Navjot Singh Sidhu: ಟ್ರಾವಿಸ್ ಹೆಡ್ ಅಸಂಬದ್ಧ ಆಚರಣೆ; ನವಜೋತ್ ಸಿಂಗ್ ಸಿಧು ಕಿಡಿ

ಮೆಲ್ಬೋರ್ನ್ ಟೆಸ್ಟ್ ಪಂದ್ಯದಲ್ಲಿ ಆಸ್ಟ್ರೇಲಿಯಾ ವಿರುದ್ಧ ಸೋತ ಬಳಿಕ ಭಾರತ ತಂಡ ಗೆಲುವಿನ ತಯಾರಿ ನಡೆಸಿದೆ.ಟೀಮ್ ಇಂಡಿಯಾ ಬಾರ್ಡರ್ ಗವಾಸ್ಕರ್ ಟ್ರೋಫಿ ಟೆಸ್ಟ್ ಸರಣಿಯಲ್ಲಿ 1-2ರಿಂದ ಹಿನ್ನಡೆ ಅನುಭವಿಸಿದ್ದು, ಇದೀಗ ಸಿಡ್ನಿ ಟೆಸ್ಟ್‌ ಪಂದ್ಯದಲ್ಲಿ ಯಾವುದೇ ಬೆಲೆ ತೆತ್ತಾದರೂ ಗೆಲ್ಲಲೇಬೇಕಾಗಿದೆ. ಮುಂದಿನ ಪಂದ್ಯದಲ್ಲೂ ಭಾರತ ತಂಡ ಸೋತರೆ 2014ರ ನಂತರ ಬಾರ್ಡರ್-ಗವಾಸ್ಕರ್ ಟ್ರೋಫಿಯನ್ನು ಕಳೆದುಕೊಳ್ಳಲಿದೆ. ಇದಕ್ಕೂ ಮುನ್ನ ಮೆಲ್ಬೋರ್ನ್ ಟೆಸ್ಟ್ ಪಂದ್ಯದ ಕೊನೆಯ ದಿನ ಎಲ್ಲರ ಗಮನ ಸೆಳೆದಿರುವ ವಿವಾದಾತ್ಮಕ ಘಟನೆಯೊಂದು ಭಾರೀ ಚರ್ಚೆಯಾಗುತ್ತಿದೆ.

ಭಾರತ ತಂಡದ ಸ್ಟಾರ್ ವಿಕೆಟ್‌ಕೀಪರ್ ರಿಷಬ್ ಪಂತ್ ವಿಕೆಟ್ ಪಡೆದ ನಂತರ ಆಸ್ಟ್ರೇಲಿಯಾದ ಕ್ರಿಕೆಟಿಗ ಟ್ರಾವಿಸ್ ಹೆಡ್ ವಿಚಿತ್ರ ರೀತಿಯಲ್ಲಿ ಸಂಭ್ರಮಿಸಿದರು. ಪಂತ್ ಉತ್ತಮವಾಗಿ ಬ್ಯಾಟಿಂಗ್ ಮಾಡುತ್ತಿದ್ದರು. ಈ ವೇಳೆ ಪಾರ್ಟ್ ಟೈಮ್ ಸ್ಪಿನ್ನರ್ ಆಗಿ ಹೆಡ್ ಬೌಲಿಂಗ್ ಮಾಡಿದರು. ಹೆಡ್ ಅವರ ಬೌಲಿಂಗ್‌ನಲ್ಲಿ ಪಂತ್ ಸಿಕ್ಸರ್ ಹೊಡೆಯಲು ಪ್ರಯತ್ನಿಸಿದರು. ಮಿಚೆಲ್ ಮಾರ್ಷ್ ಬೌಂಡರಿಯಲ್ಲಿ ಪಂತ್ ಹೊಡೆದ ಚೆಂಡನ್ನು ಕ್ಯಾಚ್ ಹಿಡಿದರು. ಇದಾದ ನಂತರ ಹೆಡ್ ಅಸಂಬದ್ಧ ಆಚರಣೆ ಮಾಡಿದರು. ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗುವ ಮೂಲಕ ಚರ್ಚೆಗೂ ಕಾರಣವಾಗಿದೆ. ಇದೀಗ ಟ್ರಾವಿಸ್ ಹೆಡ್ ವಿರುದ್ಧ ಟೀಮ್ ಇಂಡಿಯಾದ ಮಾಜಿ ಕ್ರಿಕೆಟಿಗ ನವಜೋತ್ ಸಿಂಗ್ ಸಿಧು ಕ್ರಮಕ್ಕೆ ಒತ್ತಾಯಿಸಿದ್ದಾರೆ.

