ಕ್ರಿಕೆಟ್ : ರನೌಟ್ ನಲ್ಲಿ ಹೊಸ ನಿಯಮಗಳು ಜಾರಿ

ಬ್ಯಾಟ್ ಗಳ ಗಾತ್ರದಲ್ಲಿ ಬದಲಾವಣೆ

ಪ್ರಸ್ತುತ ಹಲವಾರು ಬ್ಯಾಟ್ಸ್ ಮನ್ ಗಳು ತಮ್ಮ ಬ್ಯಾಟ್ ಗಳ ಬ್ಲೇಡ್ ನ ದಪ್ಪುವನ್ನು 50 ಮಿ.ಮೀ.ನಷ್ಟು ಕಾಯ್ದುಕೊಳ್ಳುತ್ತಿದ್ದಾರೆ. ಈ ನಿಯಮವನ್ನು ಬದಲಾಯಿಸಲು, ಬ್ಯಾಟ್ಸ್ ಮನ್ ಗಳು ಬ್ಯಾಟುಗಳ ಅಂಚನ್ನು 40 ಮಿಲಿ ಮೀಟರ್‌, ಬ್ಲೇಡ್‌ ನ ದಪ್ಪ 67 ಮಿಲಿ ಮೀಟರ್‌ ಮೀರಬಾರದು ಎಂದು ಶಿಫಾರಸು ಮಾಡಲಾಗಿದೆ.

ಅಂಪೈರ್ ಗಳಿಗೆ ಹೆಚ್ಚಿನ ಅಧಿಕಾರ

ಪಂದ್ಯ ನಡೆಯುವಾಗ ಮೈದಾನದಲ್ಲಿ ಶಿಸ್ತಿಗೆ ಹೆಚ್ಚಿನ ಆದ್ಯತೆ ನೀಡಲಾಗಿದ್ದು, ಅನುಚಿತವಾಗಿ ವರ್ತಿಸುವ ಆಟಗಾರರನ್ನು ಮೈದಾನದಿಂದ ಹೊರಹಾಕುವ ಅಧಿಕಾರವನ್ನು ಅಂಪೈರ್ ಗಳಿಗೆ ನೀಡುವಂಥ ಶಿಫಾರಸು ಮಾಡಲಾಗಿದೆ.[ಬಿಸಿಸಿಐಗೆ ಎರಡೇ ಲೈನ್ ರೆಸ್ಯೂಮೆ ಕಳಿಸಿದ ಸೆಹ್ವಾಗ್!]

ವಿಕೆಟ್ ಕೀಪರ್ ಗೆ ಮತ್ತಷ್ಟು ಸವಾಲು

ಬ್ಯಾಟ್ಸ್ ಮನ್ ಗಳನ್ನು ಚುರುಕಾಗಿ ಸ್ಟಂಪ್ ಔಟ್ ಮಾಡಬಲ್ಲ ವಿಕೆಟ್ ಕೀಪರ್ ಗಳಿಗೆ ಹೊಸ ನಿಯಮಗಳನ್ನು ತರಬೇಕೆಂದು ಎಂಸಿಸಿ ಹೇಳಿದೆ. ಆದರೆ, ಈ ಬಗ್ಗೆ ಯಾವುದೇ ಶಿಫಾರಸು ಮಾಡಿಲ್ಲ. ಇದನ್ನು ಐಸಿಸಿ ಹಾಗೂ ಎಂಸಿಸಿ ಪ್ರತಿನಿಧಿಗಳ ಸಭೆಯಲ್ಲಿ ಚರ್ಚಿಸಿ ತೀರ್ಮಾನಿಸಲು ನಿರ್ಧರಿಸಲಾಗಿದೆ.

ಬ್ಯಾಟ್ಸ್ ಮನ್ ಗಳಿಗೆ ಹೆಚ್ಚು ಅನುಕೂಲಕರ

ರನ್ ಕದಿಯುವಾಗ ಬ್ಯಾಟ್ಸ್ ಮನ್ ಕ್ರೀಸ್ ನ ಗೆರೆಗೆ ಬ್ಯಾಟ್ ತಾಗಿಸದಿದ್ದರೂ, ಆತನ ಬ್ಯಾಟು ಕ್ರೀಸ್ ನ ಕ್ಷೇತ್ರದ ಒಳಗೆ ಬಂದರೆ ಸಾಕು ಆತ ರನೌಟ್ ನಿಂದ ಬಚಾವ್ ಆದಂತೆ ಎಂದಿದೆ ಹೊಸ ಶಿಫಾರಸು. ಅಂದರೆ, ಬ್ಯಾಟ್ಸ್ ಮನ್ ನ ಬ್ಯಾಟ್ ಕ್ರೀಸ್ ನ ಮೇಲ್ಭಾಗದಲ್ಲಿ ಗಾಳಿಯಲ್ಲಿದ್ದರೂ ವಿಕೆಟ್ ಕೀಪರ್ ಬೇಲ್ಸ್ ಎಗರಿಸಿದರೆ, ಅದು ರನೌಟ್ ಎಂದು ಪರಿಗಣಿಸಕೂಡದೆಂದು ಹೇಳುತ್ತದೆ ಈ ಶಿಫಾರಸು.

ಏನಿದರ ಮಹತ್ವ?

ಮೆರಿಲಿಬೊನ್ ಕ್ರಿಕೆಟ್ ಕ್ಲಬ್ ವಿಶ್ವದ ಅತ್ಯಂತ ಹಳೆಯ ಕ್ರಿಕೆಟ್ ಸಂಸ್ಥೆಗಳಲ್ಲೊಂದಾಗಿದ್ದು, ಕಾಲಕ್ಕೆ ತಕ್ಕಂತೆ ಕ್ರಿಕೆಟ್ ನಿಯಮಗಳನ್ನು ಐಸಿಸಿಗೆ ಶಿಫಾರಸು ಮಾಡುವ ಅಧಿಕಾರವನ್ನು ಹೊಂದಿದೆ. ಈ ಕ್ಲಬ್ 1787ರಲ್ಲಿ ಸ್ಥಾಪಿಸಲ್ಪಟ್ಟಿತ್ತು. ಇಂಗ್ಲೆಂಡ್ ಹಾಗೂ ವೇಲ್ಸ್ ಕ್ರಿಕೆಟ್ ಆಡಳಿತ ಮಂಡಳಿಯಾಗಿಯೂ ಈ ಹಿಂದೆ ಎಂಸಿಸಿ ಕಾರ್ಯ ನಿರ್ವಹಿಸಿತ್ತು. ಕ್ರಿಕೆಟ್ ಗೆ ಸಂಬಂಧಿಸಿದ ಏನೇ ನಿಯಮಾವಳಿಗಳಿದ್ದರೂ ಅವುಗಳನ್ನು ಎಂಸಿಸಿಯೇ ರೂಪಿಸಿ, ಅವುಗಳನ್ನು ಐಸಿಸಿಗೆ ಶಿಫಾರಸು ಮಾಡುತ್ತದೆ.