ಅರ್ಧಶತಕ ದಾಖಲೆ ವೀರರು : ರಾಹುಲ್ ಹಿಂದಿಕ್ಕಿದ ರಾಹುಲ್

ಕ್ಯಾಂಡಿ, ಆಗಸ್ಟ್ 13: ಭಾರತದ ಆರಂಭಿಕ ಆಟಗಾರ ಕೆಎಲ್ ರಾಹುಲ್ ಹಾಗೂ ಶಿಖರ್ ಧವನ್ ಮತ್ತೊಮ್ಮೆ ಶ್ರೀಲಂಕಾ ವಿರುದ್ಧದ ಟೆಸ್ಟ್ ಪಂದ್ಯದಲ್ಲಿ ಉತ್ತಮ ಆರಂಭ ಒದಗಿಸಿದರು. ಸತತ ಏಳು ಅರ್ಧಶತಕ ಗಳಿಸಿದ ಕೆಎಲ್ ರಾಹುಲ್ ಅವರು ರಾಹುಲ್ ದ್ರಾವಿಡ್ ಅವರ ದಾಖಲೆಯನ್ನು ಮುರಿದರು.

3ನೇ ಟೆಸ್ಟ್: ಧವನ್ ಶತಕ, ಕೆಎಲ್ ರಾಹುಲ್ ದಾಖಲೆಯ ಅರ್ಧಶತಕ

ಶ್ರೀಲಂಕಾ ವಿರುದ್ಧದ ಮೂರನೇ ಟೆಸ್ಟ್ ಪಂದ್ಯದಲ್ಲಿ ಮೊದಲ ದಿನದ ಅಂತ್ಯಕ್ಕೆ ಭಾರತ 6 ವಿಕೆಟ್ ನಷ್ಟಕ್ಕೆ 329 ರನ್ ಗಳ ಮೊತ್ತ ದಾಖಲಿಸಿದೆ.

85 ರನ್ ಗಳಿಸಿದ ಕರ್ನಾಟಕದ ಕೆ.ಎಲ್. ರಾಹುಲ್ ಅವರು ಸತತ 7 ಟೆಸ್ಟ್ ಪಂದ್ಯಗಳಲ್ಲಿ 7 ಅರ್ಧಶತಕ ದಾಖಲಿಸಿ, ಈ ಸಾಧನೆ ಮಾಡಿದ ಮೊದಲ ಭಾರತೀಯ ಎನಿಸಿಕೊಂಡರು.

*ಇದೇ ಸಾಧನೆಯನ್ನು ಮಾಡಿದ್ದ ಎವರ್ಟನ್ ವೀಕರ್ಸ್ (ಇಂಗ್ಲೆಂಡ್), ಆ್ಯಂಡಿ ಫ್ಲವರ್ (ಜಿಂಬಾಬ್ವೆ), ಶಿವನಾರಾಯಣ ಚಂದ್ರಪಾಲ್ (ವೆಸ್ಟ್ ಇಂಡೀಸ್) ಹಾಗೂ ಕುಮಾರ ಸಂಗಕ್ಕಾರ (ಶ್ರೀಲಂಕಾ) ಈ ಹಿಂದೆ ಮಾಡಿದ್ದರು.

* ಕರ್ನಾಟಕದ ಹೆಮ್ಮೆಯ ಆಟಗಾರರಾದ ರಾಹುಲ್ ದ್ರಾವಿಡ್ ಹಾಗೂ ಜಿ. ಆರ್ ವಿಶ್ವನಾಥ್ ಅವರು ಸತತ 6 ಅರ್ಧಶತಕ ಗಳಿಸಿದ ಸಾಧನೆ ಮಾಡಿದ್ದರು. ಈ ಸಾಧನೆಯನ್ನು ಕೆಎಲ್ ರಾಹುಲ್ ಹಿಂದಿಕ್ಕಿದ್ದಾರೆ.
* ಸುನಿಲ್ ಗವಾಸ್ಕರ್, ದಿಲಿಪ್ ವೆಂಗ್ ಸರ್ಕಾರ್, ನವಜ್ಯೋತ್ ಸಿಂಗ್ ಸಿಧು ಹಾಗೂ ಸಂಜಯ್ ಮಂಜೇಕ್ರರ್ ಅವರು ಸತತ 5 ಅರ್ಧಶತಕ ಬಾರಿಸಿದ್ದರು.
* ಅತಿ ಹೆಚ್ಚು ಅರ್ಧಶತಕ ಗಳಿಸಿದವರ ಪಟ್ಟಿಯಲ್ಲಿ ದಕ್ಷಿಣ ಆಫ್ರಿಕಾದ ಎಬಿ ಡಿ ವಿಲಿಯರ್ಸ್ ಮುಂದಿದ್ದು, 12 ಫಿಫ್ಟಿಗಳಿಸಿದ್ದರೆ, ನಂತರದ ಸ್ಥಾನದಲ್ಲಿ ವೀರೇಂದ್ರ ಸೆಹ್ವಾಗ್, ಗೌತಮ್ ಗಂಭೀರ್ ಅವರು 11 ಫಿಫ್ಟಿಯೊಂದಿಗೆ ಇದ್ದಾರೆ. ಸಚಿನ್ ತೆಂಡೂಲ್ಕರ್ ಅವರು 10 ಅರ್ಧಶತಕಗಳನ್ನು ಗಳಿಸಿದ್ದರು.