ಕೈ ತುಂಬಾ ಹಣ ಕೊಡುತ್ತಿದ್ದ ಐಪಿಎಲ್ ಮಿಸ್, ಬಾಂಗ್ಲಾ ವೇಗಿ ಅಳಲು

ಮನೆಯಲ್ಲಿ ಕೂರುವುದು ಅನಿವಾರ್ಯವಾಗಿದೆ

ನೀವು ಎಷ್ಟೇ ಕಠಿಣ ತರಬೇತಿ ಪಡೆದುಕೊಂಡಿದ್ದರೂ ನೀವು ಮನೆಯಲ್ಲಿ ಸುಮ್ಮನೆ ಕುಳಿತರೆ ಎಲ್ಲವೂ ವ್ಯರ್ಥವಾಗುತ್ತದೆ. 14 ದಿನಗಳ ಕ್ವಾರಂಟೈನ್ ಅವಧಿಗೆ ಒಳಗಾಗಲು ಆಟಗಾರರು ತಯಾರಿಲ್ಲ. ಅದು ಅಲ್ಲಿನ ಕಾನೂನು, ಈ ಬಗ್ಗೆ ಶ್ರೀಲಂಕಾ ಮಂಡಳಿಯು ಏನು ಮಾಡಲು ಸಾಧ್ಯವಿಲ್ಲ ಎಂದು ಮುಸ್ತಫಿಜುರ್ ಹೇಳಿದ್ದಾರೆ.

1 ಕೋಟಿ ಬಾಂಗ್ಲಾದೇಶ ಟಾಕಾ ಗಳಿಸುತ್ತಿದ್ದೆ

ಶ್ರೀಲಂಕಾ ಸರಣಿ ಮುಂದೂಡಿಕೆ ಬಗ್ಗೆ ಬಾಂಗ್ಲಾ ಕ್ರಿಕೆಟ್ ಮಂಡಳಿಗೆ ಮೊದಲೇ ತಿಳಿದಿದ್ದರೆ ಐಪಿಎಲ್‌ನಲ್ಲಿ ಆಡಲು ಅವಕಾಶ ನೀಡಬೇಕಾಗಿತ್ತು. ಕ್ರಿಕೆಟ್ ಮಂಡಳಿ NoC ಇಲ್ಲದೆ ನಾನೇನು ಮಾಡಲಿ, ಐಪಿಎಲ್ ನಲ್ಲಿ ಆಡಿದ್ದರೆ 1 ಕೋಟಿ ಬಾಂಗ್ಲಾದೇಶ ಟಾಕಾ ಗಳಿಸುತ್ತಿದ್ದೆ ಎಂದು ರಹಮಾನ್ ಹೇಳಿಕೊಂಡಿದ್ದಾರೆ.

ಪಾಕಿಸ್ತಾನ ಸೂಪರ್ ಲೀಗ್ ಕೂಡಾ ಮಿಸ್ ಆಗಿತ್ತು

2015-16ರಲ್ಲಿ ಗಾಯಗೊಳ್ಳದಿರಲೆಂದು ಮುಸ್ತಫಿಜುರ್ ಅವರಿಗೆ ಪಾಕಿಸ್ತಾನ ಸೂಪರ್ ಲೀಗ್ ನಲ್ಲಿ ಆಡಲು ಅನುಮತಿ ನೀಡಿರಲಿಲ್ಲ. ಆದರೆ, ಇದಕ್ಕೆ ಬದಲಾಗಿ ಅವರಿಗೆ 30 ಲಕ್ಷ ಬಾಂಗ್ಲಾದೇಶಿ ಟಾಕಾ ಮೊತ್ತ ಪರಿಹಾರ ನೀಡಲಾಗಿತ್ತು. ಆದರೆ, ಈ ಬಾರಿ ಕ್ರಿಕೆಟ್ ಮಂಡಳಿಯ ನಿರ್ವಹಣಾ ಚೇರ್ಮನ್ ಅಕ್ರಮ್ ಖಾನ್ ಅವರು ಯಾವುದೇ ಪರಿಹಾರ ನೀಡುವ ಬಗ್ಗೆ ಮಾತನಾಡಿಲ್ಲ.

2018 ರಲ್ಲಿ ಐಪಿಎಲ್‌ನಲ್ಲಿ ಆಡಿದ್ದ ಮುಸ್ತಫಿಜುರ್

ಕೊನೆಯ ಬಾರಿಗೆ 2018 ರಲ್ಲಿ ಐಪಿಎಲ್‌ನಲ್ಲಿ ಆಡಿದ ಮುಸ್ತಫಿಜುರ್ ಮುಂಬೈ ಇಂಡಿಯನ್ಸ್ ಪರ 7 ಪಂದ್ಯಗಳಲ್ಲಿ 7 ವಿಕೆಟ್ ಪಡೆದಿದ್ದರು. ಒಟ್ಟಾರೆ 24 ಪಂದ್ಯಗಳಲ್ಲಿ 24ವಿಕೆಟ್ ಗಳಿಸಿದ್ದಾರೆ. ಆದರೆ, ಗಾಯದಿಂದಾಗಿ ಅವರು ಮಧ್ಯದಲ್ಲೇ ಪಂದ್ಯಾವಳಿಯನ್ನು ತಪ್ಪಿಸಿಕೊಂಡರು. ಈ ಹಿನ್ನೆಲೆಯಲ್ಲಿಯೇ ಕಳೆದ ವರ್ಷವೂ ಐಪಿಎಲ್‌ನಲ್ಲಿ ಆಡಲು ಬಾಂಗ್ಲಾ ಮಂಡಳಿ ನಿರಾಕರಿಸಿತು. ಬಾಂಗ್ಲಾದೇಶಿ ಆಟಗಾರರು ವಿದೇಶಿ ಕ್ರಿಕೆಟ್ ಲೀಗ್‌ಗಳಲ್ಲಿ ಆಡಿದರೆ ಅನಗತ್ಯವಾಗಿ ಗಾಯಗೊಳ್ಳುತ್ತಾರೆ ಎಂದು ಕ್ರಿಕೆಟ್ ಮಂಡಳಿ ಅನುಮತಿ ನೀಡಲು ನಿರಾಕರಿಸುತ್ತಿದೆ ಎಂಬ ಮಾತಿದೆ.