ಸಿಧು ಆಕ್ರೋಶ

ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡುವ ಮೂಲಕ ಟ್ರಾವಿಸ್ ಹೆಡ್ ವಿರುದ್ಧ ನವಜೋತ್ ಸಿಂಗ್ ಸಿಧು ಆಕ್ರೋಶ ಹೊರಹಾಕಿದ್ದಾರೆ. ಮೆಲ್ಬೋರ್ನ್ ಟೆಸ್ಟ್‌ನಲ್ಲಿ ಟ್ರಾವಿಸ್ ಹೆಡ್ ಅವರ ಅಸಹ್ಯಕರ ನಡವಳಿಕೆಯು ಸಜ್ಜನರ ಆಟಕ್ಕೆ ಒಳ್ಳೆಯದಲ್ಲ. ಮಕ್ಕಳು, ಮಹಿಳೆಯರು, ಕಿರಿಯರು ಮತ್ತು ಹಿರಿಯರು ಆಟವನ್ನು ನೋಡುತ್ತಿರುವಾಗ ಇದು ಕೆಟ್ಟ ಉದಾಹರಣೆಯಾಗಿದೆ. ಈ ಕಠಿಣ ನಡವಳಿಕೆಯು ಯಾರನ್ನೂ ಅವಮಾನಿಸಿಲ್ಲ ಎಂದು ಸಿಧು ಬರೆದಿದ್ದಾರೆ. ವೈಯಕ್ತಿಕ ಆದರೆ 1.5 ಶತಕೋಟಿ ಭಾರತೀಯರ ರಾಷ್ಟ್ರ. ಅವನಿಗೆ ಕಠಿಣ ಶಿಕ್ಷೆಯನ್ನು ನೀಡಬೇಕು. ಇದು ಭವಿಷ್ಯದ ಪೀಳಿಗೆಗೆ ಪ್ರತಿಬಂಧಕವಾಗಿ ಕಾರ್ಯನಿರ್ವಹಿಸುತ್ತದೆ. ಆದ್ದರಿಂದ ಯಾರೂ ಅದೇ ರೀತಿ ಮಾಡಲು ಧೈರ್ಯ ಮಾಡಬಾರದು ಎಂದಿದ್ದಾರೆ.

ಆಚರಣೆಯ ಹಿಂದಿನ ರಹಸ್ಯವೇನು?

ಟ್ರಾವಿಸ್ ಹೆಡ್ ಸಂಭ್ರಮಾಚರಣೆಯು ಸಿಧು ಸೇರಿದಂತೆ ಅನೇಕ ಭಾರತೀಯರನ್ನು ಅಸಮಾಧಾನಗೊಳಿಸಿದೆ. ಆದರೆ ಪಂದ್ಯದ ನಂತರದ ಪತ್ರಿಕಾಗೋಷ್ಠಿಯಲ್ಲಿ, ವರದಿಗಾರರು ಆಸ್ಟ್ರೇಲಿಯಾದ ನಾಯಕ ಪ್ಯಾಟ್ ಕಮಿನ್ಸ್ ಅವರಿಗೆ ಹೆಡ್ ಸಂಭ್ರಮಾಚರಣೆ ಬಗ್ಗೆ ಕೇಳಿದ್ದರು. ಇದಕ್ಕೆ ಉತ್ತರಿಸಿದ ಕಮ್ಮಿನ್ಸ್, ಈ ಬಗ್ಗೆ ನಾನು ವಿವರಿಸುತ್ತೇನೆ. ಹೆಡ್ ಬೆರಳುಗಳು ತುಂಬಾ ಬಿಸಿಯಾಗಿರುವುದರಿಂದ ಒಂದು ಕಪ್ ಐಸ್‌ನಲ್ಲಿ ಹಾಕಿರುವುದು ಅಷ್ಟೇ. ಇದು ನಮ್ಮಲ್ಲಿ ಸಾಮಾನ್ಯವಾಗಿ ನಡೆಯುವ ಜೋಕ್ ಆಗಿದೆ. ಈ ಹಿಂದೆ ಗಬ್ಬಾದಲ್ಲಿ ಅಥವಾ ಬೇರೆಲ್ಲಿಯಾದರೂ ಅವರು ವಿಕೆಟ್ ಪಡೆದ ನಂತರ ಫ್ರಿಡ್ಜ್‌ಗೆ ಹೋಗಿ, ಐಸ್ ತೆಗೆದುಕೊಂಡು, ಅದರಲ್ಲಿ ತನ್ನ ಬೆರಳನ್ನು ಇಟ್ಟ ನಾಥನ್ ಲಿಯಾನ್ ಮುಂದೆ ನಡೆಯುತ್ತಾರೆ. ಇದು ತಮಾಷೆ ವಿಚಾರವಾಗಿದೆ. ಬೇರೇನೂ ಅಲ್ಲ ಎಂದು ಹೇಳಿದ್ದಾರೆ.