ಚಾಂಪಿಯನ್‌ ಭಾರತ ತಂಡಕ್ಕೆ ಮಹಾರಾಷ್ಟ್ರ ರಾಜ್ಯ ಸರ್ಕಾರ ಭಾರೀ ಬಹುಮಾನ ಘೋಷಣೆ

ಜುಲೈ 6 ಶನಿವಾರ, ಮಹಾರಾಷ್ಟ್ರ ರಾಜ್ಯ ಸರ್ಕಾರದ ವತಿಯಿಂದ ಭಾರತ ಟಿ20 ವಿಶ್ವಕಪ್ ವಿಜೇತ ಕ್ರಿಕೆಟ್ ತಂಡದ ಮುಂಬೈ ಮೂಲದ ನಾಯಕ ರೋಹಿತ್ ಶರ್ಮಾ, ಸೂರ್ಯಕುಮಾರ್ ಯಾದವ್, ಶಿವಂ ದುಬೆ ಮತ್ತು ಯಶಸ್ವಿ ಜೈಸ್ವಾಲ್ ಅವರನ್ನು ವಿಧಾನಸಭೆಯ ಸೆಂಟ್ರಲ್ ಹಾಲ್‌ನಲ್ಲಿ ಸನ್ಮಾನಿಸಿತು.

ಈ ಸಂದರ್ಭದಲ್ಲಿ ಆಟಗಾರರು ಮರಾಠಿಯಲ್ಲಿ ಮಾತನಾಡುವ ಮೂಲಕ ಎಲ್ಲರ ಮನಗೆದ್ದರು. ಸನ್ಮಾನ ಕಾರ್ಯಕ್ರಮದಲ್ಲಿ ಮುಖ್ಯಮಂತ್ರಿ ಏಕನಾಥ್ ಶಿಂಧೆ, ವಿಧಾನಸಭಾಧ್ಯಕ್ಷ ವಕೀಲ ರಾಹುಲ್ ನಾರ್ವೇಕರ್, ಉಪಸಭಾಪತಿ ನೀಲಂ ಗೋರ್, ಉಪಮುಖ್ಯಮಂತ್ರಿ ದೇವೇಂದ್ರ ಫಡ್ನವಿಸ್, ಅಜಿತ್ ಪವಾರ್, ಕ್ರೀಡಾ ಸಚಿವ ಸಂಜಯ್ ಬನ್ಸೋಡೆ ಹಾಗೂ ಇತರೆ ಸಚಿವರು ಉಪಸ್ಥಿತರಿದರು.

ಟೀಮ್‌ ಇಂಡಿಯಾ ಆಟಗಾರರು ಸಭಾಂಗಣ ಪ್ರವೇಶಿಸುತ್ತಿದ್ದಂತೆಯೇ ಎಲ್ಲರೂ ರೋಹಿತ್...ರೋಹಿತ್ ಮತ್ತು ಸೂರ್ಯ...ಸೂರ್ಯ ಎಂಬ ಘೋಷಣೆಗಳನ್ನು ಕೂಗಿದರು. ವಿಧಾನಸೌಧದ ಸೆಂಟ್ರಲ್ ಹಾಲ್‌ನಲ್ಲಿ ಮೊದಲ ಬಾರಿಗೆ ಇಂತಹ ಘೋಷಣೆಗಳು ಮೊಳಗಿದವು.

ಈ ವೇಳೆ ಟಿ20 ವಿಶ್ವಕಪ್ ಗೆದ್ದ ಭಾರತ ಕ್ರಿಕೆಟ್ ತಂಡಕ್ಕೆ ಮಹಾರಾಷ್ಟ್ರ ರಾಜ್ಯ ಸರ್ಕಾರ ಬಹುಮಾನ ಘೋಷಿಸಿದೆ. ಮುಂಬೈನ ಆಟಗಾರರನ್ನು ಗೌರವಿಸುವ ಸಂದರ್ಭದಲ್ಲಿ ಮುಖ್ಯಮಂತ್ರಿ ಏಕನಾಥ್ ಶಿಂಧೆ ಬಹುಮಾನ ಘೋಷಿಸಿದರು.

