ಸತತವಾಗಿ 23 ಮತ್ತು 22 ಏಕದಿನ ಪಂದ್ಯ ಸೋತ ಕಳಪೆ ತಂಡವಿದು; ಅಪಾಯದಲ್ಲಿ ವಿಂಡೀಸ್!

ಸತತವಾಗಿ ಅತಿ ಹೆಚ್ಚು ಏಕದಿನ ಪಂದ್ಯ ಸೋತ ತಂಡಗಳ ಪಟ್ಟಿ

• ಬಾಂಗ್ಲಾದೇಶ - ಸತತವಾಗಿ 23 ಏಕದಿನ ಪಂದ್ಯಗಳಲ್ಲಿ ಸೋಲುವುದರ ಮೂಲಕ ಈ ಕೆಟ್ಟ ದಾಖಲೆಯಲ್ಲಿ ಅಗ್ರಸ್ಥಾನದಲ್ಲಿದೆ.

• ಬಾಂಗ್ಲಾದೇಶ - ಸತತವಾಗಿ 22 ಏಕದಿನ ಪಂದ್ಯಗಳಲ್ಲಿ ಸೋಲನ್ನು ಅನುಭವಿಸಿದ್ದ ಬಾಂಗ್ಲಾದೇಶ ಈ ಕೆಟ್ಟ ದಾಖಲೆಯ ಎರಡನೇ ಸ್ಥಾನವನ್ನು ಕೂಡ ಅಲಂಕರಿಸಿದೆ.

• ಜಿಂಬಾಬ್ವೆ - 1983ರ ಜೂನ್ ತಿಂಗಳಿನಿಂದ 1992ರ ಮಾರ್ಚ್ ತಿಂಗಳವರೆಗೆ ನಡೆದಿದ್ದ 18 ಏಕದಿನ ಪಂದ್ಯಗಳಲ್ಲಿ ಸತತವಾಗಿ ಸೋತಿದ್ದ ಜಿಂಬಾಬ್ವೆ ಈ ಕೆಟ್ಟ ದಾಖಲೆಯ ಪಟ್ಟಿಯಲ್ಲಿ ಮೂರನೇ ಸ್ಥಾನದಲ್ಲಿದೆ.

• ಶ್ರೀಲಂಕಾ - ಜೂನ್ 2019ರಿಂದ ನವೆಂಬರ್ 2019ರವರೆಗೆ ಸತತವಾಗಿ 12 ಏಕದಿನ ಪಂದ್ಯಗಳನ್ನು ಸೋತಿದ್ದ ಶ್ರೀಲಂಕಾ ಈ ಕೆಟ್ಟ ದಾಖಲೆಯಲ್ಲಿ ನಾಲ್ಕನೇ ಸ್ಥಾನದಲ್ಲಿದೆ.

• ವೆಸ್ಟ್ ಇಂಡೀಸ್ - 2005ರ ಫೆಬ್ರವರಿಯಿಂದ ಆಗಸ್ಟ್ ತಿಂಗಳವರೆಗೆ ಸತತವಾಗಿ 11 ಏಕದಿನ ಪಂದ್ಯಗಳಲ್ಲಿ ಸೋತಿದ್ದ ವೆಸ್ಟ್ ಇಂಡೀಸ್ ಈ ಕೆಟ್ಟ ದಾಖಲೆಯ ಪಟ್ಟಿಯಲ್ಲಿ ಐದನೇ ಸ್ಥಾನ ಅಲಂಕರಿಸಿದೆ.

