2011ರಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧ ಶತಕದ ನಂತರ ಕೈಬಿಟ್ಟಿದ್ದಕ್ಕೆ ಎಂಎಸ್ ಧೋನಿ ಪ್ರಶ್ನಿಸಿದ ಮನೋಜ್ ತಿವಾರಿ

ಭಾರತ ಮತ್ತು ಬಂಗಾಳದ ಹಿರಿಯ ಕ್ರಿಕೆಟಿಗ ಮನೋಜ್ ತಿವಾರಿ ಅವರು ಭಾನುವಾರ, ಫೆಬ್ರವರಿ 18ರಂದು ಬಿಹಾರ ವಿರುದ್ಧದ 2024ರ ರಣಜಿ ಟ್ರೋಫಿ ಪಂದ್ಯಾವಳಿಯಲ್ಲಿ ತಮ್ಮ ಬಂಗಾಳ ತಂಡದ ಕೊನೆಯ ಪಂದ್ಯದ ನಂತರ ವೃತ್ತಿಪರ ಕ್ರಿಕೆಟ್‌ಗೆ ವಿದಾಯ ಹೇಳಿದರು.

ಎಲ್ಲಾ ಮಾದರಿಯ ಕ್ರಿಕೆಟ್ ವೃತ್ತಿಜೀವನಕ್ಕೆ ತೆರೆ ಎಳೆದ ನಂತರ, 2011ರಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧ ಶತಕ ಗಳಿಸಿದ ನಂತರವೂ ತಮ್ಮನ್ನು ಕೈಬಿಟ್ಟಿದ್ದಕ್ಕಾಗಿ ಭಾರತ ತಂಡದ ಮಾಜಿ ನಾಯಕ ಎಂಎಸ್ ಧೋನಿ ಅವರನ್ನು ಮನೋಜ್ ತಿವಾರಿ ಪ್ರಶ್ನಿಸಿದರು.

ಗಮನಾರ್ಹವೆಂದರೆ, 2011ರ ಡಿಸೆಂಬರ್ 11ರಂದು ಚೆನ್ನೈನಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧದ 5ನೇ ಏಕದಿನ ಪಂದ್ಯದ ಸಮಯದಲ್ಲಿ ಮನೋಜ್ ತಿವಾರಿ ಅಂತಾರಾಷ್ಟ್ರೀಯ ಕ್ರಿಕೆಟ್‌ನಲ್ಲಿ ತಮ್ಮ ಏಕೈಕ ಶತಕವನ್ನು ಗಳಿಸಿದರು. ಆದರೆ 2012ರಲ್ಲಿ ಆಸ್ಟ್ರೇಲಿಯಾದಲ್ಲಿ ನಡೆದ ಕಾಮನ್‌ವೆಲ್ತ್ ಬ್ಯಾಂಕ್ ಸರಣಿಯಲ್ಲಿ ಆಡುವ 11ರ ಬಳಗದಲ್ಲಿ ಸ್ಥಾನ ಪಡೆಯುವಲ್ಲಿ ವಿಫಲರಾದರು.

ಹೀಗಾಗಿ, ಅಂದಿನ ನಾಯಕರಾಗಿದ್ದ ಎಂಎಸ್ ಧೋನಿ ಅವರನ್ನು ಬಲಗೈ ಬ್ಯಾಟರ್ ಮನೋಜ್ ತಿವಾರಿ ಪ್ರಶ್ನಿಸಿದರು ಮತ್ತು ತನಗೆ ಸಾಕಷ್ಟು ಅವಕಾಶಗಳನ್ನು ನೀಡಿದ್ದರೆ, ತಾನೂ ಆಧುನಿಕ ಶ್ರೇಷ್ಠರಾದ ರೋಹಿತ್ ಶರ್ಮಾ ಮತ್ತು ವಿರಾಟ್ ಕೊಹ್ಲಿಯಂತೆಯೇ ಅದೇ ಮಟ್ಟದಲ್ಲಿರುತ್ತಿದ್ದೆ ಎಂದು ಹೇಳಿದರು.

"2011ರಲ್ಲಿ ಶತಕ ಬಾರಿಸಿದ ನಂತರ ನನ್ನನ್ನು ಆಡುವ ಆಡುವ 11ರ ಬಳಗದಿಂದ ಏಕೆ ಕೈಬಿಡಲಾಯಿತು ಎಂದು ನಾನು ಎಂಎಸ್ ಧೋನಿ ಅವರನ್ನು ಕೇಳಲು ಬಯಸುತ್ತೇನೆ? ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ ಅವರಂತೆ ಹೀರೋ ಆಗುವ ಸಾಮರ್ಥ್ಯ ನನಗಿತ್ತು ಆದರೆ ಆದಾಗಲಿಲ್ಲ".

