ಇಷ್ಟು ಕೆಜಿ ತೂಕ ಇಳಿಸಿದರೆ ಮಾತ್ರ ತಂಡದಲ್ಲಿ ಮತ್ತೆ ಸ್ಥಾನ; ರೋಹಿತ್‌ಗೆ ಬಂತು ಖಡಕ್ ಎಚ್ಚರಿಕೆ!

ರೋಹಿತ್ ಪುನಃ ತಂಡ ಸೇರಬೇಕೆಂದರೆ 5 - 6 ಕೆಜಿ ತೂಕ ಇಳಿಸಿಕೊಳ್ಳಲೇಬೇಕು

ಇನ್ನು ನ್ಯಾಶನಲ್ ಕ್ರಿಕೆಟ್ ಅಕಾಡೆಮಿಯಲ್ಲಿ ಕಸರತ್ತು ನಡೆಸುತ್ತಿರುವ ರೋಹಿತ್ ಶರ್ಮಾ ಮುಂದಿನ ಪರೀಕ್ಷೆಯೊಳಗೆ 5 ರಿಂದ 6 ಕೆಜಿ ದೇಹದ ತೂಕವನ್ನು ಇಳಿಸಿಕೊಳ್ಳಲೇಬೇಕಾಗಿದೆ. ಇಷ್ಟರ ಮಟ್ಟಿಗಿನ ತೂಕವನ್ನು ಇಳಿಸಿಕೊಂಡರೆ ಮಾತ್ರ ರೋಹಿತ್ ಶರ್ಮಾ ಮರಳಿ ಟೀಮ್ ಇಂಡಿಯಾ ಸೇರಲು ಅನುಮತಿ ಸಿಗಲಿದೆ ಇಲ್ಲವಾದರೆ ಮತ್ತೊಮ್ಮೆ ಪರೀಕ್ಷೆಗೆ ರೋಹಿತ್ ಶರ್ಮಾ ಒಳಪಡಲಿದ್ದಾರೆ. ರೋಹಿತ್ ಶರ್ಮಾ ಕಾಲಿನ ಗಾಯದ ಸಮಸ್ಯೆಯಿಂದ ಬಳಲುತ್ತಿದ್ದು ದೇಹದ ತೂಕವನ್ನು ಕಡಿಮೆ ಮಾಡಿಕೊಂಡರೆ ಶೀಘ್ರವೇ ಗುಣಮುಖರಾಗಲಿದ್ದು ಕಣಕ್ಕಿಳಿಯಲು ಫಿಟ್ ಆಗಲಿದ್ದಾರೆ.

ರೋಹಿತ್ ಗಾಯದ ಸಮಸ್ಯೆಯಿಂದ ಅವಕಾಶ ಕೈ ತಪ್ಪಿಸಿಕೊಳ್ಳುತ್ತಿರುವುದು ಇದೇ ಮೊದಲೇನಲ್ಲ

ಭಾರತ ಏಕದಿನ ತಂಡದ ಪೂರ್ಣಾವಧಿಯ ನಾಯಕನಾಗಿ ಆಯ್ಕೆಯಾದ ರೋಹಿತ್ ಶರ್ಮಾ ತಾವು ತಂಡವನ್ನು ಮುನ್ನಡೆಸಬೇಕಿದ್ದ ಮೊದಲ ಸರಣಿಯಿಂದಲೇ ಹೊರಬಿದ್ದಿದ್ದಾರೆ. ಹೀಗೆ ಗಾಯದ ಸಮಸ್ಯೆಯಿಂದ ರೋಹಿತ್ ಶರ್ಮಾ ಈ ಹಿಂದೆ ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯ ಕೆಲ ಪಂದ್ಯಗಳಲ್ಲಿ, ಆಸ್ಟ್ರೇಲಿಯಾ ವಿರುದ್ಧದ ಸರಣಿಯಲ್ಲಿ ಕಣಕ್ಕಿಳಿಯುವ ಅವಕಾಶವನ್ನು ಕೂಡ ಕೈ ತಪ್ಪಿಸಿಕೊಂಡಿದ್ದರು.

ಇತ್ತೀಚಿನ ಚಿತ್ರಗಳಲ್ಲಿ ಸಣ್ಣ ಕಾಣುತ್ತಿದ್ದಾರೆ ಶರ್ಮಾ

ಇನ್ನು ನ್ಯಾಶನಲ್ ಕ್ರಿಕೆಟ್ ಅಕಾಡೆಮಿಯಲ್ಲಿ ಸದ್ಯ ರೋಹಿತ್ ಶರ್ಮಾ ಜೊತೆ ಫಿಟ್‌ನೆಸ್ ಪಡೆದುಕೊಳ್ಳಲು ಶ್ರಮಿಸುತ್ತಿರುವ ಶಿಖರ್ ಧವನ್ ಹಾಗೂ ಸಂಜು ಸ್ಯಾಮ್ಸನ್ ಸಾಮಾಜಿಕ ಜಾಲತಾಣಗಳಲ್ಲಿ ಇತ್ತೀಚೆಗೆ ರೋಹಿತ್ ಶರ್ಮಾ ಜೊತೆಗಿನ ತಮ್ಮ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಈ ಫೋಟೋಗಳಲ್ಲಿ ರೋಹಿತ್ ಶರ್ಮಾ ಹಿಂದಿಗಿಂತಲೂ ಸಣ್ಣ ಕಾಣುತ್ತಿದ್ದು ಕಣಕ್ಕಿಳಿಯಲು ಶೀಘ್ರವೇ ಫಿಟ್ ಆಗಲಿದ್ದಾರೆ ಎಂಬ ಭರವಸೆ ಮೂಡಿಸಿದ್ದಾರೆ.