ಕೆಪಿಎಲ್ : ಮಂಗಳೂರನ್ನು ಬಗ್ಗು ಬಡಿದ ಹುಬ್ಬಳ್ಳಿ ಹುಲಿಗಳು

ಮೈಸೂರು, ಸೆ.18: ಇದೇ ಮೊದಲ ಬಾರಿಗೆ ಕರ್ನಾಟಕ ಪ್ರಿಮಿಯರ್ ಲೀಗ್ (ಕೆಪಿಎಲ್) ನಲ್ಲಿ ಐಪಿಎಲ್ ಮಾದರಿಯಂತೆ ಎಲಿಮಿನೇಟರ್ ಪಂದ್ಯ ಅಳವಡಿಸಲಾಗಿದ್ದು, ಕೆಪಿಎಲ್ ಎಲಿಮಿನೇಟರ್ ನಲ್ಲಿ ಮಂಗಳೂರು ಯುನೈಟೆಡ್ ತಂಡವನ್ನು 9 ವಿಕೆಟ್ ಗಳಿಂದ ಹುಬ್ಬಳ್ಳಿ ಟೈಗರ್ಸ್ ಬಗ್ಗುಬಡಿದಿದೆ.

ಶ್ರೀಕಂಠದತ್ತ ನರಸಿಂಹರಾಜ ಒಡೆಯರ್ ಮೈದಾನದಲ್ಲಿ ಶುಕ್ರವಾರ ನಡೆದ ಪಂದ್ಯದಲ್ಲಿ ಮಂಗಳೂರು ತಂಡವನ್ನು 20 ಓವರ್ ಗಳಲ್ಲಿ 101 ಸ್ಕೋರಿಗೆ ಆಲೌಟ್ ಮಾಡಿದ ಟೈಗರ್ಸ್ ತಂಡ, 14.2 ಓವರ್ ಗಳಲ್ಲಿ 1 ವಿಕೆಟ್ ಕಳೆದುಕೊಂಡು ಗುರಿ ತಲುಪಿತು.

ಹುಬ್ಬಳ್ಳಿ ಪರ ಆರಂಭಿಕ ಆಟಗಾರ ಮಹಮ್ಮದ್ ತಾಹಾ 43 ಎಸೆತಗಳಲ್ಲಿ 58 ರನ್ ಗಳಿಸಿ ಗೆಲುವಿಗೆ ತಮ್ಮ ಕೊಡುಗೆ ನೀಡಿದರು.

ಹುಬ್ಬಳ್ಳಿ ತಂಡ ಶುಕ್ರವಾರ ರಾತ್ರಿ ನಡೆಯಲಿರುವ ಕ್ವಾಲಿಫೈಯರ್ 1 ಪಂದ್ಯದಲ್ಲಿ ಸೋಲುವ ತಂಡ (ಬೆಳಗಾವಿ ಪ್ಯಾಂಥರ್ಸ್ ಅಥವಾ ಬಿಜಾಪುರ್ ಬುಲ್ಸ್) ವಿರುದ್ಧ ನಾಳೆ ಕ್ವಾಲಿಫೈಯರ್ 2 ನಲ್ಲಿ ಎದುರಿಸಲಿದೆ. [ಕೆಪಿಎಲ್: ದಾಖಲೆ ಬರೆದ 15ರ ಹರೆಯದ ಮೈಸೂರು ಹುಡುಗ]

ಸ್ಕೋರ್ ಕಾರ್ಡ್
ಮಂಗಳೂರು ಯುನೈಟೆಡ್ : 20 ಓವರ್ ಗಳಲ್ಲಿ 101ರನ್ ಆಲೌಟ್
ಕುನಾಲ್ ಕಪೂರ್ 23 ರನ್, ಕಿಶೋರ್ ಕಾಮತ್ 13/2, ಎಸ್ ಕೌಶಿಕ್ 25/2, ದಿಕ್ಷಾಂಶು ನೇಗಿ 13/3

ಹುಬ್ಬಳ್ಳಿ ಟೈಗರ್ಸ್
ಕೆಬಿ ಪವನ್ 27, ಮೊಹಮ್ಮದ್ ತಾಹಾ (ನಾಟೌಟ್) 58ರನ್ (43ಎಸೆತ, 8X4, 1X6), ನಿತಿನ್ ಭಿಲ್ಲೆ 16

ಫಲಿತಾಂಶ: ಹುಬ್ಬಳ್ಳಿಗೆ 9ವಿಕೆಟ್ ಗಳ ಜಯ. (ಒನ್ ಇಂಡಿಯಾ ಸುದ್ದಿ)