ತಮ್ಮದೇ ತಪ್ಪಿನಿಂದ ಔಟ್‌ ಆಗಿ ವೈರಲ್ ಆಗುತ್ತಿರುವ ಲಖ್ನೋ ಸೂಪರ್ ಜೈಂಟ್ಸ್ ಪ್ಲೇಯರ್

ಎಸ್‌ಎ20 ಅನ್ನು ದಕ್ಷಿಣ ಆಫ್ರಿಕಾದಲ್ಲಿ ಐಪಿಎಲ್‌ನಂತೆ ಆಡಲಾಗುತ್ತಿದೆ. ದಕ್ಷಿಣ ಆಫ್ರಿಕಾ20 ನಲ್ಲಿ, ಪಂದ್ಯವು ಡರ್ಬನ್ ಸೂಪರ್ ಜೈಂಟ್ಸ್ ಮತ್ತು ಎಂಐ ಕೇಪ್ ಟೌನ್ ನಡುವೆ ಮಂಗಳವಾರ ನಡೆಯಿತು. ಈ ಪಂದ್ಯದಲ್ಲಿ ಆಸ್ಟ್ರೇಲಿಯಾದ ಆಲ್‌ರೌಂಡರ್‌ ಔಟ್ ಆದ ರೀತಿ ಸಾಮಾಜಿಕ ತಾಣಗಳಲ್ಲಿ ವೈರಲ್ ಆಗುತ್ತಿದೆ.

ಮಂಗಳವಾರ ನಡೆದ ಪಂದ್ಯದಲ್ಲಿ ಆಸ್ಟ್ರೇಲಿಯಾದ ಸ್ಟಾರ್ ಆಲ್ ರೌಂಡರ್ ಮಾರ್ಕಸ್ ಸ್ಟೊಯಿನಿಸ್ ಔಟಾದ ರೀತಿ ಕಂಡು ಎಲ್ಲರಲ್ಲೂ ಅಚ್ಚರಿ ಮೂಡಿಸಿದೆ. ಸ್ವಂತ ಕಾಲಿಗೆ ಕೊಡಲಿ ಏಟು ಬೀಳಿಸಿಕೊಂಡಿದ್ದಾರೆ. ಸ್ಟೊಯಿನಿಸ್ ಬಿಗ್‌ ಶಾಟ್‌ ಹೊಡೆಯಲು ಹೋಗಿ ತಮ್ಮ ವಿಕೆಟ್‌ ಒಪ್ಪಿಸಿದರು.
ಈ ಲೀಗ್‌ನಲ್ಲಿ ಆಸ್ಟ್ರೇಲಿಯಾದ ಆಟಗಾರ ಡರ್ಬನ್ ಸೂಪರ್ ಜೈಂಟ್ಸ್ ಪರ ಆಡುತ್ತಿದ್ದರು. ಆದರೆ, ಇದೀಗ ಸ್ಟೊಯಿನಿಸ್ ಅವರನ್ನು ಔಟ್ ಆಗಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ಹೆಚ್ಚು ವೈರಲ್ ಆಗುತ್ತಿದೆ.

ಸ್ಟೋಯಿನಿಸ್‌ ಔಟ್ ಆಗಿದ್ದು ಹೇಗೆ?

ಡರ್ಬನ್ ಸೂಪರ್ ಜೈಂಟ್ಸ್ ಎಂಐ ಕೇಪ್ ಟೌನ್‌ನಿಂದ ವಿರುದ್ಧ ಇನ್ನಿಂಗ್ಸ್‌ನ 15 ನೇ ಓವರ್ ಅನ್ನು ಆಡುತ್ತಿತ್ತು. ಓಲಿ ಸ್ಟೋನ್ ಬೌಲ್ ಮಾಡುತ್ತಿದ್ದರು. ಇನಿಂಗ್ಸ್‌ನ ನಾಲ್ಕನೇ ಎಸೆತದಲ್ಲಿ ಮಾರ್ಕಸ್ ಸ್ಟೊಯಿನಿಸ್ ಸ್ಟ್ರೈಕ್‌ನಲ್ಲಿದ್ದರು. ಸ್ಟೋನ್ ಸ್ಟೊಯಿನಿಸ್‌ಗೆ ವೇಗದ ಬೌನ್ಸರ್ ಎದುರಿಸುವಲ್ಲಿ ವಿಫಲರಾದರು. ಚೆಂಡನ್ನು ಪುಲ್‌ ಶಾಟ್‌ ಹೊಡೆಯಲು ಮುಂದಾದರು. ಅಲ್ಲದೆ ಶಾಟ್ ಹೊಡೆಯುವ ವೇಳೆ ಆಯ ತಪ್ಪಿ, ಬ್ಯಾಟ್‌ ಸ್ಟಂಪ್‌ಗೆ ಬಡಿಯಿತು. ಅವರು ಪುಲ್ ಶಾಟ್‌ಗೆ ಬ್ಯಾಟ್ ಬೀಸಿದಾಗ, ಶಾಟ್ ಮುಗಿದ ಕೂಡಲೇ ಸ್ಟೊಯಿನಿಸ್ ಅವರ ಸ್ವಂತ ಬ್ಯಾಟ್ ಅವರ ಸ್ಟಂಪ್‌ಗೆ ತಗುಲಿತು. ಮಾರ್ಕಸ್‌ ಸ್ಟೋಯಿನಿಸ್‌ 11 ರನ್‌ ಗಳಿಸಿ ಔಟ್ ಆದರು.

