ಬ್ಯಾಟಿಂಗ್ ನಲ್ಲಿ ಯಶಸ್ವಿ, ನಾಯಕನಾಗಿ ಡುಮ್ಕಿ: ಇವತ್ತಾದ್ರೂ ವಿನ್ ಆಗುತ್ತಾ ಕೆ.ಎಲ್. ರಾಹುಲ್ ಪಡೆ

ರಾಹುಲ್ ಮತ್ತು ಮಾಯಾಂಕ್ ಉತ್ತಮ ಆಟ

ಹಾಲೀ ಐಪಿಎಲ್ ಸರಣಿಯ ಆರಂಭಿಕ ಪಂದ್ಯದಲ್ಲಿ ಪಂಜಾಬ್ ತಂಡ, ಡೆಲ್ಲಿ ತಂಡದ ವಿರುದ್ದ ಸೂಪರ್ ಓವರ್ಸ್ ನಲ್ಲಿ ಸೋಲು ಅನುಭಸಿತ್ತು. ಕಾಟ್ರೆಲ್, ಮೊಹಮ್ಮದ್ ಶಮಿ, ರೈ ಬಿಷ್ಣೋಯಿ ಉತ್ತಮವಾಗಿ ಬೌಲಿಂಗ್ ಮಾಡಿ ಡೆಲ್ಲಿ ತಂಡವನ್ನು ನಿಯಂತ್ರಿಸಿದ್ದರು. ಇನ್ನು, ರಾಹುಲ್ ಮತ್ತು ಮಾಯಾಂಕ್ ಉತ್ತಮವಾಗಿ ಆಡಿದ್ದರೂ, ಮಧ್ಯಮ ಕ್ರಮಾಂಕದ ಆಟಗಾರರ ವೈಫಲ್ಯದಿಂದಾಗಿ ಗೆಲ್ಲುವ ಪಂದ್ಯವನ್ನು ಪಂಜಾಬ್ ಸೋತಿತ್ತು.

ಬೆಂಗಳೂರು ವಿರುದ್ದದ ಪಂದ್ಯದಲ್ಲಿ ಆರ್ಭಟಿಸಿದ್ದ ರಾಹುಲ್

ರಾಯಲ್ ಚಾಲೆಂಜರ್ಸ್ ಬೆಂಗಳೂರು ವಿರುದ್ದದ ಪಂದ್ಯದಲ್ಲಂತೂ ರಾಹುಲ್ ಅಕ್ಷರಸಃ ಆರ್ಭಟಿಸಿದ್ದರು. 132ರನ್ ಅನ್ನು ರಾಹುಲ್ ಹೊಡೆದಿದ್ದರು. ಬೆಂಗಳೂರು ರಾಹುಲ್ ಹೊಡೆದಷ್ಟು ರನ್ನನ್ನೂ ಹೊಡೆಯಲಾಗದೇ ಸೋತಿತ್ತು. ಈ ಪಂದ್ಯದಲ್ಲಿ ಪಂಜಾಬ್ ತಂಡದ ಎಲ್ಲಾ ಬೌಲರ್ ಗಳು ಲಯಬದ್ದವಾಗಿ ಬೌಲ್ ಮಾಡಿದ್ದರು.

ರಾಜಸ್ಥಾನ ವಿರುದ್ದ ಉತ್ತಮ ಫೈಟ್ ನೀಡಿ ಸೋಲು

ಇನ್ನು ತನ್ನ ಮೂರನೇ ಪಂದ್ಯದಲ್ಲೂ ಪಂಜಾಬ್ ತಂಡ, ರಾಜಸ್ಥಾನ ವಿರುದ್ದ ಉತ್ತಮ ಫೈಟ್ ನೀಡಿ ಸೋಲು ಅನುಭವಿಸಿತು. ಆ ಪಂದ್ಯದಲ್ಲೂ ರಾಹುಲ್ 69 ರನ್ ಹೊಡೆದಿದ್ದರು. ಈ ಪಂದ್ಯದಲ್ಲಿ, ಎರಡು ವಿಕೆಟ್ ಕಳೆದುಕೊಂಡು 223 ರನ್ ಹೊಡೆದರೂ, ಬೌಲರ್ ಗಳ ಪ್ರದರ್ಶನ ನಿರಾಶಾದಾಯಕವಾಗಿತ್ತು.

ಚೆನ್ನೈ ಯಾವುದೇ ವಿಕೆಟ್ ಕಳೆದುಕೊಳ್ಳದೇ ಪಂಜಾಬ್ ವಿರುದ್ದ ಗೆಲುವು

ಮುಂಬೈ ವಿರುದ್ದದ ಪಂದ್ಯದಲ್ಲಿ ಪಂಜಾಬ್ ತಂಡ ಹೀನಾಯ ಸೋಲು ಅನುಭವಿಸಿತು. ಆ ಪಂದ್ಯದಲ್ಲಿ ರಾಹುಲ್ ಬ್ಯಾಟಿಂಗ್ ಮತ್ತು ನಾಯಕತ್ವದ ವಿಚಾರದಲ್ಲೂ ಫೇಲ್ ಆಗಿದ್ದರು. ಇನ್ನು, ಐದನೇ ಪಂದ್ಯದಲ್ಲಿ, ಉತ್ತಮವಾಗಿ ಬ್ಯಾಟ್ ಮಾಡಿದರೂ, ಚೆನ್ನೈ ಯಾವುದೇ ವಿಕೆಟ್ ಕಳೆದುಕೊಳ್ಳದೇ ಪಂಜಾಬ್ ವಿರುದ್ದ ಗೆಲುವು ಸಾಧಿಸಿತ್ತು. ಇಂದು, ರಾಹುಲ್ ಪಡೆ, ಹೈದರಾಬಾದ್ ತಂಡವನ್ನು ಎದುರಿಸಲಿದೆ. ಈ ಪಂದ್ಯದಲ್ಲಾದರೂ ಪಂಜಾಬ್ ಜಯ ಸಾಧಿಸುತ್ತಾ, ಕಾದು ನೋಡಬೇಕಿದೆ.