ಹುಟ್ಟುಹಬ್ಬಕ್ಕಾಗಿ ಎಂಎಸ್ ಧೋನಿ ಕಟ್ಔಟ್; ಅತಿ ಎತ್ತರದ ಕಟ್ಔಟ್ ದಾಖಲೆ ಬರೆದ ಅಭಿಮಾನಿಗಳು

ಅತಿ ಎತ್ತರದ ಕಟೌಟ್ ನಿಲ್ಲಿಸಿದ ದಾಖಲೆ ಬರೆದ ಧೋನಿ ಅಭಿಮಾನಿಗಳು

ವಿಜಯವಾಡದಲ್ಲಿ ಎಂಎಸ್ ಧೋನಿ ಅಭಿಮಾನಿಗಳು ನಿಲ್ಲಿಸಿರುವ ಎಂಎಸ್ ಧೋನಿಯ ಕಟ್ ಔಟ್ 41 ಅಡಿ ಎತ್ತರದ ಕಟ್ ಔಟ್ ಆಗಿದೆ. ಇದು ಭಾರತದಲ್ಲಿ ಕ್ರಿಕೆಟ್ ಆಟಗಾರನ ಅತಿ ಎತ್ತರದ ಕಟ್ ಔಟ್ ಎಂಬ ಕೀರ್ತಿಯನ್ನು ಪಡೆದುಕೊಂಡಿದೆ.

ಧೋನಿ ಹುಟ್ಟುಹಬ್ಬಕ್ಕಾಗಿ ನಿರ್ಮಿಸಲಾಗುತ್ತಿರುವ ಮೂರನೇ ಕಟ್ ಔಟ್ ಇದು

ಇನ್ನು ಎಂ ಎಸ್ ಧೋನಿ ಹುಟ್ಟುಹಬ್ಬಕ್ಕಾಗಿ ಕಟ್ ಔಟ್ ನಿಲ್ಲಿಸುತ್ತಿರುವುದು ಇದೇ ಮೊದಲ ಬಾರಿಯೇನಲ್ಲ. 2018ರಲ್ಲಿ ಎಂಎಸ್ ಧೋನಿ ಹುಟ್ಟುಹಬ್ಬಕ್ಕಾಗಿ ಕೇರಳ ಮತ್ತು ತಮಿಳುನಾಡು ರಾಜ್ಯಗಳಲ್ಲಿ ಧೋನಿಯ ಕಟ್ ಔಟ್ ನಿಲ್ಲಿಸಲಾಗಿತ್ತು. ಕೇರಳದಲ್ಲಿ 35 ಅಡಿ ಎತ್ತರದ ಕಟೌಟ್ ನಿಲ್ಲಿಸಲಾಗಿತ್ತು ಹಾಗೂ ತಮಿಳುನಾಡಿನಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ಜೆರ್ಸಿ ತೊಟ್ಟಿದ್ದ ಎಂಎಸ್ ಧೋನಿಯ 30 ಅಡಿ ಎತ್ತರದ ಕಟೌಟ್ ನಿಲ್ಲಿಸಲಾಗಿತ್ತು. ಈ ಬಾರಿ ಆ ಎರಡೂ ಕಟ್ ಔಟ್‌ಗಳಿಗಿಂತ ಎತ್ತರದ ( 41 ಅಡಿ ) ಕಟ್ ಔಟ್ ನಿಲ್ಲಿಸಲಾಗಿದೆ.

ಎಂಎಸ್ ಧೋನಿ ಅಂಕಿ ಅಂಶ

ಎಂಎಸ್ ಧೋನಿ 90 ಟೆಸ್ಟ್ ಪಂದ್ಯಗಳನ್ನಾಡಿ 6 ಶತಕ ಸಹಿತ 4876 ರನ್ ಕಲೆಹಾಕಿದ್ದಾರೆ, 350 ಏಕದಿನ ಪಂದ್ಯಗಳನ್ನಾಡಿ 10 ಶತಕ ಸಹಿತ 10773 ರನ್ ಬಾರಿಸಿದ್ದಾರೆ ಹಾಗೂ 98 ಅಂತರಾಷ್ಟ್ರೀಯ ಟಿ ಟ್ವೆಂಟಿ ಪಂದ್ಯಗಳನ್ನಾಡಿ 1917 ರನ್ ಕಲೆಹಾಕಿದ್ದಾರೆ. ಎಂಎಸ್ ಧೋನಿ ನಾಯಕನಾಗಿ ಟಿ ಟ್ವೆಂಟಿ ವಿಶ್ವಕಪ್, ಏಕದಿನ ವಿಶ್ವಕಪ್ ಹಾಗೂ ಚಾಂಪಿಯನ್ಸ್ ಟ್ರೋಫಿ ಗೆಲ್ಲಿಸಿದ ಹೆಗ್ಗಳಿಕೆಯನ್ನು ಹೊಂದಿದ್ದಾರೆ.

ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ನಾಯಕನಾಗಿ ಒಟ್ಟು 4 ಬಾರಿ ಟ್ರೋಫಿಯನ್ನು ಗೆಲ್ಲಿಸಿ ಯಶಸ್ವಿ ನಾಯಕನಾಗಿರುವ ಎಂಎಸ್ ಧೋನಿ 234 ಐಪಿಎಲ್ ಪಂದ್ಯಗಳನ್ನಾಡಿ 4978 ರನ್ ಕಲೆಹಾಕಿದ್ದಾರೆ.