'ಮುಂಬೈ ಇಂಡಿಯನ್ಸ್' ಹೆಸರಿನಲ್ಲಿದೆ ಕೆಟ್ಟ ದಾಖಲೆ: ಡೆಲ್ಲಿಗೆ ಅದೃಷ್ಟ ತರುತ್ತಾ 2020?

ನಾಲ್ಕು ಬಾರಿ ಐಪಿಎಲ್ ಗೆದ್ದಿರುವ ಮುಂಬೈ

2008ರಿಂದ 2012ರ ಆವೃತ್ತಿವರೆಗೂ ಮುಂಬೈ ಇಂಡಿಯನ್ಸ್ ಒಮ್ಮೆಯೂ ಫೈನಲ್‌ ಗೆದ್ದಿಲ್ಲ. 2013ರಲ್ಲಿ ಚೊಚ್ಚಲ ಬಾರಿಗೆ ಐಪಿಎಲ್ ಮುಡಿಗೇರಿಸಿಕೊಂಡ ಮುಂಬೈ ನಂತರ 2015, 2017, 2019ರಲ್ಲಿ ಕಪ್ ಗೆದ್ದಿದ್ದಾರೆ. ಮುಂಬೈ ಇಂಡಿಯನ್ಸ್ ಜರ್ನಿಯನ್ನು ಸೂಕ್ಷ್ಮವಾಗಿ ಗಮನಿಸಿದರೆ ಕೆಟ್ಟ ದಾಖಲೆಯೊಂದಿದೆ.

ಬೆಸ ಸಂಖ್ಯೆಯ ವರ್ಷದಲ್ಲಿ ಕಪ್ ಗೆದ್ದಿಲ್ಲ?

ಐಪಿಎಲ್ ಇತಿಹಾಸದಲ್ಲಿ ಮುಂಬೈ ಇಂಡಿಯನ್ಸ್ ಇದುವರೆಗೂ ಸಮಸಂಖ್ಯೆಯ ವರ್ಷದಲ್ಲಿ ಟ್ರೋಫಿ ಗೆದ್ದೇ ಇಲ್ಲ. 2013, 2015, 2017, 2019 ಬೆಸ ಸಂಖ್ಯೆಯ ವರ್ಷದಲ್ಲಿ ಮಾತ್ರ ಐಪಿಎಲ್ ಗೆದ್ದಿದ್ದಾರೆ.

ಈ ಅಂಕಿ ಅಂಶ ಡೆಲ್ಲಿಗೆ ವರದಾನ!

ಮುಂಬೈ ಇಂಡಿಯನ್ಸ್‌ಗೆ ಸಮಸಂಖ್ಯೆ ಮತ್ತು ಬೆಸ ಸಂಖ್ಯೆ ವರ್ಷ ಎನ್ನುವ ಸಂಪ್ರದಾಯ ನಿಜವೇ ಆದರೆ '2020' ಅವರ ಪಾಲಿಗೆ ನಿರಾಸೆಯಾಗಲಿದೆ. ಮುಂಬೈ ಇಂಡಿಯನ್ಸ್ ತಂಡದ ಈ ಅಂಕಿ ಅಂಶದ ಇತಿಹಾಸ ಡೆಲ್ಲಿ ಅಭಿಮಾನಿಗಳಿಗೆ ಆತ್ಮ ವಿಶ್ವಾಸ ಹೆಚ್ಚಿಸಿದೆ.

ಕೆಟ್ಟ ದಾಖಲೆ ಅಳಿಸಿಕೊಳ್ಳುತ್ತಾ ಮುಂಬೈ?

ಸಮ ಸಂಖ್ಯೆ ಮತ್ತು ಬೆಸ ಸಂಖ್ಯೆ ಅಂಕಿ ಅಂಶವನ್ನು ತಲೆಕೆಳಗಾಗಿಸಿ ಈ ವರ್ಷ ಮುಂಬೈ ಇಂಡಿಯನ್ಸ್ ಕಪ್ ಗೆಲ್ಲುತ್ತಾ ಅಥವಾ ಡೆಲ್ಲಿ ವಿರುದ್ಧ ಪಂದ್ಯ ಸೋತು ಕೇವಲ ಬೆಸ ಸಂಖ್ಯೆ ಮಾತ್ರ ನಮಗೆ ಅದೃಷ್ಟ ಎಂದು ಬಿಂಬಿಸಿಕೊಳ್ಳುತ್ತಾ ಎಂದು ಕಾದು ನೋಡಬೇಕಿದೆ.