವಾಜಾ ಅವರು ಡಿಸೆಂಬರ್ 14 ರಿಂದ ಪಾಕಿಸ್ತಾನ ವಿರುದ್ಧದ ಮೂರು ಟೆಸ್ಟ್ ಸರಣಿಯಲ್ಲಿ ಹಮಾಸ್-ಇಸ್ರೇಲ್ ಯುದ್ಧಕ್ಕೆ ವಿರೋಧ ವ್ಯಕ್ತಪಡಿಸುವ ಮೂಲಕ ಸುದ್ದಿಯಲ್ಲಿದ್ದಾರೆ.

ಮಂಗಳವಾರದಿಂದ ಮೆಲ್ಬೋರ್ನ್‌ನಲ್ಲಿ ನಡೆಯಲಿರುವ ಬಾಕ್ಸಿಂಗ್ ಡೇ ಟೆಸ್ಟ್‌ನಲ್ಲಿ ಉಸ್ಮಾನ್ ಅವರು ತಮ್ಮ ಶೂಗಳ ಮೇಲೆ ತಮ್ಮ ಹೆಣ್ಣುಮಕ್ಕಳ ಹೆಸರನ್ನು ಬರೆದುಕೊಂಡರು. ಅದಕ್ಕೂ ಮುನ್ನ ಡಿಸೆಂಬರ್ 14ರಿಂದ 18ರ ನಡುವೆ ಪರ್ತ್‌ನಲ್ಲಿ ನಡೆದ ಮೊದಲ ಪಂದ್ಯದಲ್ಲಿ ಬೂಟುಗಳ ಮೇಲೆ ಸಂದೇಶ ಬರೆದು ಅನುಮೋದನೆ ಪಡೆಯದ ಕಾರಣ ಕೈಗೆ ಕಪ್ಪು ಪಟ್ಟಿ ಕಟ್ಟಿಕೊಂಡು ಆಡಿದ್ದರು.

ಬಾಕ್ಸಿಂಗ್ ಡೇ ಪಂದ್ಯದ ಮೊದಲ ದಿನದಂದು, ಉಸ್ಮಾನ್ ತನ್ನ ಹೆಣ್ಣು ಮಕ್ಕಳಾದ ಆಯೇಷಾ ಮತ್ತು ಐಲಾ ಅವರ ಹೆಸರನ್ನು ಶೂಗಳ ಮೇಲೆ ಬರೆಯುವ ಮೂಲಕ ಇನ್ನಿಂಗ್ಸ್ ಆರಂಭಿಸಲು ಹೊರಬಂದರು.

ಫೆಲೆಸ್ತೀನ್-ಇಸ್ರೇಲ್ ಸಂಘರ್ಷದಲ್ಲಿ ಮಕ್ಕಳ ಹತ್ಯೆಯ ವಿಡಿಯೋಗಳನ್ನು ಸಾಮಾಜಿಕ ಜಾಲತಾಣಗಳಲ್ಲಿ ನೋಡಿದಾಗ ನಾನು ಭಾವುಕನಾಗುತ್ತೇನೆ ಎಂದು ಮೊದಲ ಟೆಸ್ಟ್‌ ನಂತರ ಉಸ್ಮಾನ್ ಹೇಳಿದ್ದರು. ನನ್ನ ಇಬ್ಬರು ಹೆಣ್ಣುಮಕ್ಕಳು ನನ್ನ ಮಡಿಲಲ್ಲಿದ್ದಾರೆ ಎಂದು ನಾನು ಅರಿತುಕೊಂಡೆ ಬಂದಿದ್ದು. ನನ್ನ ಬಳಿ ಯಾವುದೇ ಹಿಡನ್ ಅಜೆಂಡಾ ಇಲ್ಲ ಎಂದಿದ್ದರು.

ಬಾಕ್ಸಿಂಗ್ ಡೇ ಟೆಸ್ಟ್ ವೇಳೆ ಬ್ಯಾಟ್ ಮತ್ತು ಶೂಗಳ ಮೇಲೆ ಕಪ್ಪು ಪಾರಿವಾಳ ಕೊಂಬೆ ಹಿಡಿದಿರುವ ಸ್ಟಿಕ್ಕರ್ ಅನ್ನು ಹಾಕಬೇಕೆಂಬ ಉಸ್ಮಾನ್ ಖವಾಜಾ ಅವರ ಬೇಡಿಕೆಯನ್ನು ಐಸಿಸಿ ತಿರಸ್ಕರಿಸಿತ್ತು.

