National Coaching Camp: 40 ಸಂಭಾವ್ಯ ಸದಸ್ಯರ ಜೂನಿಯರ್ ತಂಡ ಪ್ರಕಟಿಸಿದ ಹಾಕಿ ಇಂಡಿಯಾ!

ಜೂನ್‌ 15 ಶನಿವಾರ, ಬೆಂಗಳೂರಿನ ಭಾರತೀಯ ಕ್ರೀಡಾ ಪ್ರಾಧಿಕಾರದಲ್ಲಿ (ಎಸ್‌ಎಐ) ಪ್ರಾರಂಭವಾಗುವ ಜೂನಿಯರ್ ಪುರುಷರ ರಾಷ್ಟ್ರೀಯ ಕೋಚಿಂಗ್ ಕ್ಯಾಂಪ್‌ಗೆ 40 ಆಟಗಾರರ ಪ್ರಮುಖ ಸಂಭಾವ್ಯ ತಂಡವನ್ನು ಹಾಕಿ ಇಂಡಿಯಾ ಶನಿವಾರ ಪ್ರಕಟಿಸಿದೆ.

ಕೋಚ್ ಜನಾರ್ದನ್ ಸಿಬಿ ನೇತೃತ್ವದಲ್ಲಿ ಮತ್ತು ಹಾಕಿ ಇಂಡಿಯಾದ ಹೈ ಪರ್ಫಾರ್ಮೆನ್ಸ್ ಡೈರೆಕ್ಟರ್ ಹರ್ಮನ್ ಕ್ರೂಸ್ ಅವರ ಮೇಲ್ವಿಚಾರಣೆಯಲ್ಲಿ ಮುಂಬರುವ ಶಿಬಿರವು 63 ದಿನಗಳ ಕಾಲ ನಡೆಯಲಿದ್ದು, ಆಗಸ್ಟ್ 18 ರಂದು ಕೊನೆಗೊಳ್ಳಲಿದೆ.

ಇತ್ತೀಚೆಗೆ ಜೂನಿಯರ್ ಪುರುಷರ ತಂಡ ಮೇ 20 ರಿಂದ 29 ರವರೆಗೆ ಯುರೋಪ್‌ ಪ್ರವಾಸ ಕೈಗೊಂಡಿತ್ತು. ಈ ಅವಧಿಯಲ್ಲಿ ಭಾರತ ತಂಡವು ಬೆಲ್ಜಿಯಂ, ಜರ್ಮನಿ ಮತ್ತು ನೆದರ್ಲ್ಯಾಂಡ್ಸ್ ಕ್ಲಬ್ ತಂಡ ಬ್ರೆಡ್ಜ್ ಹಾಕಿ ವೆರೆನಿಜಿಂಗ್ ಪುಶ್ ವಿರುದ್ಧ ಒಟ್ಟು ಐದು ಪಂದ್ಯಗಳನ್ನು ಆಡಿತ್ತು. ಇದೀಗ ಯುರೋಪ್‌ ಪ್ರವಾಸದ ನಂತರ ಶಿಬಿರವನ್ನು ಆಯೋಜಿಸಲಾಗಿದೆ.

ಭಾರತದ ಸಂಭಾವ್ಯ ಜೂನಿಯರ್ ಹಾಕಿ ತಂಡ

ಗೋಲ್‌ಕೀಪರ್‌ಗಳು: ಪ್ರಿನ್ಸ್ ದೀಪ್ ಸಿಂಗ್, ಬಿಕ್ರಂಜಿತ್ ಸಿಂಗ್, ಆದರ್ಶ್ ಜಿ, ಅಶ್ವಿನಿ ಯಾದವ್ ಮತ್ತು ಅಲಿ ಖಾನ್.

