ತಂಡಕ್ಕೆ ಆಯ್ಕೆಯಾಗಲು ಮಯಾಂಕ್ ಇನ್ನೇನು ಮಾಡ್ಬೇಕು? : ಫ್ಯಾನ್ಸ್

ಬೆಂಗಳೂರು, ಆಗಸ್ಟ್ 23: ಕರ್ನಾಟಕದ ಪರ ಆಡುವ ಆರಂಭಿಕ ಆಟಗಾರ ಮಯಾಂಕ್ ಅಗರವಾಲ್ ಅವರು ರಾಷ್ಟ್ರೀಯ ತಂಡಕ್ಕೆ ಆಯ್ಕೆಯಾಗಲು ಇನ್ನೇನು ಮಾಡಬೇಕು, ಕಳೆದ ವರ್ಷದಲ್ಲಿ ಮಯಾಂಕ್ ಗಳಿಸಿದ್ದಷ್ಟು ರನ್ ಗಳನ್ನು ಬೇರೊಬ್ಬ ಆಟಗಾರ ಗಳಿಸಿಲ್ಲ. ಆದರೂ ಆತನಿಗೆ ತಂಡದಲ್ಲಿ ಸ್ಥಾನ ಸಿಕ್ಕಿಲ್ಲ. ಇದು ಅನ್ಯಾಯವಲ್ಲವೇ? ಎಂದು ಟೀಂ ಇಂಡಿಯಾದ ಆಯ್ಕೆದಾರರ ಸಮಿತಿಯನ್ನು ಅಭಿಮಾನಿಗಳು ತರಾಟೆಗೆ ತೆಗೆದುಕೊಂಡಿದ್ದಾರೆ.

ಇಂಗ್ಲೆಂಡ್ ವಿರುದ್ಧದ ಇಕ್ಕ ಎರಡು ಟೆಸ್ಟ್ ಪಂದ್ಯಗಳಿಗೆ ಬಿಸಿಸಿಐ ತಂಡವನ್ನು ಪ್ರಕಟಿಸಿದ್ದು, ಮುರಳಿ ವಿಜಯ್ ಹಾಗೂ ಕುಲದೀಪ್ ಯಾದವ್ ಬದಲಿಗೆ ಪೃಥ್ವಿ ಶಾ ಹಾಗೂ ಹನುಮ ವಿಹಾರಿ ಅವರಿಗೆ ಅವಕಾಶ ನೀಡಲಾಗಿದೆ. ಸುದ್ದಿ ತಿಳಿದು ಬೇಸರಗೊಂಡರೂ ದಕ್ಷಿಣ ಆಫ್ರಿಕಾ ಎ ವಿರುದ್ಧ ಆಡಲು ಮಯಾಂಕ್ ಅಗರವಾಲ್ ಸಜ್ಜಾಗಿ ಕಣಕ್ಕಿಳಿದಿದ್ದಾರೆ.

ಆದರೆ, ಕರ್ನಾಟಕ ಮೂಲದ ಆಟಗಾರರನ್ನು ಕಡೆಗಣಿಸಲಾಗುತ್ತಿದೆ ಎಂಬ ಕೂಗೆದಿದ್ದಿದೆ. ಕಳೆದ ತಿಂಗಳು ಆಗಸ್ಟ್ 04ರಂದು ದಕ್ಷಿಣ ಆಫ್ರಿಕಾ ಎ ವಿರುದ್ಧ ನಡೆದ ಪಂದ್ಯದಲ್ಲಿ ಭಾರತ ಎ ಪರ ಆಡಿದ್ದ ಮಯಾಂಕ್ 251 ಎಸೆತಗಳಲ್ಲಿ 220ರನ್ ಚೆಚ್ಚಿದ್ದರು.