ಮುಂಬೈ ಇಂಡಿಯನ್ಸ್‌ಗೆ ಪೊಲಾರ್ಡ್ ಸೇರಿದ ಕುತೂಹಲಕಾರಿ ಕತೆ ಹೇಳಿದ ಬ್ರಾವೋ!

ಹೇಳಿದ್ದು ಪೊಲಾರ್ಡ್, ಸೇರಿದ್ದು ಸ್ಮಿತ್!

'ನನಗೆ ಬದಲಿ ಆಟಗಾರ ಮುಂಬೈಗೆ ಬೇಕಿತ್ತು. ನಾನವರಿಗೆ ಕೀರನ್ ಪೊಲಾರ್ಡ್ ಹೆಸರು ನೀಡಿದೆ. ಪೊಲಾರ್ಡ್ ಅವರನ್ನು ಸಂಪರ್ಕಿಸಲು ಅವರು ಪ್ರಯತ್ನಿಸುವಾಗ ಅವರು ಕ್ಲಬ್‌ ಒಂದಕ್ಕೆ ಆಡುತ್ತಿದ್ದರು. ಹೀಗಾಗಿ ನಾನು ಡ್ವೇನ್ ಸ್ಮಿತ್ ಹೆಸರು ಶಿಫಾರಸು ಮಾಡಿದೆ. ಸ್ಮಿತ್ ನನಗೆ ಬದಲಿ ಆಟಗಾರನಾಗಿ ಎಂಐ ಸೇರಿಕೊಂಡರು,' ಎಂದು ಕ್ರಿಕ್‌ಬಝ್ ಜೊತೆ ಬ್ರಾವೋ ಹೇಳಿದರು.

200,000 ಡಾಲರ್ ಒಪ್ಪಂದ

'ಅದೇ ವರ್ಷ ಚಾಂಪಿಯನ್ಸ್ ಲೀಗ್‌ ನಡೆಯುತ್ತಿದ್ದ ಸಮಯ. ನಾನು ರಾಹುಲ್ ಸಂಘ್ವಿ ಅವರಿಗೆ ಕರೆ ಮಾಡಿದೆ. ಪೊಲಾರ್ಡ್ ಇಲ್ಲಿದ್ದಾರೆ. ಟೂರ್ನಿ ಆರಂಭವಾಗುವ ಮುನ್ನ ಬನ್ನಿ ಆತನೊಂದಿಗೆ ಸಹಿ ಮಾಡಿಸಿಕೊಳ್ಳಿ ಎಂದೆ. ರಾಹುಲ್ ಮತ್ತು ರಾಬಿನ್ ಸಿಂಗ್ ಮುಂಬೈ ತೊರೆದು ಹೈದರಾಬಾದ್‌ಗೆ ಬಂದರು. ನನಗಿನ್ನೂ ನೆನಪಿದೆ, ಅವರು ಅಂದು 200,000 ಡಾಲರ್ (1,47,11,840 ರೂ.)ಗೆ ಒಪ್ಪಂದ ಮಾಡಿಸಲು ಬಂದಿದ್ದರು,' ಎಂದು ಬ್ರಾವೋ ವಿವರಿಸಿದ್ದಾರೆ.

ದಂಗಾಗಿದ್ದ ಕೀರನ್ ಪೊಲಾರ್ಡ್

ಮಾತು ಮುಂದುವರೆಸಿದ ಬ್ರಾವೋ, 'ಆಗ ಬಂದ ಪೊಲಾರ್ಡ್, ರಾಹುಲ್-ಮತ್ತು ರಾಬಿನ್ ಜೊತೆಗೆ ಮಾತನಾಡಿದರು. ಈಗ ಟ್ರಿನಿಡಾಡ್‌ನಿಂದ ಯಾರೊಬ್ಬರೊ ಬರುತ್ತಿದ್ದಾರೆ ವಾವ್. ಡ್ವೇನ್ ನೀನು ಸೀರಿಯಸ್ ಆಗಿದ್ದೀಯ ತಾನೆ? ಎಂದು ಪೊಲಾರ್ಡ್ ದಂಗಾಗಿ ನನ್ನನ್ನು ಪ್ರಶ್ನಿಸಿದ್ದರು,' ಎಂದಿದ್ದಾರೆ. 34ರ ಹರೆಯದ ಪೊಲಾರ್ಡ್ ಮುಂಬೈ ಪರ 150.87ರ ಸ್ಟ್ರೈಕ್‌ ರೇಟ್‌ನಂತೆ 3,191 ರನ್ ಗಳಿಸಿದ್ದಾರೆ, 63 ವಿಕೆಟ್‌ ಕೂಡ ಮುರಿದಿದ್ದಾರೆ.