ತನ್ನದೇ ಕೆಟ್ಟ ದಾಖಲೆ ಮುರಿದು ಮತ್ತಷ್ಟು ಕಳಪೆಯಾಗುವ ಹಾದಿಯಲ್ಲಿ ವಿಂಡೀಸ್

ಸದ್ಯ ವೆಸ್ಟ್ ಇಂಡೀಸ್ ತಂಡ ಟೀಮ್ ಇಂಡಿಯಾ ವಿರುದ್ಧದ ದ್ವಿತೀಯ ಏಕದಿನ ಪಂದ್ಯದಲ್ಲಿ ಸೋಲುವುದರ ಮೂಲಕ ಸತತವಾಗಿ ಎಂಟನೇ ಏಕದಿನ ಪಂದ್ಯವನ್ನು ಸೋತಿದೆ. ಹೀಗಾಗಿ ವೆಸ್ಟ್ ಇಂಡೀಸ್ ಟೀಂ ಇಂಡಿಯಾ ವಿರುದ್ಧದ ತೃತೀಯ ಪಂದ್ಯವನ್ನು ಸಹ ಸೋತಿದ್ದೇ ಆದರೆ ಸತತವಾಗಿ 9 ಏಕದಿನ ಪಂದ್ಯಗಳನ್ನು ಸೋತಂತಾಗಲಿದೆ. ಹಾಗೂ ಆಗಸ್ಟ್ ತಿಂಗಳಿನಲ್ಲಿ ನ್ಯೂಜಿಲೆಂಡ್ ವಿರುದ್ಧ 3 ಪಂದ್ಯಗಳ ಏಕದಿನ ಸರಣಿಯಲ್ಲಿ ವೆಸ್ಟ್ ಇಂಡೀಸ್ ಕಣಕ್ಕಿಳಿಯಲಿದ್ದು ಆ ಸರಣಿಯ ಎಲ್ಲಾ ಪಂದ್ಯಗಳನ್ನು ಸೋತರೆ 2005ರಲ್ಲಿ ತಾನೇ ನಿರ್ಮಿಸಿದ್ದ ಸತತ 11 ಏಕದಿನ ಪಂದ್ಯಗಳ ಸೋಲಿನ ತನ್ನ ಕೆಟ್ಟ ದಾಖಲೆಯನ್ನು ಮುರಿದು ಮತ್ತೊಂದು ಕೆಟ್ಟ ದಾಖಲೆಗೆ ಪಾತ್ರವಾಗುವ ಅಪಾಯದಲ್ಲಿದೆ.

ಅತಿ ಹೆಚ್ಚು ಸತತ ಸೋಲು ಕಂಡಿರುವ ತಂಡ ಬಾಂಗ್ಲಾದೇಶ

ಕ್ರಿಕೆಟ್ ಇತಿಹಾಸದಲ್ಲಿ ಸತತವಾಗಿ ಅತಿ ಹೆಚ್ಚು ಏಕದಿನ ಪಂದ್ಯಗಳಲ್ಲಿ ಸೋತ ಕೆಟ್ಟ ದಾಖಲೆಯನ್ನು ಬಾಂಗ್ಲಾದೇಶ 2 ಬಾರಿ ತನ್ನ ಹೆಸರಿಗೆ ಬರೆದುಕೊಂಡಿದೆ. ಮೊದಲಿಗೆ 1986ರ ಮಾರ್ಚ್ ತಿಂಗಳಿನಿಂದ 1998ರ ಮೇ ತಿಂಗಳವರೆಗೆ 22 ಏಕದಿನ ಪಂದ್ಯಗಳಲ್ಲಿ ಸತತವಾಗಿ ಸೋತು ಕೆಟ್ಟ ದಾಖಲೆ ಬರೆದಿದ್ದ ಬಾಂಗ್ಲಾದೇಶ ಮತ್ತೆ 1999ರ ಅಕ್ಟೋಬರ್ ತಿಂಗಳಿನಿಂದ 2002ರ ಅಕ್ಟೋಬರ್ ತಿಂಗಳವರೆಗೆ ಸತತ 23 ಏಕದಿನ ಪಂದ್ಯಗಳಲ್ಲಿ ಸೋತು ಮತ್ತೊಂದು ಕೆಟ್ಟ ದಾಖಲೆ ಬರೆದಿತ್ತು.