"ಇಂದು, ಅನೇಕ ಯುವ ಆಟಗಾರರ ಹೆಚ್ಚಿನ ಅವಕಾಶಗಳನ್ನು ಪಡೆಯುವುದನ್ನು ಟಿವಿಯಲ್ಲಿ ನೋಡಿದಾಗ, ನನಗೆ ದುಃಖವಾಗುತ್ತದೆ," ಎಂದು ಮನೋಜ್ ತಿವಾರಿ ತಿಳಿಸಿದರು.

ಮನೋಜ್ ತಿವಾರಿ ತಮ್ಮ ವೃತ್ತಿಜೀವನದಲ್ಲಿ 12 ಏಕದಿನ ಮತ್ತು ಮೂರು ಟಿ20 ಅಂತಾರಾಷ್ಟ್ರೀಯ ಪಂದ್ಯಗಳನ್ನು ಆಡಿದ್ದಾರೆ. ಗಮನಾರ್ಹವಾಗಿ, ಅವರು ಭಾರತ, ಶ್ರೀಲಂಕಾ ಮತ್ತು ಆಸ್ಟ್ರೇಲಿಯಾ ನಡುವಿನ ಕಾಮನ್‌ವೆಲ್ತ್ ಬ್ಯಾಂಕ್ ತ್ರಿಕೋನ ಸರಣಿ 2008ರ ಪಂದ್ಯ 1ರ ಸಮಯದಲ್ಲಿ ಆಸ್ಟ್ರೇಲಿಯಾ ವಿರುದ್ಧ ತಮ್ಮ ಅಂತಾರಾಷ್ಟ್ರೀಯ ಚೊಚ್ಚಲ ಪ್ರವೇಶ ಮಾಡಿದರು.

ಬಂಗಾಳ ಮೂಲದ ಕ್ರಿಕೆಟಿಗ ಮನೋಜ್ ತಿವಾರಿ ತನ್ನ ವೃತ್ತಿಜೀವನದಲ್ಲಿ 12 ಏಕದಿನ ಪಂದ್ಯಗಳನ್ನು ಆಡಿದ್ದು, 26.09ರ ಸರಾಸರಿಯಲ್ಲಿ 287 ರನ್ ಗಳಿಸಿದ್ದಾರೆ. ಇದರಲ್ಲಿ ಒಂದು ಶತಕ ಮತ್ತು ಒಂದು ಅರ್ಧಶತಕ ಒಳಗೊಂಡಿದೆ. ಮನೋಜ್ ತಿವಾರಿ ಅವರು ಮೂರು ಟಿ20 ಪಂದ್ಯಗಳನ್ನು ಆಡಿದ್ದಾರೆ ಮತ್ತು ಏಕೈಕ ಔಟ್‌ನಲ್ಲಿ ಕೇವಲ 15 ರನ್ ಗಳಿಸಿದರು.

ಮನೋಜ್ ತಿವಾರಿ ತಮ್ಮ ಬ್ಯಾಟಿಂಗ್ ವೀರತ್ವದ ಜೊತೆಗೆ, ಜುಲೈ 31, 2012ರಂದು ಕೊಲಂಬೊದಲ್ಲಿ ಶ್ರೀಲಂಕಾ ವಿರುದ್ಧ 61 ರನ್‌ಗಳಿಗೆ 4 ವಿಕೆಟ್ ಗಳಿಕೆ ಅತ್ಯುತ್ತಮ ಬೌಲಿಂಗ್ ಅಂಕಿಅಂಶಗಳೊಂದಿಗೆ ಏಕದಿನ ಪಂದ್ಯಗಳಲ್ಲಿ ಐದು ವಿಕೆಟ್‌ಗಳನ್ನು ಪಡೆದ ಅರೆಕಾಲಿಕ ಬೌಲರ್ ಆಗಿದ್ದರು.

ಜುಲೈ 14, 2015ರಂದು ಹರಾರೆಯಲ್ಲಿ ನಡೆದ ಜಿಂಬಾಬ್ವೆ ವಿರುದ್ಧದ ಮೂರನೇ ಏಕದಿನ ಪಂದ್ಯದ ಸಂದರ್ಭದಲ್ಲಿ ಮನೋಜ್ ತಿವಾರಿ ಕೊನೆಯದಾಗಿ ಭಾರತ ತಂಡವನ್ನು ಪ್ರತಿನಿಧಿಸಿದರು.

ಪ್ರಥಮ ದರ್ಜೆ ಕ್ರಿಕೆಟ್‌ನಲ್ಲಿ ಮನೋಜ್ ತಿವಾರಿ ಅವರು 148 ಪಂದ್ಯಗಳಿಂದ 47.86ರ ಸರಾಸರಿಯಲ್ಲಿ 30 ಶತಕಗಳು ಮತ್ತು 45 ಅರ್ಧಶತಕಗಳೊಂದಿಗೆ 10,195 ರನ್ ಗಳಿಸಿದರು.