ಆಹಾ! ಓಹೋ ! ಶ್ರೀಲಂಕಾ ಭೋಜನಕ್ಕೆ ಕೊಹ್ಲಿ ಹೊಗಳಿಕೆ

ಕೊಲಂಬೋ, ಆಗಸ್ಟ್ 05: ಟೀಂ ಇಂಡಿಯಾದ ಟೆಸ್ಟ್ ತಂಡದ ನಾಯಕ ವಿರಾಟ್ ಕೊಹ್ಲಿ ಅವರು ಕಳೆದ ರಾತ್ರಿ ಭರ್ಜರಿ ಡಿನ್ನರ್ ಉಂಡ ಖುಷಿಯಲ್ಲೇ ಶ್ರೀಲಂಕಾದ ದಿಗ್ಗಜರಾದ ಕುಮಾರ್ ಸಂಗಕ್ಕಾರ ಹಾಗೂ ಮಹೇಲ ಜಯವರ್ದನೆಗೆ ಥ್ಯಾಂಕ್ಸ್ ಹೇಳಿದ್ದಾರೆ.

ಶ್ರೀಲಂಕಾದಲ್ಲಿ ಮೂರು ಟೆಸ್ಟ್ ಪಂದ್ಯಗಳ ಸರಣಿ ಆಡಲು ಬಂದಿರುವ ಭಾರತ ತಂಡಕ್ಕೆ ಕೊಲಂಬೋದಲ್ಲಿ ಭರ್ಜರಿ ಸ್ವಾಗತ ಸಿಕ್ಕಿದೆ. ಮಿನಿಸ್ಟ್ರಿ ಆಫ್ ಕ್ರಾಬ್ ರೆಸ್ಟೋರೆಂಟ್ ನಲ್ಲಿ ಕುಮಾರ್ ಸಂಗಕ್ಕಾರ ಹಾಗೂ ಮಹೇಲ ಜಯವರ್ದನೆ ನೀಡಿದ ಆತಿಥ್ಯದಿಂದ ಹೃದಯ ತುಂಬಿ ಬಂದಿದೆ ಎಂದು ಬಲಗೈ ಬ್ಯಾಟ್ಸ್ ಮನ್ ವಿರಾಟ್ ಕೊಹ್ಲಿ ಅವರು ಟ್ವೀಟ್ ಮಾಡಿದ್ದಾರೆ. ಚಿತ್ರವೊಂದನ್ನು ಇನ್ಸ್ಟಾಗ್ರಾಮ್ ನಲ್ಲಿ ಹಂಚಿಕೊಂಡಿದ್ದಾರೆ.

2012ರಲ್ಲಿ ಸಂಗಕ್ಕಾರ ಹಾಗೂ ಜಯವರ್ದನೆ ಅವರು ಮಿನಿಸ್ಟ್ರಿ ಆಫ್ ಕ್ರಾಬ್ ಸ್ಥಾಪನೆ ಮಾಡಿದ ರೆಸ್ಟೋರೆಂಟ್ ಆಗಿದೆ. ಇದನ್ನು ಭಾರತಕ್ಕೂ ವಿಸ್ತರಿಸುವ ಯೋಜನೆ ಹೊಂದಿದ್ದಾರೆ.

ಆಗಸ್ಟ್ 12ರಿಂದ ಭಾರತ ಹಾಗೂ ಶ್ರೀಲಂಕಾ ನಡುವೆ ಮೊದಲ ಟೆಸ್ಟ್ ಪಂದ್ಯ ನಡೆಯಲಿದೆ.