ಎಂಐ ಕೇಪ್ ಟೌನ್ ನಾಯಕ ಕೀರಾನ್ ಪೊಲಾರ್ಡ್ ಟಾಸ್ ಗೆದ್ದು ಮೊದಲು ಬೌಲಿಂಗ್ ಮಾಡಲು ನಿರ್ಧರಿಸಿದರು. ಇಂತಹ ಪರಿಸ್ಥಿತಿಯಲ್ಲಿ ಮೊದಲು ಬ್ಯಾಟ್ ಮಾಡಿದ ಡರ್ಬನ್ ಸೂಪರ್ ಜೈಂಟ್ಸ್ 20 ಓವರ್ ಗಳಲ್ಲಿ 6 ವಿಕೆಟ್ ನಷ್ಟಕ್ಕೆ 157 ರನ್ ಗಳಿಸಿತು. ಇದಕ್ಕೆ ಉತ್ತರವಾಗಿ ಕೇಪ್ ಟೌನ್ ಬ್ಯಾಟಿಂಗ್ ಸಂಪೂರ್ಣ ಕುಸಿದು ನಿಗದಿತ 20 ಓವರ್ ಗಳಲ್ಲಿ 9 ವಿಕೆಟ್ ಗೆ 121 ರನ್ ಗಳಿಸಲಷ್ಟೇ ಶಕ್ತವಾಯಿತು. ಈ ಪರಿಸ್ಥಿತಿಯಲ್ಲಿ ಡರ್ಬನ್ 36 ರನ್‌ಗಳಿಂದ ಪಂದ್ಯವನ್ನು ಗೆದ್ದುಕೊಂಡಿತು.

ಡರ್ಬನ್‌ಗೆ ಜಯ

ಬೌಲಿಂಗ್‌ ಮಾರ್ಕಸ್‌ ಸ್ಟೋಯಿನಿಸ್‌ ಉತ್ತಮ ಬೌಲಿಂಗ್ ಪ್ರದರ್ಶನ ನೀಡಿದರು. ಸ್ಟೋಯಿನಿಸ್ ನಾಲ್ಕು ಓವರ್ ಬೌಲಿಂಗ್ ಮಾಡಿ 18 ರನ್ ನೀಡಿ ಮೂರು ವಿಕೆಟ್ ಪಡೆದರು. ಉಳಿದಂತೆ ನೂರ್‌ ಅಹ್ಮದ್‌ ಸಹ ಮೂರು ವಿಕೆಟ್‌ ಪಡೆದರು. ಮ್ಯಾಥ್ಯೂ ಬ್ರೀಟ್ಜ್‌ಕೆ ಡರ್ಬನ್‌ ತಂಡದ ಪರ ಅತಿ ಹೆಚ್ಚು ರನ್ ಬಾರಿಸಿದರು. ಇವರು 46 ಎಸೆತಗಳಲ್ಲಿ 3 ಬೌಂಡರಿ, 2 ಸಿಕ್ಸರ್ ನೆರವಿನಿಂದ 48 ರನ್ ಬಾರಿಸಿ ತಂಡಕ್ಕೆ ಆಧಾರವಾದರು. ಎಂಐ ತಂಡದ ಸ್ಟಾರ್ ಜಾರ್ಜ್ ಲಿಂಡೆ 15 ರನ್ ನೀಡಿ ಎರಡು ವಿಕೆಟ್ ಕಬಳಿಸಿ ಪಂದ್ಯ ಶ್ರೇಷ್ಠ ಪ್ರಶಸ್ತಿ ಪಡೆದರು.