ಟೀಮ್‌ ಇಂಡಿಯಾಕ್ಕೆ ಭಾರೀ ಬಹುಮಾನ ಘೋಷಣೆ

ಮುಂಬೈನ ನಾಲ್ವರು ಆಟಗಾರರನ್ನು ಹೊಗಳಿದ ಮುಖ್ಯಮಂತ್ರಿ ಏಕನಾಥ್ ಶಿಂಧೆ, ಭಾರತ ಕ್ರಿಕೆಟ್ ತಂಡ ಅಭೂತಪೂರ್ವ ಪ್ರದರ್ಶನ ನೀಡುವ ಮೂಲಕ ಟಿ20 ವಿಶ್ವಕಪ್ ಗೆದ್ದಿದೆ. ಮುಂದೆಯೂ ಇದೇ ಪ್ರದರ್ಶನವನ್ನು ಮುಂದುವರಿಸುವ ವಿಶ್ವಾಸವನ್ನು ವ್ಯಕ್ತಪಡಿಸಿದ ಅವರು, ಭಾರತ ತಂಡಕ್ಕೆ ರಾಜ್ಯ ಸರ್ಕಾರ 11 ಕೋಟಿ ರೂಪಾಯಿ ಬಹುಮಾನವನ್ನು ಘೋಷಿಸುತ್ತಿದೆ ಎಂದು ತಿಳಿಸಿದರು.

ಮುಂಬೈ ಪೊಲೀಸರಿಗೆ ಅಭಿನಂದನೆ

ಕಾರ್ಯಕ್ರಮದಲ್ಲಿ ಟೀಮ್‌ ಇಂಡಿಯಾ ಸ್ಪೋಟಕ ಬ್ಯಾಟರ್‌ ಸೂರ್ಯಕುಮಾರ್ ಯಾದವ್ ಮರಾಠಿಯಲ್ಲಿ ಮಾತನಾಡಿದರು. ಈ ವೇಳೆ ಸೂರ್ಯ ಹಿಡಿದ ಕ್ಯಾಚ್‌ಗೆ ಎಲ್ಲರೂ ಮೆಚ್ಚುಗೆ ವ್ಯಕ್ತಪಡಿಸಿದರು. ಇದಕ್ಕೆ ಪ್ರತಿಕ್ರಿಯಿಸಿದ ಸೂರ್ಯ, ಕ್ಯಾಚ್ ನನ್ನ ಕೈಯಲ್ಲಿ ಸುಲಭವಾಗಿತ್ತು.

ಆದರೆ ನಿನ್ನೆ (ಗುರುವಾರ) ಮುಂಬೈ ತಲುಪಿದ ನಂತರ ಇಲ್ಲಿನವರು ನಮ್ಮನ್ನು ಸ್ವಾಗತಿಸಿದ ರೀತಿ ಮತ್ತು ನಾವು ಎದುರಿಸಿದ ರೀತಿಯ ಜನಸಂದಣಿಯು ಮುಂಬೈ ಪೊಲೀಸರ ಸರಿಯಾದ ನಿರ್ವಹಣೆಗಾಗಿ ಪ್ರಶಂಸನೀಯವಾಗಿದೆ ಎಂದು ಆರಕ್ಷಕದವರಿಗೆ ಅಭಿನಂದನೆ ತಿಳಿಸಿದರು.

ಮರಾಠಿಯಲ್ಲಿ ಮಾತನಾಡಿದ ರೋಹಿತ್‌

ನಂತರ ರೋಹಿತ್ ಶರ್ಮಾ ಕೂಡ ಮರಾಠಿಯಲ್ಲಿ ಮಾತನಾಡುವ ಮೂಲಕ ಪ್ರೇಕ್ಷಕರ ಮನ ಗೆದ್ದರು. ಮುಂಬೈನವರು ಮತ್ತು ರಾಜ್ಯ ಸರ್ಕಾರದಿಂದ ಸಿಕ್ಕಿರುವ ಗೌರವ ಮತ್ತು ಪ್ರೀತಿಗೆ ಕೃತಜ್ಞತೆ ಹಿಟ್‌ಮ್ಯಾನ್‌ ಸಲ್ಲಿಸಿದರು.

'ಏನೇ ಆಗಲಿ ಈ ಬಾರಿ ವಿಶ್ವಕಪ್ ಗೆಲ್ಲಲೇಬೇಕು ಎಂಬ ಸಂಕಲ್ಪ ಮಾಡಿದ್ದೇವೆ. ಈ ಬಾರಿ ನನಗೆ ಸಿಕ್ಕಿರುವ ತಂಡ ಉತ್ತಮ ತಂಡವಾಗಿದ್ದು, ಅದರ ಪರಿಣಾಮ ವಿಶ್ವಕಪ್ ಗೆದ್ದಿದೆ ಎಂದು ರೋಹಿತ್‌ ಹೇಳಿದರು.