ಫಾರ್ವರ್ಡ್‌ಗಳು: ಮೋಹಿತ್ ಕರ್ಮಾ, ಮೊಹಮ್ಮದ್ ಜೈದ್ ಖಾನ್, ಮೊಹಮ್ಮದ್ ಕಾನನ್ ದಾದ್, ಸೌರಭ್ ಆನಂದ್ ಕುಶ್ವಾಹಾ, ಅರಿಜಿತ್ ಸಿಂಗ್ ಹುಂಡಾಲ್, ಗುರ್ಜೋತ್ ಸಿಂಗ್, ಪ್ರಭದೀಪ್ ಸಿಂಗ್, ದಿಲ್ರಾಜ್ ಸಿಂಗ್, ಅರ್ಶ್ದೀಪ್ ಸಿಂಗ್ ಮತ್ತು ಗುರುಸೇವಕ್ ಸಿಂಗ್. ಷ

ಡಿಫೆಂಡರ್‌ಗಳು: ಶಾರದಾ ನಂದ್ ತಿವಾರಿ, ಅಮೀರ್ ಅಲಿ, ಮನೋಜ್ ಯಾದವ್, ಸುಖ್ವಿಂದರ್, ರೋಹಿತ್, ಯೋಗಂಬರ್ ರಾವತ್, ಅನ್ಮೋಲ್ ಎಕ್ಕಾ, ಪ್ರಶಾಂತ್ ಬಾರ್ಲಾ, ಆಕಾಶ್ ಸೊರೊಂಗ್, ಸುಂದರಂ ರಾಜಾವತ್, ಆನಂದ್ ವೈ ಮತ್ತು ತಲೇಂ ಪ್ರಿಯೋ ಬರ್ತಾ.

ಮಿಡ್‌ಫೀಲ್ಡರ್‌ಗಳು: ಬಿಪಿನ್ ಬಿಲ್ವಾರಾ ರವಿ, ವಚನ್ ಎಚ್‌ಎ, ಅಂಕಿತ್ ಪಾಲ್, ರೋಸೆನ್ ಕುಜೂರ್, ಮುಖೇಶ್ ಟೊಪ್ಪೊ, ಹೃತಿಕ್ ಕುಜೂರ್, ತೌನೊಜಮ್ ಇಂಗ್ಲೆಂಬಾ ಲುವಾಂಗ್, ತೊಕ್ಚೊಮ್ ​​ಕಿಂಗ್ಸನ್ ಸಿಂಗ್, ಅಂಕುಶ್, ಜೀತ್‌ಪಾಲ್, ಚಂದನ್ ಯಾದವ್, ಮನ್ಮೀತ್ ಸಿಂಗ್ ಮತ್ತು ಗೋವಿಂದ್ ನಾಗ್.

ಶಿಬಿರದ ಕುರಿತು ಮಾತನಾಡಿದ ಕೋಚ್ ಜನಾರ್ದನ್ ಸಿಬಿ, 'ಭವಿಷ್ಯದ ಅಂತಾರಾಷ್ಟ್ರೀಯ ಸ್ಪರ್ಧೆಗಳಿಗೆ ನಮ್ಮ ತಯಾರಿಗಾಗಿ ಈ ಶಿಬಿರ ಮಹತ್ವದ್ದಾಗಿದೆ. ನಾವು ಪ್ರತಿಭಾವಂತ ಆಟಗಾರರ ಗುಂಪನ್ನು ಹೊಂದಿದ್ದೇವೆ.

ಕಠಿಣ ತರಬೇತಿ ಅವಧಿಗಳು ಆಟಗಾರರ ಸಂಪೂರ್ಣ ಸಾಮರ್ಥ್ಯವನ್ನು ತಲುಪಲು ಸಹಾಯ ಮಾಡುತ್ತದೆ. ಯಾವುದೇ ಸವಾಲನ್ನು ಎದುರಿಸಲು ಸಿದ್ಧವಾಗಿರುವ ಅಸಾಧಾರಣ ತಂಡವನ್ನು ಅಭಿವೃದ್ಧಿಪಡಿಸುವುದು ನಮ್ಮ ಗುರಿಯಾಗಿದೆ ಎಂದು ಹೇಳಿದ್ದಾರೆ.