ಖವಾಜಾ ಅವರು ನೆಟ್ಸ್‌ನಲ್ಲಿ ತರಬೇತಿ ನೀಡುವಾಗ ಪ್ಯಾಲೆಸ್ತೀನ್ ಧ್ವಜದ ಬಣ್ಣಗಳಲ್ಲಿ "ಸ್ವಾತಂತ್ರ್ಯ ಮಾನವ ಹಕ್ಕು" ಮತ್ತು "ಎಲ್ಲಾ ಜೀವಗಳು ಸಮಾನ" ಎಂಬ ಸಂದೇಶಗಳನ್ನು ಹೊಂದಿರುವ ಶೂಗಳನ್ನು ಧರಿಸಿದ್ದರು, ಇದನ್ನು ಐಸಿಸಿ ಮತ್ತೆ ಧರಿಸುವುದನ್ನು ನಿಷೇಧಿಸಿತು.

ಐಸಿಸಿ ತಿರಸ್ಕಾರ

ಪಾಕಿಸ್ತಾನದ ವಿರುದ್ಧದ ಮೂರು ಪಂದ್ಯಗಳ ಟೆಸ್ಟ್ ಸರಣಿಯ ಆರಂಭದ ಮೊದಲು ಉಸ್ಮಾನ್ ಖವಾಜಾ, ಪಂದ್ಯಗಳಲ್ಲಿ ಪ್ರದರ್ಶಿಸಲು ತನ್ನ ಶೂಗಳ ಮೇಲೆ 'ಜೀವನ ಸಮಾನ' ಮತ್ತು 'ಎಲ್ಲರಿಗೂ ಸ್ವಾತಂತ್ರ್ಯ' ಎಂದು ಮುದ್ರಿಸಬೇಕೆಂದು ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿಗೆ (ಐಸಿಸಿ) ಮನವಿ ಮಾಡಿದ್ದರು. ಇದನ್ನು ICC ತಿರಸ್ಕರಿಸಿತು.

ಉಸ್ಮಾನ್ ಖವಾಜಾ ಅವರು ಪರ್ತ್‌ನಲ್ಲಿ ನಡೆದ ಮೊದಲ ಟೆಸ್ಟ್‌ಗೆ ಶೂ ಧರಿಸಿ ಅದರ ಮೇಲೆ ಸಂದೇಶವನ್ನು ಬರೆಯಲಿಲ್ಲ, ಆದರೆ ಅವರು ಕಪ್ಪು ಬ್ಯಾಂಡ್ ಧರಿಸಿ ಅಂಗಳ ಪ್ರವೇಶಿಸಿದರು. ಇದಕ್ಕೆ ಐಸಿಸಿ ಎಚ್ಚರಿಕೆಯನ್ನೂ ನೀಡಿತ್ತು.

ಖವಾಜಾಗೆ ಬೆಂಬಲ

ಖವಾಜಾಗೆ ತಂಡದ ನಾಯಕ ಪ್ಯಾಟ್ ಕಮಿನ್ಸ್ ಮತ್ತು ಆಸ್ಟ್ರೇಲಿಯನ್ ಕ್ರಿಕೆಟ್ ಮಂಡಳಿಯ ಬೆಂಬಲವಿದೆ. ಪ್ಯಾಟ್ ಕಮ್ಮಿನ್ಸ್ ಸೋಮವಾರ ತಮ್ಮ ಸಹ ಆಟಗಾರ ಉಸ್ಮಾನ್ ಖವಾಜಾ ಅವರನ್ನು ಬೆಂಬಲಿಸಿದರು, ಗಾಜಾದಲ್ಲಿನ ಮಾನವೀಯ ಅವಸ್ಥೆಯನ್ನು ಎತ್ತಿ ತೋರಿಸುವ ಆರಂಭಿಕ ಬ್ಯಾಟ್ಸ್‌ಮನ್‌ನ ಪ್ರಯತ್ನಗಳು ಆಕ್ರಮಣಕಾರಿ ಅಲ್ಲ ಎಂದು ಹೇಳಿದರು.

"ನಾವು ನಿಜವಾಗಿಯೂ ಖವಾಜಾ ನಿರ್ಧಾರವನ್ನು ಬೆಂಬಲಿಸುತ್ತೇವೆ. ಅವರು ನಂಬಿಕೆ ಪರ ನಿಂತಿದ್ದಾರೆ ಮತ್ತು ಅವರು ಅದನ್ನು ನಿಜವಾಗಿಯೂ ಗೌರವಯುತವಾಗಿ ಮಾಡುತ್ತಿದ್ದಾರೆಂದು ನಾನು ಭಾವಿಸುತ್ತೇನೆ" ಎಂದು ಆಸ್ಟ್ರೇಲಿಯಾದ ನಾಯಕ ಪ್ಯಾಟ್ ಕಮಿನ್ಸ್ ಟೆಸ್ಟ್‌ಗೆ ಮೊದಲು ಹೇಳಿದರು.